ЕРӨНХИЙ САЙД БАЙСАН ХҮМҮҮСИЙГ ХОРЬЖ ШАЛГАХ НЬ БУРУУ
-Оюутолгойн гэрээг цуцлах эсэх талаар яриад эхэллээ. Та үүнд ямар байр суурьтай байна вэ?
-УИХ-аас Оюутолгойн гэрээг шалгах үүрэг бүхий ажлын хэсгийг байгуулснаар хоёр ч удаа хуралдаад "Оюутолгой" компанийн үйл ажиллагааны талаар мэдээлэл авах хэмжээнд ажиллаж байна. Томоохон хөрөнгө оруулалтын асуудал учраас нухацтай авч үзэх хэрэгтэй гэсэн байр суурьтай байгаа. Ер нь Оюутолгойн орд газрын гэрээний талаар сүүлийн арваад жил нийгэмд маш их шүүмжлэл гарсан. Гэхдээ энэ бол 1990 оноос хойш Монгол Улсад бодит ажил болж хэрэгжсэн мега төсөл. Энэ утгаараа Оюутолгойн гэрээний үр дүн, Монголд ирэх өгөөж нь ямар юм, уурхайн орд газарт ямар хэмжээний бүтээн байгуулалт өрнүүлсэн гэдэг талаар бодитой мэдээлэл хэрэгтэй байна.
-Монгол Улс энэ ордын 34 хувийг эзэмших нь зөв эсэхэд нэлээд маргаантай байна. Энэ хувьд өөрчлөлт оруулах боломж бий юү?
-Оюутолгойн орд газраас манай улс 34 хувь эзэмших нь зөв эсэхэд эргэлзэж байгаа хүний нэг нь би. Түүний оронд энэ хувиа рояалтигаар солих нь илүү үр дүнтэй гэж харж байгаа. Өөрөөр хэлбэл, төрийн эзэмшиж буй 34 хувиа рояалти буюу нөөц ашигласны төлбөрт шилжүүлж чадвал аливаа маргаан, хардалт сэрдэлт арилах боломжтой.
-Ерөнхий сайд байсан хүмүүсийг хорьж шалгах нь буруу-
Өнөөдрийн байдлаар Оюутолгойн ордоос жилд хоёр тэрбум орчим ам.долларын борлуулалт хийдэг. Монгол Улс энэ борлуулалтаас нь 15-20 хувийн рояалти бодоод авчихад заавал 30 жилийн дараа 34 хувьд оногдох ашгаа авах гээд байх шаардлагагүй болно. Одоо бид 34 хувь эзэмшиж байгаа мөртлөө доторх өдөр тутмын зардлыг нь хянах гэж оролдоод асуудал үүсгээд байгаа. Тиймээс рояалти авдаг болчихвол тухайн компани ямар зардлаар олборлолт явуулах эсэх нь бидэнд хамааралгүй болно. Харин бид борлуулалтын орлогоос зохих татвараа аваад явах нь байж болох хамгийн боломжит хувилбар гэж хараад байгаа юм. Тийм учраас энэ удаагийн ажлын хэсгийн удирдамжид төрийн эзэмшлийн хувийг рояалтид шилжүүлбэл эдийн засгийн үр өгөөж нь ямар байхыг судалж байна. Энэ орд газартай холбоотой асуудлыг олон талаас нь ярилцаж, нийтэд үнэн зөв мэдээлэл түгээх нь чухал. Тухайлбал, Оюутолгойд Монголын хэчнээн аж ахуйн нэгж үйл ажиллагаа явуулдаг, хэчнээн Монгол хүнийг ажлын байраар хангаж байна, тэдний нийгмийн хамгааллыг хэрхэн хангаж байгаа юм, орон нутгийн болон улсын төсөвт хэчнээн төгрөг төлдөг. Энэ нь хууль журмынхаа дагуу яваа эсэхийг нарийвчлан судалж, гаргаж ирэх хэрэгтэй.
-Хэрвээ Оюутолгойн төсөл Монголчуудад ашиггүй гэж үзээд зогсоовол ямар нөхцөл байдал үүсэх вэ?
-Оюутолгойн төслийг зогсоох нь аль аль талдаа ашиггүй. Ямар ч байсан энэ ордын үйл ажиллагааг бүрэн зогсоох хүсэлтэй улстөрч лав байхгүй гэж найдаж байна. Хэрвээ төслийг зогсоох хүсэлтэй хүн байвал түүнд Монголоо гэсэн сэтгэл алга л гэсэн үг. Энэ төрлийн яриаг гаргаад байгаагийн цаана магадгүй гаднын явуулгатай алхам байж болох юм гэж би хараад байна. Энэ төслийг бид үргэлжлүүлэх ёстой. Гагцхүү эдийн засагт төдийгүй ард иргэдэд үр өгөөжөө өгдөг л байх учиртай. Хамтрагч талтайгаа харилцан ашигтайгаар үйл ажиллагаагаа хэвийн үргэлжлүүлэх нь чухал шүү дээ.
“…Газрын гүнд мянган метрийн дор 200 км хэрийн хонгил ухаж бүтээн байгуулалтын ажил хийж байна шүү дээ. Тэгэхээр ийм ажил ямар хэмжээний эрсдэлтэй, ямар техник технологи шаарддаг юм бэ гэдэг нь тодорхой байгаа биздээ. Дэлхийд энэ хэмжээний бүтээн байгуулалтыг хийж чадах инженерийн компани гарын таван хуруунд багтахаар байдаг. Ийм нөхцөлд бид асуудлыг олон талаас нь харж байж шийдвэр гаргахгүй бол Налайхад очоод 10 метрийн гүнээс нүүрс гаргахтай адилтгаж сэтгээд байж болохгүй….”
-Үр өгөөж нь муу байна гэж үзвэл бид дангаараа энэ төслийг үргэлжүүлэх боломж бий юү?
-Гадынхныг хөөж гаргаад Монголчууд өөрсдөө хийчихье гэвэл бидэнд үнэхээр боломж байхгүй. Адаглаад бидний техник технологийн төвшин тийм хэмжээнд хүрээгүй. Тэр байтугай дэлхийн хэмжээнд ийм хэмжээний ордын бүтээн байгуулалтыг хийж гүйцэтгэдэг цөөн компани бий. Дурын нэгэн очоод нугалчихдаг ажил биш. Тухайлбал, газрын гүнд мянган метрийн дор 200 км хэрийн хонгил ухаж бүтээн байгуулалтын ажил хийж байна. Тэгэхээр ийм ажил ямар хэмжээний эрсдэлтэй, ямар техник технологи шаарддаг нь тодорхой байгаа биз дээ. Дэлхийд энэ хэмжээний бүтээн байгуулалтыг хийж чадах инженерийн компани гарын таван хуруунд багтахаар байдаг. Ийм нөхцөлд бид асуудлыг олон талаас нь харж шийдвэр гаргахгүй бол Налайхад очоод 10 метрийн гүнээс нүүрс гаргахтай адилтгаж сэтгээд байж болохгүй. Нөгөө талдаа тэнд зарцуулж буй хөрөнгө мөнгөний зарцуулалт, татварын ногдуулалт, ашиг, зээлийн ашиглалт гэх мэтийг үнэн зөвөөр гаргаж ирэх хэрэгтэй. Цаашлаад байгаль орчны асуудлыг чухлаар авч үзэх. Тухайлбал, ус ашиглалт, хөрсний нуралт, орд газрын ашиглалтын байдал болон тэндээс гарч буй дагалдах баялгаа үнэлж татвараа авч чадаж байгаа эсэхийг харин эргэж харах хэрэпгэй. Ингэхгүйгээр ордыг зогсооно гэж ярьж болохгүй.
-Хэл ам дагуулаад буй Дубайн гэрээнд үнэхээр ашиг сонирхол байсан юм уу эсвэл аргагүйдээд үзэглэчихсэн юм уу?
-Энэ гэрээний асуудлыг тойрч ярих ёстой. Жишээлбэл, гэрээг үзэглэх үед бид "хариуцлага тооцох ёстой, энэ буруу" гэдгийг хэлж, ярьж л байсан. Тухайн үед манай нам сөрөг хүчин цөөнх байхдаа энэ талаар хангалттай дуугарсан. Учир нь цагаан дээр хараар биччихсэн хоёр талын албан ёсны гэрээ байсан шүү дээ. Гэтэл гэрээг өөрчлөхгүйгээр дээгүүр нь даваад гэрээ байгуулсан нь эдийн засгийн талаас ч эрх зүйн талаас ч, зөрчилтэй байсан. 2015 онд бид ийм байр суурьтай байсан. Өнөөдөр ч хэвээрээ. Харин ийм гэрээ байгуулах зайлшгүй шаардлага эдийн засаг талаасаа байсан уу гэвэл үгүйсгэхгүй. Яагаад гэхээр бүх хөрөнгө оруулагч зугтчихсан байсан үе учраас. Жилдээ 4.9 тэрбум ам.долларын хөрөнгө оруулалт гаднаас орж ирдэг байсан бол бүгд гараад явчихсан, 200 сая хүрэхтэй үгүйтэй л байсан. Үүнийгээ дагаад эдийн засаг хямарчихсан, цалин тэтгэврээ тавьж чадахгүй шахам болчихсон байсан. Ийм нөхцөлд магадгүй эдийн засгийн шахалтаар Ч.Сайханбилэг гэдэг хүн Дубайн гэрээг байгуулж, хөрөнгө босгосон байх. Гэтэл урт хугацаандаа буюу 20-30 жилдээ Монгол Улсад хохиролтой гэрээ болсон. Харин ингэж гэрээ байгуулахдаа ямар хууль дүрэм зөрчсөн бэ гэдгийг хуулийн байгууллага тогтоох байх.
-Монгол Улсын Ерөнхий сайдаар ажиллаж байсан хоёр ч хүнийг саатуулчихлаа. Хэдийгээр хорьж цагдаад байцаах нь зөв байж болох ч улсын болон албан тушаалын нэр хүндийн асуудал сөхөгдөх байх?
-Ерөнхий сайдаар ажиллаж байсан хүмүүсийг хорьж шалгаж байгааг би хувьдаа буруу гэж харж байгаа. Яагаад гэхээр Ерөнхий сайдын алба Монгол Улсын хамгийн хариуцлагатай албан тушаал шүү дээ. Нэг ёсондоо Монгол Улсын эрх ашгийн төлөө амаргүй шийдвэр гаргадаг. Монгол ч гэлтгүй аль ч улсад ийм байдаг. Амаргүй шийдвэр гаргасныхаа төлөө ял сонсох асуудал байж болохгүй гэж би боддог Тухайн хүмүүсийн хувийн асуудалтай холбоотойгоор хорьж, цагдаж болно. Монгол Улсын Ерөнхий сайдын суудалд суух хүртлээ төрд зүтгэсэн хүмүүст Монголоо худалдчих өчүүхэн сэтгэл байхгүй болов уу гэж би итгэдэг учраас цагдан хориод байгааг хүлээн зөвшөөрөхгүй. Олон түмэнд задлаад хэлж ярьж болдоггүй ажил гэж Монголын төрд байдаг. Улсын нууцад хамаардаг учраас ганцхан хүн өөртөө хадгалаад үлддэг тохиолдол ч бий. Энэ мэтээр ачааны хүндийг үүрээд явах хүн цаашдаа олдох эсэх бүрхэг санагдаад байгаа юм. Ингэж барьж хориод байхаар Монгол Улсын Ерөнхий сайдаар ажиллах хүн гарах болов уу. Хүссэн ч, эс хүссэн ч тэр хүний гарын үсгээр Монголын ажил амьдрал явдаг л албан тушаал шүү дээ. Ажил хийгээд дууссаных нь дараа ороогоод шорон гяндан яриад байвал хэн зоригтой шийдвэр гаргаж, хэн Монголын төлөө чөмгөө дундартал зүтгэх вэ. Энэ мэтийг сайн бодолцоосой. Хувь хүний алдаа оноо бол үүнээс тусдаа шүү дээ. Монгол төрийн том албан тушаалыг бид хүндлэх ёстой. Цаашдаа урт хугацаандаа Монгол төрийн дархлаагаа бодвол барьж хориод байгаа нь зөв шийдвэр гэж би хэлэхгүй.
-Энэ асуудалтай холбоотойгоор "Рио тинто"- гийн удирдлагууд Монголд ирж, Засгийн газрын түвшинд хаалттай хуралдаан хийж байна. Энэ талаар танд ямар мэдээлэл байна вэ?
-Гэрээнд өөрчлөлт оруулах болон хөрөнгө оруулагч хоёр талын харилцан ойлголцлын асуудал гэж ойлгосон. Өмнөх жилүудийн ажлаа дүгнэх, харилцан мэдээлэл солилцох зүйл байгаа байх. Энэ хүрээнд "Рио тинто"-гийн удирдлагууд Засгийн газрын төвшинд уулзалт хийж байна гэж ойлгосон. Ялангуяа хамгийн сүүлд 155 сая ам.долларын татварын маргаан гарсан. Мөн Оюутолгойн далд уурхайн санхүүжилтийн зээл, Монгол Улсын 34 хувьд ногдох хөрөнгө мөнгө, зээлийн хүү торгуультай холбоотойгоор харилцан ойлголцох асуудал байгаа юм билээ. Ийм яриа хэлэлцээрийг үе үеийн Засгийн газар тодорхой хугацаанд хийсээр ирсэн. Үүний л адил нэг уулзалт гэж ойлгосон. Мэдээж сүүлийн үед Оюутолгойн гэрээтэй холбоотойгоор хууль хүчний байгууллагаас шалгалт хийж байна, ажлын хэсгийг УИХ-аас гаргачихлаа. Энэ бүх ажилд 66 хувь эзэмшиж байгаа компанийн байр суурь шингэх ёстой. Тийм учраас л Монголд ажиллаж байгаа болов уу.
-Манай улс гаднын байгууллагуудтай бүх салбарт хамтран ажиллаж байна. Тэр дундаа эдийн засгийг сэргээх тухайд ОУВС-гийн "Өргөтгөсөн санхүүжилтийн хөтөлбөр" т хамрагдсан. Хөтөлбөрийн үр дүнг өнөөдрийн байдлаар та хэрхэн дүгнэх вэ?
-Энэ талаар ярихын өмнө 2016 оны сонгуулийн өмнөх нөхцөл байдлыг эргэн сануулах нь зүйтэй. Тухайн үед МАН засгийн эрх авахад эдийн засаг хасахтай, гадаад өр хоолойн дээр тулж 1.5 тэрбумд хүрчихсэн, төсөв нь 18 тэтгэмж буюу нийгмийн халамжийн бүх бодлогоо зээлээр шийддэг, аж ахуйн нэгжүүдийнх 60 хувь нь үүдээ бариад зах зээлд бартер ноёлчихсон байлаа шүү дээ. Энэ үед манай нам дотоодын санхүүгээ сайжруулж, төсвөө зөв гольдролд оруулах чиглэлд анхаарч ажилласан. Нөгөө талаар гадна талдаа олон улсын бүх байгууллагаас ганц л болзлыг бидэнд тавьсан. Энэ нь ОУВС-гийн хөтөлбөрт хамрагдах. Энэ хүрээнд "Өргөтгөсөн санхүүжилтийн хөтөлбөр"-т хамрагдсан, амжилттай хэрэгжиж байна. Гурав дахь удаагийн санхүүжилтийг саяхан баталсан. Энэ нь Монгол Улсын төсөв санхүүгийн сахилга бат сайн байна гэж дүгнэсний л үр дүн. Энэ хөтөлбөрийг хэрэгжүүлэхэд эхэн үедээ үнэхээр амаргүй байсан ч Монголын эдийн засагт хийх ёстой эмчилгээг хийсэн. Эдийн засаг сэхээнд орчихсон үед өвддөг ч гэсэн тариа хийх л ёстой байсан учраас бид тухайн үед энэ хөтөлбөрт хамрагдсанаар эмчилгээ хурдан авсан, энгийн тасагт шилжчихээд байна шүү дээ.
-Тоон үзүүлэлт нүдэнд ил байгаа ч хувь иргэний амьдралд энэ хөтөлбөрийн үр дүн яаж хүрэв гэдэг тухайд?
-ОУВС-гийн хөтөлбөрт хамрагдсан нь зөв байсан нь одоо харагдаж байна. ОУВС-гийн зүгээс ч тодорхой бодлого тулгаагүй. Зөвхөн эдийн засгийг дүгнэн шинжилж үзээд "танай улс ийм арга хэмжээг зайлшгүй авах хэрэгтэй" гэдгийг л зөвлөсөн. Бид үүний дагуу л ажилласан. Оношоо зөв тавьж, эмчилгээг сайн хийснээр өнөөдөр эдийн засаг сэргэж байна. Нэг жилийн дотор бид хасах үзүүлэлтээс нэмэх таван хувьд хүртэл өсгөчихөөд байна. Хасахтай байсан валютын нөөц гурван тэрбум ам.долларт хүрсэн. Эргээд бид цалин тэтгэвэр, тэтгэмж, хүүхдийн мөнгөө дотоодын эх үүсвэрээсээ хэвийн олгодог болсон. Төсвийн алдагдлыг хоёр дахин багасгаж, есөн хувьд хүргэсэн. Гадаадын хөрөнгө оруулалт нэг тэрбумд хүрсэн буюу арав дахин өссөн. Энэ мэт эдийн засагт бодит өсөлт гаргасан. Жилийн дараагаас иргэдийн халаасанд шууд нөлөөлж эхэлнэ. Ингэхдээ мэдээж цалин, тэтгэврийн нэмэгдэл, хүүхдийн мөнгө, зээлийн хүүг бууруулах маягаар хүрнэ шүү дээ.
М.Өнөржаргал
Эх сурвалж: "Монголын үнэн" сонин
Сэтгэгдэл0
Содбаатар та сонин мэдээ унш, Солонгосын жишээнээс суралц, ийм л бодол сэтгэлтэй хүн хууль батлаад байхаар ...
Өвдөгний зөөлөн эдийн гэмтэл, Хоолой өвдөх, Нойр булчирхайн үрэвсэл, Ходоодны шарх, Үс халцрах, Даралт ихсэх зэрэг өвчин эмгэгүүдийн талаар дэлгэрэнгүй мэдээлэл: healthnewsmn.blogspot.com
Энэ сохор хүртэл Рио Тинтогоос авилгал авсан байна ш дээ. Авилгалчдын толгойг таслахад дараагийн тошлгой нь ургаад байдаг гэж энэ шүү дээ.
Umhii orosuud bidniig taivan amgalan amidruulahgui um bn
Ene amia amisgaa bollo yu lyibar n barigdaad
сайн байцгаана уу? ХЭХЭХЭ, БИТГИЙ ТЭНЭГТ Содбаатар гэгч этгээдээ. УЛСЫНХАА ДЭЭГҮҮР АЛХААД ЗОГСОХГҮЙ, ТӨРИЙГ ДАВЖ ГИШГЭДЭГ ЕСАЙД БАЙТУГАЙ ЕРӨНХИЙЛӨГЧ Ч, ЕР НЬ ХЭНБЭ ГУАЙ Ч ГЭЖ ХАА Ч ХААНА Ч, АЛЬ Ч ЯМАР Ч УЛС ОРОНД БАЙДАГГҮЙ ЮМАА. ТӨРИЙН БАЙГУУЛЛАГАД ТӨРИЙН АЛБЫГ, ТӨРИЙН ТУШААЛЫГ ХАШИЖ БУЙ ХЭН Ч БОЛОВ ЭТГЭЭДИЙН ГАРГАСАН ҮЙЛДСЭН ШИЙДВЭР ТӨРД БОЛООД УЛС ОРОНД, УЛС ОРОНД ХИЙГЭЭД ХҮН АРДАД НЬ ХОР ХОХИРОЛ, УРШИГ АВЧИРСАН БОЛ ТӨР УГ ЭТГЭЭД/ҮҮД/-ЭЭС ЯЛ АСУУДАГ ЮМ. ЯЛ АСУУЛГАХ ЗҮЙЛЭЭ ӨӨРСДӨӨ ХИЙСЭН ГАРГАСАН БОЛООД Л ТӨР ЯЛ АСУУЖ БАЙНА. ТӨР ЯЛ АСУУХ ЦАГ НАРНЫ ХУГАЦААН МӨЧЛӨГИЙН МӨЧ ТУЛСАН ИРСЭН БОЛООД Л ТЭР. ҮҮНИЙГ ЧИ БИД 2 Ч МЭДДЭГ ЮМ БИШЭЭ ХӨ.
Я.Содбаяр ерөнхий сайд хүн хулгайч, авилгалч байж болно гэж хуцаж байна. Дэд сайд байхдаа Шивээ-Овоогийн лиценз дээрэмдэх ажиллагааг хийсэн шүү дээ.
Xvn byydna bas
Эдийн засгийн алуурчид зохиож УИХ-д тулган хүлээлгэж батлуулсан “Ашигт малтмалын тухай” хуулийг үндсээр нь өөрчлөөгүй цагт Тавантолгой төслийн хувь заяа Оюутолгойн төслийн араас орж Монгол орныг улам бүр өрөнд оруулах нь дамжиггүй.
Оюу толгойн асуудлыг шийдвэрлэх цорын ганц гарц нь Монгол улсад онц их хэмжээний хохирол учруулсан хэргээр гадаадын хөрөнгө оруулагчид болон гэрээ байгуулсан улс төрчдөд эрүүгийн хариуцлага хүлээлгэх явдал юм. Монголын ард түмнийг хууран мэхлэх, эрх мэдэл албан тушаалаа урвуулан ашиглах замаар Оюу толгойн гэрээ гэгчийг байгуулж, Монгол улсад онц их хэмжээний хохирол учруулсан гадаадын хөрөнгө оруулагчид болон улс төрчид хэзээ нэгэн цагт эрүүгийн хатуу хариуцлага хүлээх бизээ.
Ядуу буурай, хөгжиж байгаа орнуудын байгалийн баялаг, ашигт малтмалыг гадаад, дотоодын луйварчдаас хамгааалах зорилгоор НҮБ-ын Ерөнхий Ассамблейгээс 1952 онд “Улс орнууд байгалийн баялагаа чөлөөтэй ашиглах эрхийн тухай” НҮБ-ын Ерөнхий Ассемблейн 626-р тогтоол, 1962 онд “Улс орнуудын байгалийн баялагийн тусгаар тогтнолын тухай” НҮБ-ын Ерөнхий Ассемблейн 1803-р тогтоол, 1974 онд “Олон улсын эдийн засгийн шинэ дэглэм тогтоох тухай” НҮБ-ын Ерөнхий Ассемблейн 3201-р деклараци, 1974 онд “Улс орнуудын эдийн засгийн эрх, үүргийн тухай” НҮБ-ын Ерөнхий Ассамблейн 3281-р Харти зэрэг олон улсын эрх зүйн хэм хэмжээг тогтоосон байдаг байна. Монгол улс НҮБ-ын гишүүн орны хувьд олон улсын эдгээр эрх зүйн хэм хэмжээний дагуу гадаад, дотоодын луйварчдаас салах цаг болсон.
Монголчууд бидэнд хоёрхон зам байна. 1-рт, Эх орноосоо урвасан Баяр, Баярцогт, Сайханбилэг нарт эрүүгийн хатуу хариуцлага хүлээлгэх (бүх насаар нь хорих буюу цаазлах); 2-рт, Оюутолгойн гэрээг цуцлаж Орд ашиглах гэрээг үндэстэн дамнасан корпорацитай (дээрэмчидтэй) биш, аль нэг хүчирхэг улсын (жишээлбэл ОХУ гэх мэт) Засгийн газартай байгуулах. Ийм хоёрхон зам байна. Эс тэгвэл Монголчууд бид Рио Тинтогийн дээрэмчидтэй дахиад 100 жил арбитр дээр маргалдана, хэлэлцэнэ, ширээний ард сууна, ажлын хэсэг байгуулна, араараа тавиулна, хулхидуулна, дахиад биднийг авилгалдана ... тэгээд бүх алт, зэсээ дээрэмдүүлээд өртэй хоцорно ...
Chi bol Battulgiin zahianii bichigch baina. Hoorhii chinii hool zohih boltugai
Ардчилал, даяарчлал, олон ургалч үзэл, олон намын систем, залуу улс төрч, төр муу менежер, сонгуулийн хар машин, гуравдах хөрш, чөлөөт зах зээл, өмч хувьчлал, хувийн өмч, эрх чөлөө, ашигт малтмалын ордын лиценз, лицензийн наймаа, оффшор бүс, гадаадын хөрөнгө оруулалт энэ бүхэн чинь буурай хөгжилтэй орнуудын газрын хэвлийн болон бусад баялагийг дээрэмдэж авахын тулд гадаадын эдийн засгийн алуурчдын нарийн бодож боловсруулсан, Африк, Латин Америк, Ойрхи дорнодын орнуудад олон жил туршигдаж, хэрэгжсэн нарийн арга, технологи юм. Гадаадын эдийн засгийн алуурчид энэ технологийг 1990 оноос Ардчилал нэрээр Монгол улсад нэвтэрүүлж, амжилттай хэрэгжүүлж эхэлсэн. Энэ бузар технологийг Монгол улсад шууд гардан хэрэгжүүлэгч нь АН юм. Энэ бузар технологийг Хятадууд 1990 онд Тэн-Ан-Миний талбайд шууд бут ниргэсэн, харин Оросод Путин гарч ирээд 2000 онд бут ниргэсэн. Гэтэл энэ бузар технологийг АН өнөө хүртэл Монголд хэрэгжүүлсээр байна. Монголчууд сэрэгтүн, ухаарагтун.
Хятад улс 1989 онд АРДЧИЛЛЫГ Тэн-Ан-Миний талбайд бут ниргээд конвергенцийн онолын (загварын) дагуу “НЭГ УЛС-ХОЁР СИСТЕМ” хөгжлийн загвараар амжилттай хөгжиж байна. Орос улс 1990-ээд оны сүүлээр АРДЧИЛЛЫГ бут ниргээд конвергенцийн онолын (загварын) дагуу амжилттай хөгжиж байна. Харин Монгол улс 1980-аад оны сүүлээр АРДЧИЛЛЫН хоронд гүн гүнзгий хордсон бөгөөд одоо хүртэл тэр хордлогоос гарч чадахгүй АРДЧИЛАЛ, АРДЧИЛСАН ҮНДСЭН ХУУЛИЙГ магтан дуулсаар ардчиллын хоронд мансуурсан хэвээрээ явна. Конвергенцийн онолын мөн чанар нь капиталист, коммунист нийгмийн аль сайныг нь авч оновчтой хослуулах явдал юм. Капиталист, коммунист нийгмийн байгуулалын аль алин нь дэлхийн суут ухаантнуудын бодож олсон нийгмийн байгуулалууд юм. Аль нэгийг нь хатуу баримтлах нь туйлширал юм. Конвергенцийн онолоор бол уул уурхай, эрчим хүч, боловсрол, эрүүл мэнд, батлан хамгаалах салбаруудыг хувь хүнд, хувийн болон гадаадын компанид өгдөггүй, 100 хувь төрийн өмчид байлгадаг. Харин аж үйлдвэр, хөдөө аж ахуй, зам, барилга, хүнс, хөнгөн үйлдвэрийн гэх мэт эдийн засгийн бусад салбаруудыг хувьчилж, чөлөөт зах зээлийн жамаар нь явуулдаг. Энэ бүхнийг Yндсэн хуулиндаа тусгаж өгдөг.
Хятад улс 1989 онд АРДЧИЛЛЫГ Тэн-Ан-Миний талбайд бут ниргээд конвергенцийн онолын (загварын) дагуу “НЭГ УЛС-ХОЁР СИСТЕМ” хөгжлийн загвараар амжилттай хөгжиж байна. Орос улс 1990-ээд оны сүүлээр АРДЧИЛЛЫГ бут ниргээд конвергенцийн онолын (загварын) дагуу амжилттай хөгжиж байна. Харин Монгол улс 1980-аад оны сүүлээр АРДЧИЛЛЫН хоронд гүн гүнзгий хордсон бөгөөд одоо хүртэл тэр хордлогоос гарч чадахгүй АРДЧИЛАЛ, АРДЧИЛСАН ҮНДСЭН ХУУЛИЙГ магтан дуулсаар ардчиллын хоронд мансуурсан хэвээрээ явна. Конвергенцийн онолын мөн чанар нь капиталист, коммунист нийгмийн аль сайныг нь авч оновчтой хослуулах явдал юм. Капиталист, коммунист нийгмийн байгуулалын аль алин нь дэлхийн суут ухаантнуудын бодож олсон нийгмийн байгуулалууд юм. Аль нэгийг нь хатуу баримтлах нь туйлширал юм. Конвергенцийн онолоор бол уул уурхай, эрчим хүч, боловсрол, эрүүл мэнд, батлан хамгаалах салбаруудыг хувь хүнд, хувийн болон гадаадын компанид өгдөггүй, 100 хувь төрийн өмчид байлгадаг. Харин аж үйлдвэр, хөдөө аж ахуй, зам, барилга, хүнс, хөнгөн үйлдвэрийн гэх мэт эдийн засгийн бусад салбаруудыг хувьчилж, чөлөөт зах зээлийн жамаар нь явуулдаг. Энэ бүхнийг Yндсэн хуулиндаа тусгаж өгдөг.
Ардчилал, даяарчлал, олон ургалч үзэл, олон намын систем, залуу улс төрч, төр муу менежер, сонгуулийн хар машин, гуравдах хөрш, чөлөөт зах зээл, өмч хувьчлал, хувийн өмч, эрх чөлөө, ашигт малтмалын ордын лиценз, лицензийн наймаа, оффшор бүс, гадаадын хөрөнгө оруулалт энэ бүхэн чинь буурай хөгжилтэй орнуудын газрын хэвлийн болон бусад баялагийг дээрэмдэж авахын тулд гадаадын эдийн засгийн алуурчдын нарийн бодож боловсруулсан, Африк, Латин Америк, Ойрхи дорнодын орнуудад олон жил туршигдаж, хэрэгжсэн нарийн арга, технологи юм. Гадаадын эдийн засгийн алуурчид энэ технологийг 1990 оноос Ардчилал нэрээр Монгол улсад нэвтэрүүлж, амжилттай хэрэгжүүлж эхэлсэн. Энэ бузар технологийг Монгол улсад шууд гардан хэрэгжүүлэгч нь АН юм. Энэ бузар технологийг Хятадууд 1990 онд Тэн-Ан-Миний талбайд шууд бут ниргэсэн, харин Оросод Путин гарч ирээд 2000 онд бут ниргэсэн. Гэтэл энэ бузар технологийг АН өнөө хүртэл Монголд хэрэгжүүлсээр байна. Монголчууд сэрэгтүн, ухаарагтун.
Хятадын удирдагчид Ардчилал гэж солиорсон залуучуудынхаа бөөрийг 1990 онд Тэн-Ан-Миний талбайд сугалаад хаячихсан. Манай Батмөнх мэтийн аймхай, хулчгар, эр зориггүй удирдагчид 1990 онд Сүхбаатрын талбайд Ардчилал гэж солиорсон Элбэгдорж, Бат-Үүл Зориг, Баабар, халзан Ганболд мэтийн залуучуудад хоёр гараа өргөөд буугаад өгчихсөн. Үр дүнд нь Хятад улс дэлхийн хамгийн хөгжилтэй хүчирхэг гүрэн болж хөгжсөн бөгөөд харин Монгол улс эдийн засгийн хувьд дэлхийн хамгийн ядуу, улс төрчид болон ард иргэд нь боловсрол, оюун ухаан, ёс суртахууны хувьд бүрэн дампуурсан улс болж хувирсан. Энэ бол гашуун боловч үнэн. Ардчилал бол фашизмаас ч илүү аюулт дайсан.
Эх орноосоо уравсан С.Баярыг яаралтай устгахгүй бол Я.Содбаатар мэтийн хөлсний амьтадаар худал яриа тараагаад байна. Я.Содбаатарт эх орон хэрэггүй Оюутолгойн луйварын гэрээ хэрэгтэй юм байх даа.
ЭНЭ НӨХӨР ИНГЭЖ ДАЛДАГНАЖ БАЙЖ АВИЛГА АВАХ ГЭЭД БАЙГАА ЮМУУ
Avsan geseen
Энэ ч харин үнэн шүү одоо энэ хүрэлсүх том төслүүд хөдөлгөнө гээл байгаа тэгж насаараа тэнэгүүдийн хараалыг идэж эцэст нь шорон гяндангаар дуусах гээгүйл бол ингэс тэгэс хийж байгаад хугацаагаа дуусгавал өөртнл өлзийтэй дөө
Монголын бүх уурхай ил уурхай. Цорын ганц гүний уурхай гэвэл Налайхыг нэрлэж болно. Монголын бүх уурхай малтлага хийж шанагаар хутгаж машинд ачиж зөөх маягаар ажилладаг. Тийм болохоор хар үгээр хэлбэл өдөрт нь борлуулалт хийж өдөрт нь орлогоо олж зарлагаа нөхөх маягаар ажиллана. Ингэж ажиллахад мөнгөө хурдан олох боловч үр ашиг багатай, өртөг зардал өндөртэй, унац бараг гарахгүй. Харин ОюуТолгой гүний уурхай огт өөр зарчимаар ажиллана. Малтлага хийж өдөр өдрөөр орлого олохгүй. Олборлолтыг дээрээс нь бус ёроолоос нь хийнэ. Өдөр бүр гардаг зардлыг гаргах боловч борлуулалт хийгдэхгүй. Эхлээд бүх зардлаа гаргана. Бүх зардал гарч бүтээн байгуулалт хийгдсний дараа олборлолт эхэлнэ. Өнгөц харахад зардал нь ердийн олборлолтой төстэй мэт боловч урт хугацаандаа зардал хэд дахин хямдрана. Энэ үүднээсээ Дубайн гэрээ урт хугацаандаа хоёр талд хоёуланд нь маш ашигтай гэрээ болсон.
zov iarj
Их хурлаас томилогдсон ажлын хэсэг Оюутолгойн гэрээг зогсоох ёсгүй .Бид ашиггтай байна ,яваад байж болно гэсэн дүгнэлт гаргах даалгавартай улсууд юм байна л даа.
от зогсооё гэсэн хүн нэг ч байхгүй байхад чи яагаад зогсоож болохгүй гэж тэнэгтээд байгаа юм худлаа шаасаар байгаад ам хамар чинь хаашаа болчихсон юм
Zogsoe gesen gants ch mngl xvn alga!! Shydargaar geree uurchilie Ezen baylga medej 50% vnegvi abna?!?!?!?!?!?!?
HEREE HEREENIIHEE ZUG NISNE, gedeg shig hulgaich hulgaichaa omoorch baina.......gaihaad baih zuil algaa.............
Хүн зөвхөн ганцаараа,насаараа нууцалдаг нууц бол авилга юм.
Чам шиг гөлөг мэддэггүй аа.
Монголын төлөө чөмгөө дундартал зүтгэ гэж томилосон хүн нь гадаад өмч, хадгаламтай голийтолоо цадсан дайсныг өмөөрөхийн харлаа. дэлхийд үнийн өсөлтөөр гарсан гялайх зүйлийг өөрийн болгож тансаглалыг нэмэхийн төлөө улайрагчийг улс төрч гэдэг луйварчид байдгийг нотлов. ийм новшид төрөө алдсан монгочууд бид хөөрхийлөлтэй төрөө харааж, зүхэж суухаас биш яахав?
Ямар нэг юм нууж хаах болхоороо ОТ, Зоригийн хэргийг босгож ирж цаана нь юм нуудаг. Н. Энхбаярын оффшор данс цухуйгаад алга болоо, Эрдэнэтийн хэрэг яасан болоо .268 мянган тоонн нүүрсний хулгай хэрэг юу болвоо таг чиг