sonin.mn
Сэтгэгдэл (0)
ВАШИНГТОН. /ВВС/. Дэлхийн худалдааны байгууллага /ДХБ/ АНУ-д хандах хандлагаа өөрчлөхгүй бол тус байгууллагаас гарна гэж АНУ-ын Ерөнхийлөгч Дональд Трамп сүрдүүлжээ.
ДХБ нь дэлхийн худалдааны дүрэм журмыг гаргаж, улс хоорондын маргааныг зохицуулах үүрэгтэй байгууллага юм.
Гэвч хамгаалалтын бодлого явуулж буй Д.Трамп, ДХБ АНУ-д шударга бус хандаж байна гэж мэдэгджээ.
ДХБ-аас АНУ-ын нэрийг татна гэж Д.Трамп мэдэгдсэн нь түүний худалдааны бодлого болон дэлхийн худалдааны чөлөөт систем хоёр зөрчилдөж байгааг илтгэж байна.
Үүний зэрэгцээ ДХБ-ын маргаан зохицуулах тогтолцоонд шинэ шүүгчийг томилох үйл ажиллагааг АНУ боож байгаа бөгөөд энэ нь ДХБ-ын шийдвэр гаргах эрхийг хязгаарлах нөхцөлийг бий болгох юм.
АНУ-ын худалдааны төлөөлөгч Роберт Лайтхизер, АНУ-ын бүрэн эрхт байдалд хөндлөнгөөс оролцож байна гэж ДХБ-ыг мөн буруушаасан байна.
 
Д.Нямтулга
Эх сурвалж: Монцамэ агентлаг