Улаанбаатар /МОНЦАМЭ/. УИХ-ын чуулганы өнөөдрийн нэгдсэн хуралдаан 10.15 цагт эхэллээ.
Хуралдааны эхэнд УИХ-ын дарга М.Энхболд хэлэлцэх асуудлын жагсаалтыг танилцуулав. Энэ үеэр Л.Болд, Ж.Батзандан нарын гишүүд өчигдөр буюу энэ сарын 17-нд Сүхбаатарын талбайд болсон “Гэр хороолол” хөдөлгөөний жагсаалыг хуулийн байгууллагынхан хүчээр тараасныг шүүмжлэв. Тухайлбал, Ж.Батзандан гишүүн, “1992 онд Монгол Улс хүнлэг, энэрэнгүй нийгэм байгуулна гэсэн зорилт тавьсан. Тиймээс иргэдийн үзэл бодлоо илэрхийлэх боломж, нөхцлийг хангах хэрэгтэй. Мөн төрөөс гааль, хүчний байгууллагын хүний эрхийн зөрчлийн асуудалд анхаарах болсон. Тухайлбал гаалийн байгууллагад ажиллаж байгаа 100 эмэгтэй тутмын 60 нь гэр бүлгүй байна. Нөгөөтэйгүүр удирдлагууд шаардлагыг биелүүлээгүй албан хаагчийг хол байршилтай, хөдөлмөрийн хүнд нөхцөлтэй боомт руу явуулах тохиолдол гарах болсон. Тиймээс энэ асуудлыг Хүний эрхийн дэд хороо анхааралдаа авах цаг болсон” гэлээ.
Түүнчлэн О.Баасанхүү гишүүн, “Монгол Улсын бүх хүүхдэд мөнгө олгох асуудлыг чуулганаар шийдвэрлэхэд ердөө 30 минут л хангалттай. Тиймээс энэ асуудлыг өнөөдрийн хуралдаанаар яаралтай шийдвэрлэх хэрэгтэй” гэсэн санал хэллээ.
УИХ-ын дэд дарга Л.Энх-Амгалан, “Үндсэн хуулиар Монгол Улсын иргэн жагсаал цуглаан хийх, үзэл бодлоо илэрхийлэх эрхтэй. Жагсаалыг хүчээр тараасан эсэхийг хуулийн байгууллага тогтооно. Үдээс хойш Ерөнхий сайд мэдээлэл хийх үеэд энэ асуудлыг тодруулах боломжтой” хэмээв. Харин хүүхдийн мөнгөний асуудлыг Төсвийн байнгын хороо хэлэлцээгүй байгаа тул чуулганаар оруулах боломжгүй гэдгийг тайлбарласан юм.
Ийнхүү чуулганаар Жижиг, дунд үйлдвэр, үйлчилгээг дэмжих тухай хуулийн шинэчилсэн найруулгын төслийн хэлэлцүүлгийг хийж байна.
Ч.Ариунболд
Эх сурвалж: Монцамэ агентлаг
Сэтгэгдэл0
Тэгж зовон зовон Гаальд ажиллах хэрэг байна уу
МАНгарууд олонхиороо түрээ барьж юм болгон дээр дээрэлхэж байдгаа больчих л доо. Жагсаал цуглааныг тарааж сүр хүчээ гайхуулж л бай. Тайван жагсаад болдоггүй юм бол өөр арга байдгийг аяндаа мэдрүүлэх цаг ирнэ шүү.
Чамшиг АНы болван 2012-2016 Батүүл УБд жагсаал цуглаана хийхийг хориголсон хууль гаргасныг мартаа биз. Тэр хууль одоо ч хүчинтэй байгаа
Гаальд ажиллах ашигтай байх аа
М.Энхболдын бүх хүмүүс цагдаад байгаа учраас ийм хүч хэрэглэсэн ажиллагаа явуулсан. Яагаад гэвэл гэр хороололын газартай холбоотой асуудал бол М.Энхболдын хувьд үхлийн эмзэг асуудал нь юм.
танай АН хүчээр тараадаг байсан . битгий матрын нулимс шаагаад байгаа.
өөрсдөө жагсдаг цугладаг бсан ан- 12-16 онд талбайд гарсан болгоныг л хорьдог шоронд хийдэг бсан биз дээ. 90 оноос хойш ярьдаг бсаныхаа эсрэг л ажилласан зэрлэгүүд. дахин төрийг самрах санаатай.
МАНАН мафийн луйварчид дэндлээ ядуурч доройтсон иргэд жагсаал цуглаан хийж үзэл бодлоо илэрхийлэх боломжгүй болгож байна. одоо ядарсан ард түмэн минь босохгүй бол бидний гишгэх газрыг баялагтай нь худалдаад алга болоход бэлэн болжээ эх орон ард түмнээ хаигаалахаар мордсон цэрэг эрс минь төрд гарсан луйварчдаас иргэдээ хамгаалах ца болжээ
Хуулийн байгуулагуудыг МАН-ын голийсон тарган хятадын эрлийзүүдийн эзэмшлээс салгах хэрэгтэй.
МАН-ын хятадын эрлийз эфү нараас дараагийн сонгуулиар нэгийг ч сонгож болохгүй шүү.