Монгол Улсын гурав дахь Ерөнхийлөгч, МАХН-ын дарга Н.Энхбаяр тэргүүтэй намын удирдлагууд орон нутагт ажиллаж байна. Тэдний томилолт Архангай аймгаас эхэлж, Завхан аймгийн сумдад үргэлжилсэн. Тодруулбал, Архангай аймгийн Өлзийт, Батцэнгэл, Эрдэнэбулган, Өндөр-Улаан, Тариат, Цахир, Завхан аймгийн Их уул, Тосонцэнгэл сум, Улиастай хотод ажилласан. Энэ хугацаанд орон нутгийн иргэдэд МАХН-аас санаачлан боловсруулсан Дээд үндсэн хуулийн төслийг танилцуулав. Мөн энэ үеэр иргэдийн санал бодлыг сонссон юм. Тухайн орон нутгийн иргэд МАХН-аас санаачилсан Дээд Үндсэн хуулийн төслийг дэмжиж гарын үсэг зурж байсан юм. Энэ үеэр Монгол Улсын гурав дахь Ерөнхийлөгч, МАХН-ын дарга Н.Энхбаяр “МАХН улс орныг хөгжүүлэх зөв гарцтай, алсын хараатай нам. Бидний алсын хараа бол Шинэ дээд Үндсэн хууль байна. Үүнийгээ ард түмэнтэйгээ хамтран баталж, хэрэгжүүлэхийг уриалж байгаа юм. Энэ Үндсэн хууль батлагдсан цагаас монгол хүн бүр байгалийн баялгийн эзэн болж, хүүхдээ сургуульд үнэгүй суралцуулан, ахмадаа үнэгүй эмчлүүлж, залуу гэр бүл орон сууцтай, шүүхийг хараат бус, сонгууль шударга болно гэх зэрэг бидний хүсэн хүлээж буй зүйлс амьдралд хэрэгжинэ” гэсэн. Завхан аймагт болсон уулзалтын үеэр МАХН-ын шинэ байрны шав тавих ёслол болсон юм. Ийнхүү МАХН-ын удирдлагууд үргэлжлүүлэн Хөвсгөл, Булган аймагт ажиллаж, Дээд Үндсэн хуулиа танилцуулж байна. Иргэд ч МАХН-аас санаачлан хэрэгжүүлж буй Дээд үндсэн хуулийн төслийг дэмжиж буйгаа илэрхийлж байлаа. Өнөөдөр тэд Сэлэнгэ, Зүүн хараа, Алтанбулагт ажиллах юм.
Л.Батдорж
Эх сурвалж: “Зууны мэдээ” сонин
Сэтгэгдэл0
Энхбаяраас өөр хүн алга өоллоо монголын улситөрд
Enkhbayaryn jijig tarhi mundag bna
МАН Намбарваныгаа бага дээр нь дарж авахгүй бол тун хэцүү боллоо шүү..
ард түмний ам руу салаавч шаагаад л яваад бна у чи
МУ-ЫН ГУРАВ ДАХЬ ЕРӨНХИЙЛӨГЧ МАХН-ЫН ДАРГА ТАНЬД АМЖИЛТ ХҮСЬЁ! МОНГОЛЫН ИРГЭД
амжилт бүхэн махных байх болно итгэл дүүрэн иргэд эх орондоо хайртай
хүчтэй лидер экс амжилт хүсье !!!!!!