Бямба - 04 сарын 20,
2024
МОСКВА. /ТАСС/. Сирийн нутаг дэвсгэрийн 92 орчим хувийг “Лалын Улс” бүлэглэлийн зэвсэгт дайчдаас чөлөөлөөд байгаа нь ОХУ-ын батлан хамгаалах яамнаас долоо хоног тутам гаргадаг график мэдээллээс харагдаж байна гэж ТАСС агентлаг мэдээлэв.
Баасан гарагт “Красная звезда” /“Улаан од”/ сонинд нийтлэгдсэн уг график мэдээллээс үзвэл, Оросын агаар-сансрын хүчний нисэх онгоцууд долоо хоногт байлдааны 517 нислэг үйлдэж, олон улсын террорист бүлэглэлүүдийн 1260 объектыг устгасан байна. Нисэгчгүй нисдэг аппаратууд 139 нислэг үйлдэж, зэвсэгт этгээдүүдийн 129 объектыг илрүүлсэн ажээ.
Л.Батбаяр
Эх сурвалж: Монцамэ агентлаг
Сэтгэгдэл0
Үлдсэн 8 хувийг АНУ хянаж байгаа юм байх даа. Тэднээс Сирийг чөлөөлж байгаа юм байх даа.
АНУ-н бэлтгэж зэвсэглэсэн ислам дайчдаас Сирийг челеелех гэж бараг 7 жилийг зарцуулж байна. Гэтэл дэлхийн хамгийн том дайн гэдэг дэлхийн 2-р дайн яг 6 жил vргэлжилсэн байдаг.