Өмнөговь аймаг өнгөрсөн жил өглөөний дасгал хөдөлгөөнийг нэгдсэн журмаар ард иргэд, албан байгууллагуудын дунд болзолт уралдаантайгаар амжилттай зохион байгуулсан.
Энэхүү арга хэмжээг аймгийн Засаг даргын захирамжаар холбогдох байгууллагууд хамтран зохион байгуулдаг бөгөөд өнгөрсөн жил Монгол улсын Ерөнхийлөгч Ц.Элбэгдорж Өмнөговь аймагт ажиллах үеэрээ дасгалд оролцож байсан юм.
Тэгвэл энэ жилийн өглөөний дасгал хөдөлгөөний нээлтийн арга хэмжээ өчигдөр Өмнөговь аймгийн бүх суманд нэгэн зэрэг боллоо.
Хүн төрөлхтөний өмнө хамгийн их эрсдэл дагуулсан “Хөдөлгөөний хомсдол, хэт таргалалт” халдварт бус өвчин, зүрх судасны үйл ажиллагааны доголдол зэргээс урьдчилан сэргийлэх зайлшгүй хэрэглээ бидний амьдралд тулгарч байгаа.
Тиймээс энэ жилийн арга хэмжээ “Биеийн тамираар хичээллэж Бие бялдраа чийрэгжүүлж эрүүлжүүлье” уриан доор болж байгаа юм.
Дасгал нь гурван сарын хугацаанд үргэлжлэх бөгөөд ажлын 5 өдөр өглөөний 7 цагт “Ажнай” талбайд нэгдсэн журмаар болно.
Хоёр дахь жилдээ зохион байгуулагдаж байгаа Өглөөний дасгал хөдөлгөөнд оролцсоноор эрүүл мэнддээ үнэлж баршгүй хөрөнгө оруулалт болж байгаа гэдгийг оролцогч ард иргэд, албан байгууллагын хамт олон хэлж байна.
Монгол орон даяар жил бүр уламжлал болгон зохион байгуулагддаг Монгол улсын Ерөнхийлөгчийн нэрэмжит “Хүн амын бие бялдрын түвшин тогтоох” сорилыг аймгийн хэмжээнд байгууллага, иргэдийг хамруулан авдаг.
Тухайн хүний бие бялдрын түвшинг оношилж үзэхэд сорилд хамрагдсан иргэдийн 80-аас дээш хувь нь биеийн тамираар хичээллэх шаардлагатай, “хөдөлгөөний нэн хомсдолтой” гэсэн онош гарсан байдаг.
Тиймээс энэхүү аяныг өрнүүлэх нь маш их ач холбогдолтой гэдгийг зохион байгуулагчид хэлж байна. Өглөөний дасгал арга хэмжээг Өмнөговь аймгийн Засаг даргын Тамгын газар, Даланзадгад сумын ЗДТГ, ССАЖГ, ЭМГ нар хамтран зохион байгуулж байна.
Эх сурвалж:
Сэтгэгдэл0
Ажнай талбайдаа авилгалын зальбирал үйлддэг болж дээ.Манай ерөнхийлөгчийг Ажнай яаж айлгасан юм дасгал хий гэхээр гүйж очоод хийж л байдаг. Өрөвдмөөр ч амьтан бол доо.
Haana hiih ni hamaagui, gol ni humuust heregtei shuu dee. Mongol zaluuchuud sport r hicheellevel yadaj l arhi uuh, demii selguutseh, baarand tsagaa urehgui, olon ailiin amidrald buyan bolno oo. Ene companiud ni sportiin temtseen uraldaaniig sain zohion baiguulj, iveen tetgej, huuhduudiig unegui duguilan hamragdah bolomj bii bolgoosoi. Mongol hun eruul saruul baig.
Hordogdson gazar hed naslana gej dasgal hiih yum bilee dee,hetsuu baina aa Bat-erdene guai.
ih sain baina, saihan medee baina. Urt udaan naslaarai
эрүүл мэндийн яам, СӨХ,сум орон нутаг, хороо баг энэ үйлдлийг дэмжин орон даяар хэрэгжүүлээсэй. Уг нь эрүүл байцгаавал өөрсдөдөө ч, ирээдүй хойчдоо ч хэрэгтэйсэн