Хэдэн жилийн өмнө Монгол сүмог үзэхсэн гэсэн сонирхол ихтэй, хоёр гурван ч ТВ-ийн сувгаар Японд болж байгаа башё бүрийг дамжуулдаг байсан даа. Тэгвэл одоо энэ давалгаа арилж сүмог үүл гарч бороо орохын адил жирийн хэрэг мэт үзэх болсон юм шиг. UBS гэсэн ганц суваг тэмцээн дамжуулна. Сүмо гэж ярихад зарим нь тээршаах янзтай. Ийм л…
Тэгвэл бид “Бөхийн мэдээ”-гээрээ дамжуулан уншигчиддаа энэ тухай мэдээлэл хүргэхийг хичээсэн хэвээр байгаа. Энэ нь зарим уншигчдад таалагддаг шиг л байдаг. Ээлжит тэмцээн болохын өмнө манай сонины уншигчид “Сүмогийн банцүкээ хэзээ гарах вэ” гэцгээдэг. Тиймээс бид эхний ээлжинд болох тэмцээний цуваа нэр (банцүкэ)-ийг гаргаж өгдөг. Дараа нь тэмцээний явцыг хоёроос доошгүй удаа тоймлон хүргэдэг юм. Ер нь сүмо зөвхөн барилдаан нь сонин биш тэндээс бөхийн ёс жаяг, эрэмбэ дараалал, уламжлалын талаар авах юм ихтэй шүү дээ. Үүнийг монголчуудын зарим хэсэг өнгөцхөн ойлгож нөгөө л нэр хүнд нь доошоо орсон үндэсний бөхийнхөө адил юм бодоод байдаг шиг санагдана. За тэгээд энэ тайлбараа завсарлаж энэ гуравдугаар сарын мэргэжлийн сүмогийн Харү башёгийн эхний найман өдрийн барилдааны тоймыг хүргэе.
Уг тэмцээн бэртэл гэмтэлгүй, тэмцээн орхиж явсан бөхгүй сайхан өрнөж байна. Тэмцээн дундаа орох үед их аварга М.Даваажаргал ганцаараа найман даваатай тэргүүлж, түүний араас аварга М.Ананд (Какирюү), А.Ичинноров (Ичиножёо), озеки Такиясү, Гоэйдо нар долоон даваа, нэг унаатай нэхэж явна. Мөн Такакейшо, Рүдэн нар зургаан даваатай тэргүүлэгчдийн гурав дахь эгнээнд бичигдэж байгаа юм. Таван даваатай хэдэн бөхийн тоонд Чёошома С.Мөнхсайхан бий. Өнгөрсөн нэгдүгээр сарын тэмцээний түрүү бөх Тамаваши Мөнх-Оргил дөнгөж дөрөв давжээ. Хэдийгээр тэмцээн дундаа орсон ч одоогоор хэн түрүүлэхийг хэлэх боломж алга гэж сүмогийн мэргэжилтнүүд тайлбарлав. Хакүхог Точиозантай хийсэн барилдаанаасаа сургамж аваад урьдынх шигээ барилдах юм бол сүмод дахин нэг дээд амжилт тогтоох боломж байна гэж хэлэх хүн ч байна. Гэхдээ ирэх өдрүүдэд тэргүүлж яваа бөхчүүд хоорондоо тулна. Гал гарсан барилдаан олон гарна гэсэн үг. Сонирхуулахад башёгийн найман өдрийн дараа нэг даваатай Точиазан, Икиой нар ганц ч даваагүй найм унасан Шёодай нар байна.
Д.Надмид
Эх сурвалж: “Зууны мэдээ” сонин
Сэтгэгдэл0
Авах юмгүй эд юм биш үү, тэнд сайхан залуу хүнд өвчинд шаналж бхд манайхан яаж тус болж бгаан, өөр нэг талийгаач цэл залуугаараа өөд болсон. Харваас эрүүүл бус байгалийн бус уламжлал болжээ.
тавган дээрх 2 мантуу
Өвчин тусах бэртэл гэмтэл авах бол хэнд ч тохиолддог зүйл. Үүнийг сүр бадруулан нийтэд нялзаах нь тэнэглэл.Монголчууд өөрсдөө хүсч сумод орох билээ гэж үхэлдэж байгаа болохоос японд маний хэрэг байна уу.Тэд ил хэлэхгүй байгаа болохоос илүүц л байгаа байхгүй юу.Айгаад байвал эндээ допингоо гудраад, хэрүлээ хийгээд,цагдаагийн нүд сохлоод ноцолдож байна биз дээ.
minii bye ikhe abraga Hokuhogaan demjij baina,bainga tenger byrhan daa sazalaan ergej dotood setgeleesee ynslagaan ynsina!abraga bol henteich barildah bolomjtoi barildaanch beh l dee!!!abragiin medremj barildaanii syrch,arga tehnik ni ebermech ychir abraga yabna,harin ene ydaa Ichinjoo maani er ni tyryyleh behiin hemjeend barildana daa!!!negee manai abraga ch agyy syy dee!!sumo abah yum ikhe judagtai saihan barildaan men!!!!bi beer bainga yzdeg dee!!!
Манай үндэсний бөхийг бодвол шударга л даа.