sonin.mn
КЕЙПТАУН. /ВВС/. Сүүлийн 113 жилийн хугацаанд тохиогоогүй  ган гачиг болж, усны хомсдолд орсны улмаас Өмнөд Африкийн Бүгд Найрамдах улсын /ӨАБНУ/ Баруун Кейп мужид гамшгийн байдал зарлалаа.
 
Тус мужийн төв Кейптаун хотод газар өрөмдөн ус гаргахаар төлөвлөж байна гэж  тус мужийн захирагч Хелен Цилийн мэдэгдэв.
 
Гамшгийн байдлын хугацаа гурван сар үргэлжлэх аж. Гэхдээ нөхцөл байдал сайжрахгүй бол уг хугацааг сунгана.
 
Африк тивийн өмнөд хэсэгт оршдог улсууд хоёр жил дараалан ган гачигт нэрвэгдээд байгаа юм.
 
НҮБ-ын мэдэгдсэнээр, “Эль-Нино” хэмээх далай-агаар мандлыг хамарсан цаг уурын үзэгдэлтэй холбоотой ган гачигт тус бүс нутгийн 40 сая хүн нэрвэгдээд байна.
 
Өдөрт 100 л-ээс илүү ус хэрэглэхгүй байхыг Баруун Кейп мужийн айл өрхүүдэд албаны хүмүүс уриалж байна.
 
Г.Доржханд
Эх сурвалж: Монцамэ агентлаг