Улаанбаатар /МОНЦАМЭ/. Баянхонгор аймгийн тамирчин ОУХМ Өлзийсайханы Пүрэвсүрэн чөлөөт бөхийн 23 хүртэлх насны “Будапешт 2019” ДАШТ-ий эмэгтэйчүүдийн 65 кг-д мөнгөн медаль хүртэв.
Тэрбээр 23 хүртэлх насны Ази тивийн аварга, залуучуудын АТАШТ-ий хүрэл, өсвөр үеийн АТАШТ-ий алт, хошой хүрэл, “Байгаль Опен”, “Монголиа Опен” ОУТ-ий мөнгө, УАШТ-ий мөнгө, хүрэл медальт, улсын залуучуудын хошой, өсвөр үеийн таван удаагийн аварга болсон шилдэг тамирчин юм.
Түүний энэ удаагийн амжилт Монголын бөхчүүдийн 23 хүртэлх насны ДАШТ-ээс үзүүрлэсэн хоёр дахь тохиолдол боллоо. Түүнээс өмнө нь 2017 онд ОУХМ А.Батцэцэг Быдгошт болсон анхны тэмцээнд мөнгөн медаль хүртэж байв.
Ө.Пүрэвсүрэн Будапештын дэвжээний шөвгийн наймд 2016 оны залуучуудын ДАШТ-ий мөнгөн медальт Беларусийн Надья Драгуноваг цэвэр, хагас шигшээд Казахстаны ихэр эгч дүүсийн нэг, өсвөр үеийн ДАШТ-ий хүрэл, Азийн өсвөр үе, залуучууд, 23 хүртлэх нас, насанд хүрэгчдийн медальт Мадина Бакбергеноваг 7:0-ээр ялсан. Харин шигшээ барилдаанд Бүх Японы аваргын мөнгө, хүрэл медальтай Мисүзү Ёномотод 0:11-ээр ялагдаж үзүүрлэлээ. Баянхонгорын С.Мөнхдуулдах багшийн шавь Ө.Пүрэвсүрэнгийн хувьд 13 наснаасаа өсвөр үеийн УАШТ-д таван жил дараалан аваргалж дахин давтагдашгүй амжилтыг үзүүлсэн Монголын чөлөөт бөхийн хүрээнийхэнд хар багаасаа танигдсан. Өдгөө19 настай Ө.Пүрэвсүрэнд “U-23” ДАШТ-д дахиад дөрвөн жил барилдана.
Д.Өлзийсайхан
Эх сурвалж: "Монцамэ" агентлаг
Сэтгэгдэл0
Цэрэнчимэд 2018 онд мөнгө авсан. Юмаа мэд. Унш. Тэгээд үнэн зөв, бүрэн мэдээлэл өгч бай. Өлзийсайхан минь.
Сайхан охин байна. Цаашдаа маналзуулаад магнайг минь тэнийлгээд өгөөрэй.
Tand az jargal, eryyl enh, ulam ich amjilt Hysen erooe
Za duu min ireedui urd chin baij amjiltaa herhen zurahn chinii uuriinl husel zorilgo ym baina ! Hervee chi bi olimp delhiigees alt avnaa . Mongoldoo bosoo baisan ym chin delhiid bosoo turuulne gedegtee buren itgeltei baij sayiin Japand ylagdsan ylagdalaach ireeduin ylalt bolgoj chadsan togioldold chi zorilgodoo hureh bolnoo . Zorilgotoi hun , zorilgiinhoo tuluu hicheen zutgej buhnee zoriulj chadah hund burhan zaaval hajuudn baidag ! Amjilt shuu duu min !
Ухаалаг, дайчин охиндоо баяр хүргэж, аав ээж, гэр бүлд нь энх мэндnйг ерөөе!