Украины Ерөнхийлөгчийн сонгуулийн эхний шат өнгөрсөн ням гарагт болсон билээ. Тус улсын төрийн тэргүүний албан тушаалын төлөө 39 нэр дэвшигч өрсөлджээ. Энэ нь Евромайдан буюу 2013 онд эхэлсэн төр засгийн эсрэг жагсаал цуглаанаас хойш болж буй бүх нийтийн хоёр дахь сонгууль юм. Ерөнхийлөгчийн сонгуульд “Ард түмний зарц” намын дарга Владимир Зеленский тэргүүлж байна. Тус улсын Сонгуулийн төв хорооны мэдээлснээр, Зеленский сонгогчдын 30 гаруй хувийн санал авчээ. Хоёрдугаарт 16.65 хувийн саналтайгаар одоогийн Ерөнхийлөгч Петр Порошенко орсон бол "Батькивщина" намын дарга Юлия Тимошенко 13.29 хувийн саналаар гуравт жагсч байгаа юм. Ийнхүү нэр дэвшигчдээс хэн нь ч 50 хувийн амжилт дангаар үзүүлж чадсангүй. Анхан шатны сонгуульд нэр дэвшигч 50 хувийн санал авч чадахгүй бол энэ сарын 21-нд дараагийн шатны сонгуулийг явуулахаар хуульчилсны дагуу Ерөнхийлөгчийн сонгуулийн хоёр дахь шатны санал хураалтад “шоумен” Владимир Зеленский болон Украины одоогийн тэргүүн Пётр Порошенко нар өрсөлдөх нь тодорхой боллоо. Дашрамд дурдахад, В.Зелинскийн аав нь “Эрдэнэт” үйлдвэрийн бүтээн байгуулалтын ажилд оролцож байсан Зөвлөлтийн мэргэжилтэн юм байна. Владимир Зеленский Эрдэнэт хотын ерөнхий боловсролын сургуулийн нэгдүгээр ангид элсэн суралцсан бөгөөд Монголд эцэг эхийн хамт дөрвөн жил амьдарчээ.
Х.Заяа
Эх сурвалж: "Монголын үнэн" сонин
Сэтгэгдэл0
Ukrain manaid ilvv,yamar xamaa bna
Oros europchuud ur chadvartai under bolovroltoigoo leadershipeer songoj iluu ihiig buteelgehiig husdeg ur dun
Хай, Би чамаар бахархаж байна. Эрдэнэтэд 1-р ангид сурч байсан гэхээр чинь би бүүр хөөрчихлөө. Ерөнхийлөгч болоод Украйн улсыг дэлхийн хүчирхэг гүрэн болгоорой. Чиний төлөө байнга уншиж, залбирч, дэмжиж явна. Амжилт хүсье.
Хахаха.ууланд буга урамдахад уяан дээр илжиг тонгочно гэж чам шиг тэнэгт зориулж
Эх орноо барууны садистуудын золиос болгосон порощенко далд орвол болж дээ.
Хохолд зөв хүн гараасай! Шинжлэх ухааны асар их потенциальтай орон шүү. Монголчууд Бат хааны үед энд цэцэглэж байлаа. Өнө мөэнхийн бат найрамдлаа хөгжүүлье!
Амжилт хүсье, ялаасай
B,Zelelskii garna 53,5 khubiin sanalaar.amjilt khusei
ялалтыг хүсэе
Дараачийн еврей хоолондоо орох гэж бна.Монголд огт хамаагуй