Олон улсын жүдо бөхийн холбооны Екатеринбургийн “Их дуулга” тэмцээний эрэгтэйчүүдийн 60 кг-ын жинд өрсөлдсөн манай жүдоч Л.Өнөболд алтан медаль хүртлээ. Тэмцээнд 47 орны чансаа өндөр 350 гаруй жүдоч оролцов. Манай улсаас туршлагатай болон шинэ залуу 20 жүдоч энэхүү тэмцээнд хүч үзэхээр явсан юм. Алтан медалийн эзэн болсон Л.Өнөболдын хувьд энэ удаагийн “Их дуулга” анхных нь. Тэрбээр 2017 онд 21 хүртэлх насны залуучуудын дэлхийн аваргаас хүрэл медаль хүртэж байв. Түүнчлэн хоёр жил дараалан насанд хүрэгчдийн улсын аварга шалгаруулах тэмцээнээс хүрэл медаль хүртсэн жүдоч юм. Эрэгтэйчүүдийн 60 кг-ын жингийн хагас шигшээ барилдаанд ОХУ-ын Яшуев Ислам дүрмийн бус хориотой үйлдэл гарган хасагдсан нь манай бөхөд алтан медалийн төлөө барилдах нэг боломж болсон гэхэд болно. Яшуев Исламын хувьд, 3108 оноотойгоор жиндээ дэлхийн чансааны 12 дугаарт эрэмбэлэгдэж байгаа шилдэг тамирчин билээ. Л.Өнөболд алтан медалийн төлөөх барилдаанд Японы Ошима Юуматай хүч үзэж торгуулиар цэвэр ялсан. Түүнд ялагдсан Ошима Юума нь өнгөрсөн жил бүх Японы аваргад түрүүлсэн шилдэг залуу жүдоч билээ.
Б.Номуун
Эх сурвалж: "Монголын үнэн" сонин
Сэтгэгдэл0
Залуучууд маань гайхалтай юм даа. Олон улсад гайхагдсан гэх ядаж ганц даргын нэр байхгуй дээ.
Баяр хүргэж улам их амжилт хүсэе.
ulsiin avragaar ene bohiig ylsan alt mongon medaltanguud haana yvna
Amjilt
dyygiin zam hargyi yygeer byyr zaasaa ergen delger boltygai!
TAND IH BAYARLALAA. ULAM IH AMJILT HYSEN EROOE
Гараа сайн бол бариа сайн гэж ! Дүү мин чамайг дэлхийн дэвжээ урин дуудаад байгаа юм байнадаа ! Зангарагтай хайр даах чадвартай байгаарай дүү ! Дэлхий олимпийн дэвжээ чамайг угтан хүлээж авах болноо дүү мин ! Хичээгээрэй дүү мин хичээгээрэй !
Баяр хүргэе дүү минь улам хичээгээрэй зам нь дардан байг ухаан нь цэлмэг байг.
Харин тиймээ тамирчид маань л Монголын нэрийг гаргах юм төрийн сайд дарга нар ч бас байнаа байнаа Авилгал оффшор дансаар дэлхийг хууль бус 1000луйвар гэрээгээрээ дэлхийг дэлдийлгэж байгаа шүү
Харин тиймээ тамирчид маань л Монголын нэрийг гаргах юм төрийн сайд дарга нар ч бас байнаа байнаа Авилгал оффшор дансаар дэлхийг хууль бус 1000луйвар гэрээгээрээ дэлхийг дэлдийлгэж байгаа шүү
бөмбөрцгийн бөх
Мундаг
мундаг