Улаанбаатар /МОНЦАМЭ/. УИХ-ын гуравн байнгын хороо өнөөдөр хуралдаж, энэ долоо хоногт чуулганы нэгдсэн хуралдаанаар хэлэлцэх хууль, тогтоолын төслүүдэд оруулах санал, дүгнэлтээ нэгтгэнэ.
Тухайлбал, 11.00 цагт Нийгмийн бодлого, боловсрол, соёл, шинжлэх ухааны байнгын хороо хуралдаж, Ерөнхий боловсролын сургуулийн хоол үйлдвэрлэл, үйлчилгээний тухай хуулийн төслийг хэлэлцэхээс гадна Хүүхдийн эрхийн тухай болон Хүүхэд хамгааллын тухай хуулийн хэрэгжилтийн талаар ХНХ-ын сайдын мэдээллийг сонсоно.
Харин үдээс хойш буюу 14.00 цагт болох Эдийн засгийн байнгын хорооны хуралдаанаар ЗТХ-ийн сайдыг чөлөөлөх тухай, Хөрөнгө оруулалтын банкны тухай, Ашигт малтмалын тухай, Газрын тосны тухай, Газрын тосны бүтээгдэхүүний тухай хуульд нэмэлт, өөрчлөлт оруулах тухай хуулийн төслийг хэлэлцэхээр товлосон байна.
Мөн 16.00 цагт Аюулгүй байдал, гадаад бодлогын байнгын хороо хуралдана. Тус байнгын хороо Иргэний болон аж ахуйн хэргийн талаар эрх зүйн туслалцаа харилцан үзүүлэх тухай, Гэмт этгээдийг шилжүүлэх тухай, Эрүүгийн хэргийн талаар эрх зүйн туслалцаа харилцан үзүүлэх тухай Монгол, Беларусь Улс хооронд байгуулсан гэрээг соёрхон батлах тухай хуулийн төслийг хэлэлцэх аж.
Ч.Ариунболд
Эх сурвалж: Монцамэ агентлаг
Сэтгэгдэл0
Гишүүд нь хуулиа зорчин ждү зээл авах тендер концесс авдаг дээд шүүхийн шүүгч нь авилгагч нарын талд шийдвэр гаргаж ард тумний өмч болох эрдэнэт үйлдвэрийг хэдхэн луйвирчанд авч өгдөг ийм замарсан улсд хууль гэж ярихаар ард түмэн бүр үнэмшихэн байсан нөхцөлл байнгийн хороо хуралдаж сайдыг ажлаас нь чөлөөлж жүжиглээд хэрэггүй