Лхагва - 04 сарын 24,
2024
ЗГХЭГ-ын дарга, Монгол Улсын Сайд, УИХ-ын гишүүн Л.Оюун-Эрдэнэ агаар, хөрсний бохирдлыг бууруулах чиглэлээр хэрэгжүүлж байгаа ажлуудын явцтай танилцахаар холбогдох ажлын багийнхантай уулзлаа.
Засгийн газар энэ оны тавдугаар сараас нийслэлд түүхий нүүрс оруулахгүй, айл өрх, албан байгууллагуудад хэрэглүүлэхгүй байх шийдвэр гаргасантай холбоотойгоор хийж буй ажлууд, үүсч буй хүндрэлийн талаар ажлын багийн гишүүдээс тодруулсан юм.
Нийслэлийн гэр хорооллын өрхүүд жилд 1.2 сая тонн түүхий нүүрс хэрэглэдэг. Энэ хэрэглээг бууруулах зорилгоор сайжруулсан түлшний үйлдвэрийг байгуулсан бөгөөд үйлдвэрээс гарч байгаа түлшийг хүйтний улирал эхэлмэгц гэр хорооллын өрхүүдэд түгээхээр төлөвлөснийг ажлын багийнхан ЗГХЭГ-ын даргад дэлгэрэнгүй танилцуулав. Жилдээ 800 мянган тонн сайжруулсан түлш үйлдвэрлэх хүчин чадалтай тус үйлдвэр одоо үйл ажиллагаа нь хэвийн явж байгаа боловч уурхайгаас нүүрсээ татан авах тээвэрлэлтийн асуудлыг яаралтай шийдэх шаардлагатай байгааг “Таван толгой түлш” ХХК-ийн захирал М.Ганбаатар хэлсэн юм. ЗГХЭГ-ын дарга Л.Оюун-Эрдэнэ “Уурхайн амнаас нүүрс татах тээвэрлэлтийн асуудлыг холбогдох яамдын сайд нартай хамтран ойрын үед шуурхай шийдвэрлэнэ” гэлээ.
Мөн ажлын багийнхан ЗГХЭГ-ын даргад хандаж тус багийн бүтэц, зохион байгуулалтыг өргөтгөх, чиг үүргийг тодорхой болгох, түүхий нүүрсийг нийслэл рүү оруулж ирэхгүй байхад хяналт тавих цагдаа, мэргэжлийн хяналтын байгууллагын ажилтнуудын бүтэц, орон тоог шийдэхэд анхаарал хандуулахыг хүссэн юм.
ЗГХЭГ-ын дарга Л.Оюун-Эрдэнэ нийслэлийн утааг арилгах нь Засгийн газар, Зам, тээврийн хөгжлийн яам, Байгаль орчин, аялал жуулчлалын яам, Уул уурхайн яам, нийслэлийн удирдлагуудын тус тусдаа хийх ажил биш, харин ажлаа хооронд нь уялдуулах, гал түлж байгаа хүн бүрийн үүрэг, оролцоо чухал гэдгийг нийгэмд ойлгуулах хэрэгтэй байгааг тодотгосон юм. Тэрбээр Улаанбаатарыг утаанаас бүр мөсөн салгахын тулд хэн юу хийх нь тодорхой байх шийдлүүдийг тусгасан дунд, урт хугацааны төлөвлөгөөг яаралтай танилцуулах, шат шатандаа төлөвлөсөн ажлуудаа дор бүрдээ эрчимжүүлэхийг үүрэг болгов.
Сэтгэгдэл0
Uurhaidaa oirhon hiij bolohguiee aain? Nuursee Haa huetel zuuh gej bgaa yum?
Анх удаагаа терийн том ажилтан УБ- ын утааг уусгэгч гол буруутныг нэрэллээ.Гал тулж байгаа хун бур утаа уусгэгч гол буруутан. Тэгэхээр энэ гал тулэгчтэй л бух нийтээрээ дээр дооргуй , тер иргэн хоорондоо уялдаатай тэмцэж байж л утаанаасаа сална. Тер еерийн зугээс гал тулэгчдийн армийг цееруулэх арга хэмжээ ав, менге тегрег херенгеер дэмжээд орон нутагт нь буцаах, гэрээ хэлцэл хий, дагуул хотууд руу нуулгэх ажил хий, турээсийн орон сууцаар ханга, хот руу шилжилтийг зогсоо, болохгуй бол онцгой байдал тогтоо. Иргэд утааны эсрэг жагсаалаа талбай дээр биш гэр хорооллын гудамж болгонд очиж хий, утаа хаана их гарж байгаа газар болгонд очиж байдлыг танилцуулж сурвалжлагч нартай цуг тэмц. Туухий нуурс оруулах бух уйлдэлтэй тэмц
Залгуулаад херсний бохирдол, беглерел гээд том асуудлууд байгаа гэдгийг мартаж болохгуй. Яг унэндээ энэ утаа, херсний бохирдол, беглерел( бас л хорт утаа) эдгээрийн хохирогчид нь энэ бухнийг уйлдвэрлэж бий болгож байгаа жирийн иргэд еерсдее гэдгийг ойлгуулах хэрэгтэй.
Утааг багасгахад гал түлдэг хүн бүхний үүрэг оролцоо чухал -гэж утаанд хордсон олон жил нэгч даргын амнаас гаралгүй тойрч байсан маш үнэн үгийг анх удаа хэллээ. Утаа багасгах ганц арга бол орон сууц биш харин утаа гаргагчидад иргэний үүргийн нь дагуу татвар торгууль...гэх мэт хариуцлага хүлээлгэх ,хөдөөнийхнийг нутагт нь буцаах аян зохион байгуулах ,,орон нутгийн удирдлагуудаас иргэдээ татаж авахыг шаардах зэрэг бодит ажил хийх хэрэгтэй.
Утаа яах вээ, тэр Эрдэнэтийг ард тумэнд авч огоорэй¡
Bandaichaad ene ih huurhuun