ПРАГА. /DNES/. Швейцарын хоккейн шигшээ баг Чехийн багтай нөхөрсөг тоглолт хийснийхээ дараа тусгаарлалтанд хамрагджээ. Учир нь тоглолтын дараа Швейцарийн багийн хоёр тоглогчоос коронавирусний халдвар илэрсэн байна.
Чех болон Швейцарын баг хоорондын 3 нөхөрсөг тоглолт Швейцарийн Цухвиль хотод 7 дугаар сарын сүүлчээр болжээ. Тоглолтын үеэр Чехийн залуучуудын шигшээ багийн бүрэлдэхүүнд коронавирусээр халдварласан дор хаяж нэг хүн байсан тухай “DNES” сонин мэдээлсэн байна.
Харин өнгөрсөн долоо хоногт Чехийн залуучуудын шигшээ багийн 12 тоглогчийн коронавирусний шинжилгээний хариу нь эерэг гарсан байна. Багийг нь тусгаарлалтанд оруулсны хариуцлагыг Швейцарын тал Чехийн тамирчдад хүлээлгэжээ.
Э.Аянзаяа
Эх сурвалж: Монцамэ агентлаг
Сэтгэгдэл0
Дэлхийн нийтийн хамгийн ихээр хүлээж буй Covid-19-ийн эсрэг вакцин гарсан ч панацея /бүх өвчнийг анагаагч эм/ болж, аварч чадахгүй байж магадгүй хэмээн Дэлхийн эрүүл мэндийн байгууллагаас мэдэгджээ. ДЭМБ-ын тэргүүн Тедрос Аданом Гебреисус "Өнөөдрийн байдлаар "шидэт дохиур" гарч ирээгүй байна. Ер нь хэзээ ч гарахгүй байж магадгүй" гэсэн байна. Тиймээс дэлхийн бүх хүмүүст хандаж зай барих, гараа угаах, амны хаалт зүүх зэрэг урьдчилан сэргийлэх арга хэмжээг авч байхыг уриалжээ. Дэлхий дахинд нэгдүгээр сараас хойш шинэ коронавирусийн халдварын нийт 18.4 сая тохиолдол бүртгэгдэж, 700 мянган хүн нас баржээ