Улаанбаатар /МОНЦАМЭ/. Монголын холимог тулааны MFC холооны -70 килограмын аварга М.Нандин-Эрдэнэ БНСУ-ын Road FC холбооны ARC өдөрлөгт оролцож тус улсын тулаанч Ким Сэ-Ёныг өчигдөр хоёр дахь удаагаа яллаа.
Тэрбээр Өмнөд Солонгосын тулаанч Ким Сэ-Ёнтой өнгөрсөн тавдугаар сарын 23-нд анх тулалдаж ялсан ч өрсөлдөгч тамирчин нь түүнийг нүд рүү нь хуруугаа хийж дүрэм зөрчсөн гэх гомдол гаргаснаар дахин дэвжээнд халз таарах болсон юм.
Хоёр дахь тулаандаа М.Энх-Эрдэнэ хоёрдугаар үеийн 1.58 секундэд хүнд цохилтоор ялсан юм.
Тэрбээр цахим хуудастаа, "Цохиулаад нүд харанхуйлаад шувуу эргэлдээд явчихсан шүү. Эвгүй л байлаа. Нэгдүгээр үе дээр зүүн гарын дунд үе бяцраад тоглолтоо гаргаж чадсангүй, уучлаарай Монголчуудаа. Ямар ч байсан яллаа" гэжээ.
С.Мөнхбаатар
Эх сурвалж: "Монцамэ" агентлаг
Сэтгэгдэл0
Баяр хүргэе. Монгол хүч дээ. Гараа хурдан эдгээхийг хүсье!
Монцамэ үнэн шударга мэдээ хүргэдэг хамгийн том мэдээлэлийн хэрэгсэл гэж боддог. Гэхдээ бас ингэж худлаа шааж болохгүй ээ. Эсрэг тамирчин нь сарвуугаа буюу хуруугаа гэмтээснээр тоглолт дууссан шүү дээ. Тэрнээс биш хүнд зохилт байгаагүй.