МОСКВА. /RIA Novosti/. Бүгд Найрамдах Ардчилсан Лаос Ард Улсын Батлан хамгаалах яам техникийн хувьд бүрэн бүтэн ажиллагаатай Т-34 загварын 30 танкийг хоёр орны цэрэг-техникийн хамтын ажиллагааны хүрээнд Оросын цэргийн байгууллагад хүлээлгэн өгсөн байна. Энэ тухай ОХУ-ын Батлан хамгаалах яам мэдээлжээ.
Оросын Батлан хамгаалахын сайд Сергей Шойгугийн өнгөрсөн оны нэгдүгээр сард Лаост хийсэн айлчлалын хүрээнд танкуудыг ОХУ-д буцаан өгөх тохиролцоонд хүрсэн байна.
Танкуудыг Владивосток хүртэл далайн замаар тээвэрлэж, дараа нь төмөр замын тээврээр Москва мужийн Наро-Фоминск хотод хүргэжээ.
Зөвлөлтийн танкуудыг цэргийн жагсаалд, кино зураг авалтад ашиглахаар төлөвлөж байгаа аж. 
 
Д.Жаргал
Эх сурвалж: Монцамэ агентлаг