ТОКИО. /РИА Новости/. Цөмийн хөтөлбөртэй холбоотой асуудлыг шийдвэрлээд зогсохгүй Умард Солонгостой харилцаагаа сайжруулах сонирхолтой байгаа тохиолдолд л манай улс АНУ-ын Ерөнхийлөгч Дональд Трамптай дээд түвшний яриа хэлэлцээ хийнэ гэж Умард Солонгосын гадаад хэргийн тэргүүн дэд орлогч сайд  Ким Ге Гван мэдэгджээ.
“Д.Трампын засаг захиргаа Америк-Умард Солонгосын харилцааг сайжруулах чин хүсэлтэйгээр хоёр улсын дээд түвшний яриа хэлэлцээг хийвэл биднээс нааштай хариу сонсох болно. Цөмийн зэвсгээс ангижруулах талаар зөвхөн нэг талын шаардлагыг сонсоно гэвэл иймэрхүү яриа хэлэлцээ хийх сонирхол Умард Солонгост байхгүй” хэмээн тэрбээр мэдэгдсэн байна. 
Д.Трамп болон Умард Солонгосын удирдагч Ким Жөн Ун нарын яриа хэлэлцээг ирэх сарын 12-нд Сингапурт хийхээр товлоод байсан билээ. 
 
Э.Аянзаяа 
Эх сурвалж: Монцамэ агентлаг