Монгол Улсын Засгийн газрыг Монгол Улсын Үндсэн хууль болон Засгийн газрын тухай хуулийг зөрчин Зам, тээврийн хөгжлийн сайд Ж.Бат-Эрдэнийг албан тушаалаас нь чөлөөлөх шийдвэр гаргасан гэж олон нийтийг төөрөгдүүлсэн буруу ташаа мэдээллийг “Зууны мэдээ” сонин удаа дараа зориудаар нийтлэн гаргаж байгаатай холбогдуулан дараах мэдэгдлийг гаргаж байна.
2018 оны 8 дугаар сарын 9, 12-нд Зам, тээврийн хөгжлийн яамны зарим албан хаагчид нэгнийхээ амь насыг хохироосон гэмт хэрэг, төмөр замын осол гарсантай холбогдуулан 2018 оны 8 дугаар сарын 12-ны өдөр Засгийн газрын ээлжит бус хуралдаан болсон. Тус хуралдаанаар төрийн албан хаагчийн ёс зүйн хэм хэмжээ, төрийн байгууллагын соёл, дэг журмыг зөрчиж, төрийн байгууллага, албан хаагчийн нэр хүндийг эрхэмлэн дээдлэх үүргээ биелүүлээгүй Зам, тээврийн хөгжлийн яамны албан хаагчдад хариуцлага хүлээлгэхийг холбогдох албан тушаалтанд, төрийн захиргааны бүх шатны байгууллагад төрийн албан хаагчийн ёс зүй, сахилга батыг чанд сахиж ажиллахыг Засгийн газрын гишүүдэд үүрэг болгосон.
Түүнчлэн, дээрх асуудалтай холбогдуулан Зам, тээврийн хөгжлийн сайд, дэд сайд, яамны Төрийн нарийн бичгийн дарга нар ёс зүйн хариуцлага хүлээж, албан тушаалаасаа чөлөөлөгдөх хүсэлт гаргасны дагуу Засгийн газрын 2018 оны 8 дугаар сарын 12-ны өдрийн 246 дугаар тогтоолоор Б.Цогтгэрэлийг Зам, тээврийн хөгжлийн дэд сайдын, 247 дугаар тогтоолоор Ж.Бат-Эрдэнийг Зам, тээврийн хөгжлийн яамны Төрийн нарийн бичгийн даргын үүрэгт ажлаас тус тус чөлөөлсөн. Харин Зам, тээврийн хөгжлийн сайд Ж.Бат-Эрдэнийн албан тушаалаас чөлөөлөгдөх хүсэлтийг Монгол Улсын Үндсэн хуулийн Гучин есдүгээр зүйлийн 2 дахь хэсэгт “Монгол Улсын Ерөнхий сайд Засгийн газрын бүтэц, бүрэлдэхүүн, түүнд өөрчлөлт оруулах саналаа Ерөнхийлөгчтэй зөвшилцөн Улсын Их Хуралд өргөн мэдүүлнэ” гэж, Засгийн газрын тухай хуулийн 23 дугаар зүйлийн 1 дэх хэсгийн 1-д “Ерөнхийлөгчтэй зөвшилцсөний үндсэн дээр Засгийн газрын бүтэц, бүрэлдэхүүнд өөрчлөлт оруулах, Засгийн газрын гишүүнийг томилох, албан тушаалаас чөлөөлөх, огцруулах тухай саналаа Улсын Их Хуралд өргөн мэдүүлнэ“ гэж тус тус заасны дагуу Монгол Улсын Ерөнхийлөгчтэй зөвшилцөхөөр 2018 оны 8 дугаар сарын 14-ний өдөр саналаа Ерөнхийлөгчид хүргүүлээд байгаа болно. Одоогоор Монгол Улсын Ерөнхийлөгчөөс зөвшилцөх албан бичигт хариу ирүүлээгүй байгаа бөгөөд хариу ирсэн даруйд уг асуудлыг Монгол Улсын Ерөнхий сайд Улсын Их Хуралд өргөн мэдүүлнэ.
Зам, тээврийн хөгжлийн сайд Ж.Бат-Эрдэнэ нь цаашид тус яамыг өөрийн биеэр тэргүүлэн ажиллах нь ёс зүйгүй тул сайдын үүрэгт ажлаас чөлөөлөгдөх хүсэлтийг нь Улсын Их Хурлаас эцэслэн шийдвэрлэх хүртэлх хугацаанд Зам, тээврийн хөгжлийн сайдын үүргийг Засгийн газрын өөр гишүүнд хариуцуулж өгөхийг Монгол Улсын Ерөнхий сайдаас хүсч өргөдөл гаргасан. Иймд Монгол Улсын Ерөнхий сайд өөрийн бүрэн эрхийн хүрээнд Засгийн газрын тухай хуулийн 23 дугаар зүйлийн 1 дэх хэсгийн 5-д заасныг үндэслэн Зам, тээврийн хөгжлийн сайдын үүргийг Засгийн газрын гишүүн-Монгол Улсын Шадар сайдад хариуцуулах тухай 2018 оны 138 дугаар захирамж гаргасан болно.
Засгийн газрын тухай хуулийн 30 дугаар зүйлийн 1-д “Засгийн газар бүрэн эрхийнхээ асуудлаар хуралдаанаас тогтоол, нэг удаагийн чанартай буюу шуурхай асуудлаар Ерөнхий сайд захирамж гаргана” гэж хуульчилсан.
Монгол Улсын Засгийн газар Засгийн газрын гишүүнийг албан тушаалаас чөлөөлөх асуудлыг огт хэлэлцээгүй, энэ талаар ямар нэгэн шийдвэр гаргаагүй болохыг албан ёсоор мэдэгдэж байна гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Сэтгэгдэл0
тэгээд чөлөөлөхгүй талдаа орж байна даа.төрийн албан хаагчийн ёс зүйн хэм хэмжээ, төрийн байгууллагын соёл, дэг журмыг зөрчиж, төрийн байгууллага, албан хаагчийн нэр хүндийг эрхэмлэн дээдлэх үүргээ биелүүлээгүй Зам, тээврийн хөгжлийн яамны албан хаагчдад хариуцлага хүлээлгэхийг холбогдох албан тушаалтанд, төрийн захиргааны бүх шатны байгууллагад төрийн албан хаагчийн ёс зүй, сахилга батыг чанд сахиж ажиллахыг Засгийн газрын гишүүдэд үүрэг болгосон.гээд л баахан сүржигнэх яасан ч олон юм бичдэг юм
Засгийн газар маш зөв ажилласан
хүрэлсүх сайдыг чөлөөллөө гээд солиорч л байсан бүз дээ. эхлээд буруу зүйл яах гэж хийсэн юм
Хүрэлсүх ерөнхийсайд,дэд сайд,төрийн нарийн бичиг 3-ыг ажлаас нь халж байна,өөрсдөө ч өргөдлөө өгсөн гээ биз дээ. Ажлаа хийгээд л байгаа юм уу.
Tegeed ter hariutslagagyi hymyysee chuluulj chadahgyi bolj bna uu? Iim tur gej yu bhav huurhii
Халаагүй юм бол ажлаа хийхгүй, өргөдлөө өгчихсөн гээд явж байгаа хүмүүс цалингаа аваад л баыгаа юм уу?
Zandanshatar aa, ehleed bodoj baij hii. Hiichiheed daraa ni 80 hudlaa ym bichyyleh hereggyi
Ц.Цогзолмаа сайдын Ж.Цолмонг захирлаар томилсон тушаал гаргасныхаа дараа түүнээс 30 сая төгрөгийн авлига авсан баримтыг нь тун удахгүй дэлгэх юм байна.
Өргөдлийг нь шийддэг газраар нь шийдүүлэхээс хуулиар олгоггүй эрх эдэлж болохгүй шүү дээ. Өнөөдрийн хуулийн зохицуулалт оновч муутай байлаа ч хүчин төгөлдөр хуулиа засгийн газар нь мөрдөхгүй бол иргэдээс хууль мөрдөхийг шаардах эрхгүй болно
Бүх юм хуулийн хүрээнд л явагдсан байна Наад толгойгоо ажиллуул Ажилахгүй байгаа бол дуугүй сууж өай!
онлайн тоглоомын хязгаарлалтгүй олон улсын виза карт болон мастер карт Монголд байдаг уу.
Нэг л еерсдийгее зевтгесен, хамгаалсан улс. Наад тер засагт хяналт тавьж, цомхон чадварлаг болгож ажлаа хийгээчээ!
uu muu nowshiig yaraltai shorond ni yavuulaachee yagaad bailgaad bgaa yum
Олон таван үггүй шууд хөөн заййлууулах хэрэгтэй.
Зууны мэдээг хаагаасай