“Женко” Х.Баттулга анх улстөрд хөл тавихдаа “эх оронч” гэдэг имижийг өөртөө бүрдүүлсэн. Тухайн үед гэр бүлийн амьдрал ихээхэн нуццлаг байсан нь сэтгүүлчдийн анхаарлыг маш их татав. Нөгөө талаараа анхнаасаа “Эх оронч” дүр эсгэх шаардлага байсан нь хожмоо ил болсон юм. Тэрбээр гадаад эхнэр, хүүхдүүдээ далдлахын тулд “Эх оронч” имиж бүрдүүлэх сонирхолтой байдаг байж болох.  Тэгвэл эх оронч үзэл, эх оронч хүн гэж чухам ямар хүнийг хэлэх вэ. 
 
Хариулт нь маш энгийн.  Эх орныхоо төлөө гэсэн сэтгэлтэй, хувь хувьсгалын алинд  ч болов улсаа бодож шийдвэр гаргадаг байх.  Адаглаад л  эх орноосоо эхнэрээ сонгодог хүнийг энд дурдаж болно. Тэгвэл “Женко” Х.Баттулга гэдэг хүн төдийгөөс өдий хүртэл эх орныхоо төлөө юу хийсэн бэ. Эрлийз  эхнэртэй түүнийг  эх оронч гэх үү. Эсвэл  Монгол Улс хэдийнэ төмөр замтай болчих байсныг болиулсан, хөрөнгө мөнгөнөөс  идэж уусан хэмээн шалгагдаж байгаагаас нь үзвэл эх оронч хүн мөн үү гэдэг дээр өөрийн эрхгүй эргэлзээ төрүүлнэ. 
 
1990-ээд оноос эхлэн бизнес эрхлэхдээ  өмнөд хойд хөршөөс авахуулаад Унгар, Солонгос  зэрэг улсын бизнесмэнүүдтэй холбоо  тогтоож  явсан нь  эх оронч үзлийн нэг хэлбэр үү.  Анжелика хэмээх орос эхнэрээ олны нүдэн дээр гаргаж  байгаагүй Х.Баттулга энэ удаад сонгуулийнхаа пи-арыг, адаглаад гэр бүлийн танилцуулгаа хэрхэн хийх бол гэдэг нь сонин байна. Арван жилийнхээ охинтой амьдралаа холбож, өдий хүртэл ханилж яваа М.Энхболдтой харьцуулахад гэр бүлийн харилцаа нь   тэнгэр газар шиг зөрүүтэй хоёр хүн өрсөлдөж байна.
 
“Монгол Улсын тэргүүн хатагтай Ж.Туяацэцэг” гэвэл еврей гаралтай Женкогийн эхнэрээс хувь илүү эх оронч сонсогдохгүй гэж үү. Тэгээд ч  төрийн  тэргүүн нь эрлийз эхнэртэй гэвэл гадаад ертөнцөд хэрхэн сонсогдох бол. Тухайн хүний хувийн амьдрал тогтвортой байх тусмаа хийж хэрэгжүүлэх нь ажил нь цэх шулуун, хэлбэртгүй байдаг жамтай. 
 
Хувийн амьдралаа төвхнүүлж, амрагийн явдлаа  цэгцэлж чадаагүй хүн Ерөнхийлөгч болно гэхэд дэндүү эмгэнэлтэй биш үү.  “Женко”-той харьцуулахад УИХ-ын  дарга М.Энхболдын хувийн амьдрал нэг шугамаар явсаар өдий хүрсэн байх юм. Түүний хувьд арван жилийн охинтойгоо гэр бүл болсон бөгөөд өдгөө хоёр хүүхдийн эцэг эх болж, элэг бүтэн амьдарч яваа нэгэн. Өөрөөр хэлбэл, тэр “Женко” шиг айлын  охины амьдралыг үрсэнгүй, алаг үрсээ өнчрүүлсэнгүй, амрагийн явдалд автсангүй.
 
Тухайн хүний суурь хүмүүжил, зангараг гэдэг зүйл цаашдын замналд ямар их нөлөөтэйг уншигч та надаар хэлүүлэлтгүй мэдэх биз. Тийм ч учраас эх оронч гэж цоллуулах дуртай ч харь хүнтэй дэр нэгтгэсэн Х.Баттулгад монгол төрийн босго өндөрдөнө. Юу гэдэг билээ “Гэрээ засаад төрөө зас” гэдэг билүү. Тэгвэл “Женко” гэрээ засчихаад төрөө засах хэрэгт оролцвол ямар вэ.