Улсын Их Хурлын чуулганы 2017 оны 12 дугаар сарын 07-ны өдрийн үдээс өмнөх нэгдсэн хуралдаанаар Төрийн албаны тухай хуулийн шинэчилсэн найруулгын төслийн эцсийн хэлэлцүүлгийг хийж, нэгдсэн хуралдаанд оролцсон гишүүдийн 76 хувийн саналаар хуулийн төслийг бүхэлд нь баталлаа.
Уг хуулийн шинэчилсэн найруулгын төслийг Улсын Их Хурлын гишүүн Д.Тогтохсүрэн нарын 12 гишүүн 2017 оны 02 дугаар сарын 10-ны өдөр Улсын Их Хуралд өргөн мэдүүлсэн юм.
Төрийн албаны тухай хуулийн шинэчилсэн найруулгын төсөл батлагдсантай холбогдуулан Улсын Их Хурлын дарга М.Энхболд чуулганы нэгдсэн хуралдаанд үг хэллээ.
Улсын Их Хурлын дарга хэлсэн үгэндээ, өнөөдөр бид Төрийн албаны тухай хуулиа шинэчлэн баталлаа.
Энэ хууль батлагдсанаар төрийн алба улс төрийн сонгуулийн мөчлөг дагаж өөрчлөгддөг, улс төрөөс хараат байдлаар томилгоо хийгддэг явдал эцэс болно. Төрийн албан тушаалд сонгон шалгаруулж томилох, төрийн албан хаагчийн ажлын гүйцэтгэлийг үнэлэх, шагнаж урамшуулах асуудлыг шийдвэрлэхдээ зөвхөн хувь хүний мэдлэг, боловсрол, мэргэжил, мэргэшил, ур чадвар, туршлага, ажлын үр дүнд тулгуурладаг болно. Тухайлбал, ахлах түшмэлийн ангилалд хамаарах албан тушаалд томилогдох бол төрийн албанд 8-аас доошгүй жил, үүнээс дэс түшмэлийн албан тушаалд 4-өөс доошгүй жил ажилласан байх бөгөөд мэргэшүүлэх багц сургалтад хамрагдаж төгссөн байх шалгуур тавигдаж эхлэх юм. Түүнчлэн Төрийн нарийн бичгийн даргаар томилогдох бол төрийн албанд 16-гаас доошгүй жил, үүнээс эрхэлсэн түшмэлийн албан тушаал буюу яамны газрын дарга, түүнтэй дүйцэхүйц албан тушаалд 8-аас доошгүй жил ажилласан байх гэх зэрэг шалгуур, шаардлагууд тавигдана.
Төрийн албаны тогтвортой, мэргэшсэн, хараат бус байх талаарх энэ мэт олон дэвшилтэт зохицуулалт хуульд туссан. Гол нь хуулийн хэрэгжилтийг бүрэн дүүрэн хангаж ажиллах нь чухал. Энэ танхимд хуулийг хэрэгжүүлэх үүрэг бүхий холбогдох албан тушаалтнууд буюу Төрийн албаны зөвлөлийн дарга, орон тооны гишүүд сууж байна. Та бүхэн хууль хэрэгжүүлэх бэлтгэл ажлыг сайн хангаж, хуулийн хэрэгжилтийг сайн зохион байгуулах хэрэгтэй гэдгийг сануулаад хуулийн шинэчилсэн найруулгын төслийг хэлэлцүүлж батлуулахад оролцож ажилласан Байнгын хорооны Ажлын хэсгийн гишүүд, Улсын Их Хурлын нийт гишүүдэд талархал илэрхийлэв.
Төрийн албаны тухай хуулийн шинэчилсэн найруулгын төслийг 2019 оны 01 дүгээр сарын 01-ны өдрөс эхлэн дагаж мөрдөх юм гэж Улсын Их Хурлын Хэвлэл мэдээлэл, олон нийттэй харилцах хэлтэс мэдээлэв.
Сэтгэгдэл0
ТА өдөрт 10 м реклам үзээд үнэгүй БИТКОИН / задгай/ аваарай. Үзэхэд төвөгтэй бол цонхын жижигсгээд өөрийхөө юмыг хийж болно. Доорхи линкээр ороод бүртгүүлээрэй. Бүртгүүлээд орсны дараа SURF ADS дараад ардаа хэдэн секунд үзхэд хэдэн биткоин өгөх нь гарч ирнэ. Дарж үзээл таны дансанд автоматаар орно. http://btcclicks.com/?r=95b2c5b7
Хуульд хэд хэдэн том цоорхой байгаа нь цаашид төрийн албыг улам сульдаах дүр зургийг харуулж байна. Үүнд нэгд төрийн өндөр албан тушаал хашиж байсан буюу УИХ-ын гишүүн, ИТХ-д сонгогдож байсан улс төрчдийг шууд удирдах албан тушаалтны нөөцөд авах буюу тэднээс яам, агентлагийн дарга нарыг бүрдүүлэх нөхцлийг бүрдүүлсэн. Хоерт шатлан дэвшихийн тулд ахлах түшмэлийн албан тушаал буюу яамны тасгийн дарга гэдэг албан тушаалыг дамжих шаардлагатай болсон. Энэ нь өнөөдөр хүртэл байхгүй албан тушаалыг дамжин өнгөрөхийн тулд дор хаяж 4 жил шаардлагатай гэсэн үг. Өөрөөр хэлбэл өнөөдөр ахлах мэргэжилтэн, мэргэжилтэн хийж байгаа улсад газрын дарга, хэлтсийн дарга болох зам хаалттай. Гуравт яамны газар өнөөдрийн байдлаар 10-12 хүнтэй, хэлтэс 5-6 хүнтэй байгаа. Шатлан дэвшихийн тулд тасгийн даргыг бий болгоно гэвэл тасаг нь 2-3 хүнтэй буюу 60 ямаанд 30 ухна гэдэг л болно доо. Өнгөц харахад л ийм байна
Ene deerx setgegdeliin daguu aldaag zalruulax ..