Улаанбаатар /МОНЦАМЭ/. МХБХ-ны удирдах дээд байгууллага болох ээлжит VIII Их хурал зургадугаар сарын 19-нд болж, ирэх 4 жилд холбоог удирдах Ерөнхийлөгч болон Дэд ерөнхийлөгч, Зөвлөлийн гишүүдийг сонгов.
Ээлжит сонгуульт тус Их хурлын эхэнд 2018 болон 2015-2019 оны ажлын ба санхүүгийн тайланг танилцуулан, ирэх жилд хийх ажлын төлөвлөгөөг батлуулав.
Азийн хөлбөмбөгийн холбооны Гадаад харилцааны захирал Рави Кумар урилгаар оролцон, АХБХ-ны Ерөнхийлөгчийн мэндчилгээг уламжилсан. Мөн ДАШТ-ий урьдчилсан шатны эхний давааг амжилттай давсан үндэсний шигшээ багийг Их хуралд урилгаар оролцуулж, түүхэн амжилт үзүүлсэнд баяр хүргэв.
МХБХ-ны Ерөнхийлөгчөөр А.Ганбаатар улиран сонгогдож “Улаанбаатар сити” клубийн эзэн Г.Дашням Дэд ерөнхийлөгчөөр сонгогдлоо. МХБХ-ны анхны эмэгтэй Дэд ерөнхийлөгчийн төлөө Ж.Хишигжаргал, Х.Азжаргал нар өрсөлдөхөд “ДМЮ” клубийн зөвлөлийн гишүүн Х.Азжаргал яллаа.
Харин МХБХ-ны Зөвлөлийн гишүүдээр Г.Энхцэцэг, М.Болд, Б.Болдбаатар, М.Амарбаясгалан, Б.Батзаяа, Э.Өлзийбаяр, Б.Батсайхан, Б.Билгүүн, Б.Гантиг, Б.Гансүх нар сонгогджээ. МХБХ-ны Зөвлөл дэх орон нутгийн төлөөлөгчөөр С.Жаргалсайхан, МХБХ-ны Зөвлөл дэх хөгжлийн бэрхшээлтэй иргэдийн төлөөлөгчөөр М.Баярмагнай нар тус тус сонгогдов.
Д.Өлзийсайхан
Эх сурвалж: Монцамэ агентлаг
Сэтгэгдэл0
mori Ganboldyn adil gadaadaas orj irej baigaa saya saya USD Gabi metiin hul bumbugt ogt hamaagui nukhduud munch ih zusalj bnadaa
Зуун ямаанд 60 ухна гэдэг шиг... хэдэн тамирчидаа харж уз..
ямар олон хоолны савнууд бэ,бугд тусламж идэж гадаад тэнэх санаатай.Ажиллаж буй тамирчид дасгалжуулагчид нь хаана байна
A. GANBAATAR---TS. ELBEGDORJ