Францын нийслэл Парис хотод жүдо бөхийн “Их дуулга”-ын тэмцээн боллоо. Таван тивийн 115 улсын 683 бөх өрсөлдсөн тус тэмцээнд манай улсаас эрэгтэй 12, эмэгтэй найман тамирчин хурд хүчээ сорив. Тэмцээний эхний өдөр 57 кг-ын жинд Хөдөлмөрийн баатар Д.Сумьяа мөнгөн медаль хүртлээ. Түүнчлэн 48 кг-ын жинд Гавьяат тамирчин М.Уранцэцэг, 60 кг-д Д.Амартүвшин нар хүрэл медалийн эзэн болсон бол 73 кг-д олон улсын хэмжээний мастер Ц.Цогтбаатар, 66 кг-д Ё.Басхүү нар мөн хүрэл медалийн тавцанд зогссон юм. Монгол Улсын Гавьяат тамирчин М.Уранцэцэг 2010 оны арванхоёрдугаар сарын 17-ноос 2019 оны дөрөвдүгээр сарын 5-ны хооронд Олон улсын жүдо бөхийн холбооноос зохион байгуулдаг цуврал тэмцээнд оролцож, хамгийн олон медаль хүртсэн тамирчнаар тодорсон билээ. Энэ удаагийн Их дуулга”-ын тэмцээнд Хятадын жүдогийн үндэсний шигшээ баг албан ёсоор нэрээ татаж оролцоогүй юм.
Б.Номуун
Эх сурвалж: "Монголын үнэн" сонин
Сэтгэгдэл0
Манай Сумьяа мундаг барилдсан шүү. Олон ч шилдгүүдтэй үзэж байж алтнаас зуураад алдлаа. Барилдааны төгсгөлийг гайхалтай хийх сэтгэл зүй хэрэгтэй байнаа гэж дүүд зөвлөмөөр байна. Алтын барилдаанд гарахдаа л царай байдал нь нэг тийм түгшүүртэй мэт харагдаж байсан. Биеэ хэт их барих, эсвэл өөрийгөө үнэлэх үнэлэмж доогуур байсан БоЛОвуу гэж санагдсан. Барилдааны үед оноо авах ганц хүчтэй дайралт гаргаагүй шүү. Их өөр хүн харагдсан. Эсвэл мөнгөн медальдаа ханана гэж баймааргүй. Одоо Токио 2020д онцгой сэтгэлзүйтэй ормоор байнаа. Амжилт хүсье!
olimpees alt avaarai
amjilt husie.