Монгол Улсын Ерөнхийлөгч Х.Баттулга өнөөдөр Монгол Улсын Их Хурлын дарга Г.Занданшатарт “Ээлжит бус чуулган зарлан хуралдуулах тухай” албан бичиг хүргүүлэв.
ЭЭЛЖИТ БУС ЧУУЛГАН ЗАРЛАН ХУРАЛДУУЛАХ ТУХАЙ АЛБАН БИЧИГТ:
Улсын Их Хурлын өмнөх дарга, гишүүдийн хооронд үүссэн зөрчил, тэмцлээс шалтгаалан төрийн эрх барих дээд байгууллагын үйл ажиллагаа 40 гаруй хоногоор гацаж, 2018 оны намрын ээлжит чуулганаар хэлэлцэхээр төлөвлөсөн 23 хууль, тогтоомжийн төслийн дийлэнхийг нь хэлэлцэлгүй орхин, шийдэл хүлээж байгаа нийгэм, эдийн засгийн амин чухал олон асуудлууд хойшлогдох нөхцөл үүссэнтэй холбогдуулан миний бие 2019 оны 01 дүгээр сарын 22-ны өдөр Е/03 тоот албан бичгээр Улсын Их Хурлын даргад албан ёсоор хандаж, чуулганы хугацааг сунган хуралдуулах санал, шаардлагыг хүргүүлсэн боловч намрын ээлжит чуулганыг хуулийн хугацаанд нь завсарлуулаад байна.
Төрийн эрх барих дээд байгууллагын үр дүн муутай үйл ажиллагаа нь сахилга, хариуцлагыг бүх түвшинд алдагдуулж, нийгмийн хөгжлийг сааруулах, аливаа бэрхшээлийг гааруулах шалтаг, шалтгаан нь болох тул алдагдсан цаг хугацааг нөхөж улс орон, ард иргэдийн амьдралд тулгамдаж байгаа шийдэл хүлээсэн асуудлуудыг нэн даруй хэлэлцэн шийдвэрлэх арга хэмжээг шуурхай авах шаардлагатай юм.
Иргэд, олон нийт эрх баригч нам, Улсын Их Хурал, Засгийн газар болон холбогдох бусад төрийн байгууллага, албан тушаалтнуудаас “хууль тэгш үйлчилж, хэлбэрэлтгүй хэрэгждэг” шударга нийгмийг цогцлоох дорвитой бодлого, шийдэл хүлээж, шаардаж байна.
Үүний хүрээнд Улсын Их Хурлын нэр бүхий гишүүд болон иргэний нийгмийн байгууллагууд 2019 оны 02 дугаар сарын 14-ний өдөр ээлжит бус чуулганыг 14 хоногийн дотор зарлан хуралдуулж, тодорхой асуудлуудыг хэлэлцэн шийдвэрлэх санал, шаардлагыг мөн гаргаад байна.
Иймд Монгол Улсын Үндсэн хуулийн Хорин долдугаар зүйлийн 3, Монгол Улсын Ерөнхийлөгчийн тухай хуулийн 12 дугаар зүйлийн 1, Монгол Улсын Их Хурлын тухай хуулийн 16 дугаар зүйлийн 16.2 дахь хэсэгт тус тус заасны дагуу Улсын Их Хурлын гишүүдийн санал болгон шаардаж буй асуудлаар ээлжит бус чуулганыг 2019 оны 03 дугаар сарын 01-ний өдрийн дотор зарлан хуралдуулах саналыг үүгээр хүргүүлж байна.
Судлан үзэж, хуулийн дагуу шийдвэрлэнэ үү” гэжээ.
Мөн УИХ-ын нэр бүхий гишүүдээс болон иргэний нийгмийн байгууллагуудаас ээлжит бус чуулганыг зарлан хуралдуулах тухай асуудлыг тусгасан “Шаардлага хүргүүлэх тухай” албан бичгийг Монгол Улсын Ерөнхийлөгч Х.Баттулгад энэ сарын 14-ний өдөр ирүүлсэнтэй танилцана уу.
Сэтгэгдэл0
Mun ch udaan bolij ymdaa.shuurhai shiideed deeremchdee bariachee.Barilaa Tavilaa guudaa.....
Чи одоо юугаа хурдлуулах гээд байна шанхайгаа хурдлуулах гээд байнуу хаях хятадууд яараагуй байхад боолчлогдох ухэрнууд ухсэндээ яарсийн
Hutguur odoo yu hutgah geed baigaa bol
Хуухэлдэйтэй болцон амар байгаа биз
МАШ ЗӨВ! ОДОО ЦАГ СУНЖРУУЛАЛГҮЙ ХУРДАН ХУРДАН ШИЙДЭЭД ЯВАХАД МОНГОЛ ЯЛАХГҮЙ ХААЧИХ ВЭ!!!
Одоо элэнцгээ хийж хуралдах юм.хуули батллаа гээд ард түмэнд ямар хүртээл бна.шүүх хуули хяналтын бүх байгууллагуудад бгаа ажил хийдүүлсэн ажил хийх дургүй хулгайч,луйварчдыг бүгдын өөрчилж ялын үүрүүлээд шоронд ни суулга.
ШҮҮХ, Прокурор, АТГ, ҮХ-н бүх дарга нарыг өөрийн хүнээр сольж бгаад ШХАБ, Ерөнхийлөгчийн засаглал зүтгүүлнэ дээ.
Юм юманд оролцож үймүүлж байхаар дүүгийнхээ ЖдҮ овоолсон шорооноос цохьсон мөнгө гадаад руу оргуулсан 2 хулгайчаа аавчрах зэрэгтээ анхаар. Эби л хэлсэн болохоос ху гэдэг нь үнэн байх шүү