Ажлын хэсгийн өргөтгөсөн хурал боллоо

Нийтэлсэн: 2017-11-17 17:28:22

“Төрийн үйлчилгээг цахим хэлбэрт үе шаттайгаар шилжүүлж, үйлчилгээний шат дамжлагыг багасгах, хороодоос үзүүлэх төрийн үйлчилгээний нэр, төрлийг нэмэгдүүлэх талаар санал боловсруулах” ажлын хэсгийн өргөтгөсөн хурал Нийслэлийн үйлчилгээний нэгдсэн төвийн Дүнжингарав дахь салбарт өнөөдөр боллоо. Өргөтгөсөн хуралд Засгийн газрын тохируулагч агентлаг Харилцаа, холбоо мэдээллийн технологийн газрын дарга Б.Чинбат, ХХМТГ-ын Мэдээллийн технологийн бодлого зохицуулалтын хэлтсийн дарга Б.Билэгдэмбэрэл,  НЗДТГ-ын Төрийн захиргааны удирдлагын хэлтсийн дарга Ү.Ганболд, НМТГ-ын дарга О.Чинзориг болон ажлын хэсгийн гишүүд, холбогдох мэргэжилтнүүд оролцлоо.
 
Хуралдаанаар Төрийн үйлчилгээг цахим хэлбэрт үе шаттайгаар шилжүүлж, үйлчилгээний шат дамжлагыг багасгах, хороодоос үзүүлэх төрийн үйлчилгээний нэр, төрлийг нэмэгдүүлэх чиглэлээр улс, нийслэлийн хэмжээнд хийгдсэн ажлуудын танилцуулга хийгдэв. Мөн нутгийн захиргааны байгууллагуудад тоон гарын үсгийг нэвтрүүлэх, төрийн мэдээлэл солилцооны “ХУР” системтэй нийслэлийн үйлчилгээний системийг уялдуулах, операторын үйлчилгээний системийг бий болгох зэрэг олон асуудлаар санал солилцлоо.
 
Төрийн үйлчилгээг иргэдэд түргэн шуурхай хүргэх, үйлчилгээг цахимжуулах чиглэлд НЗДТГ болон ХХМТГ хамтран ажиллахаар боллоо гэж Нийслэлийн Мэдээллийн технологийн газраас мэдээллээ.
СУРТАЛЧИЛГАА :

0 сэтгэгдэл харуулж байна        

Уншигчдын бичсэн сэтгэгдэл нь Sonin.mn сайтын нийтлэлийн бодлоготой холбоогүй зөвхөн тухайн хүний үзэл бодол тул сайт хариуцлага хүлээхгүй болно. Эрхэм та өөрийн үзэл бодлоо илэрхийлж, сэтгэгдэл бичихдээ бусдын нэр төр, эрх ашгийг хүндэтгэн үзнэ үү? Бусдыг гүтгэж, доромжилсон сэтгэгдлийг сайтын модератор устгах эрхтэй.

Сэтгэгдэлтэй холбоотой санал гомдлыг 88195646 дугаарын утсаар хүлээн авна.

Таны нэр:

Тайлбар: