Энэтхэгийн ой тогтоолтын аварга шалгаруулах нээлттэй тэмцээнд Монгол, Энэтхэг, Швед, Америк, Индонези зэрэг таван улсын нийт 80 тамирчин бүтэн өдрийн турш харааны болон сонсголын ой тогтоолт шалгасан 10 төрлөөр оюунаа уралдуулж аваргаа тодруулжээ.
Тэмцээнд манай улсаас Монголын оюун ухааны академийн гурван тамирчин дасгалжуулагч, олон улсын шүүгч Х.Хатанбаатарын хамт оролцож, 30 медалийн 9-ийг нь хүртэн, дунд насны ангилалд дэлхийн хоёр дээд амжилтыг шинэчлэн тогтоон багийн оноогоор тэргүүлсэн байна.
Олон улсын аварга 16 настай Э.Энхмөнхийн хувьд хоёр алт, хоёр мөнгө, нэг хүрэл медаль хүртэн нийлбэр оноогоор 80 тамирчнаас хоёрдугаар байрт шалгарч мөн дунд насны ангилалд түрүүлжээ. Тэрбээр "Хөзөр" цээжлэх хурдны төрөлд нэг багц хөзрийг 33 секундэд тогтоон алдаагүй нэрлэснээр Хятадын тамирчны эзэмшиж байсан дээд амжилтыг шинэчлэн тогтоосон байна.
Өнгөрсөн жил Лондонд болсон дэлхийн аваргын тэмцээний дунд насны ангилалд мөнгөн медаль хүртэж байсан 14 настай З.Цэцэгзул хоёр хүрэл медаль хүртэж, нийлбэр дүнгээр тавдугаар байрт орж дунд насны ангилалд дэд байр эзэлжээ.
Мөн Филиппиний тэмцээний аварга 16 настай Т.Энхжин нэг мөнгө, нэг хүрэл медаль хүртэн "Хоёртын тоолол" төрөлд таван минутад 750 цифр тогтоон алдаагүй нэрлэснээр урьд өмнө З.Цэцэгзулын тогтоосон дэлхийн дээд амжилтыг ахиулсан байна. Дараагийн тэмцээн Хонконгг энэ сарын 13, 14-нд болох бөгөөд манай улсаас 10 тамирчин оролцох юм байна.
Б.Сийлэн
Эх сурвалж:
Сэтгэгдэл0
Баяр хүргэе. Оюун ухааны спорт улам хөгжих болтугай. Манайхан хар хүчний спорт гэхээр сүйд болоод шатар, даам, оюун ухааны спортыг хэзээ илүү анхаардаг болох бол доо. Тэр цаг ойрхон байгаасай. Монгол хүний, Монгол орны хөгжил оюун ухаанаас эхэлнэ. Биеийн бөхөөр нэгийг ялж, сэтгэлийн бөхөөр олныг ялна гэсэн үг ч бий шүү дээ.
Баяр хүргэж цаашдын улам их амжилт хүсэе. Монголын маань үрс маш олон болтугай
ҮНЭХЭЭР БАХАРХАР ХАНАХГҮЙ БАЙНА. ТА НАРТАА УРТ НАСЛАЖ,АЗ ЖАРГАЛТАЙ ЭРҮҮЛ БАЙЖ,УЛАМ ИХ АМЖИЛТ ГАРГАХЫГ ЧИН СЭТГЭЛЭЭСЭЭ ХҮСЭН ЕРӨӨЖ БАЙНА. ХАТАНБААТАРТ МАШ ИХ БАЯРЛАЛАА.ЧИ ЁСТОЙ МУНДАГ ХҮҮ ЮМ.
Mongol uhaan gej eniig l heldeg baih
Төр засаг минэээ. Энэ хүүхдүүд оюуны дэлхийн аваргын тэмцээнд оролцоод медаль аваад түрүүлээд рекорд тогтоогоод байхад яагаад шагнахгүй байна аа. Гэтэл бөх мэтийн махан бяраараа үздэг спортынхонд мөнгө цацаад байдаг. Гэтэл оюуны спортынхонд байдаггүй. Шатрынхныг бас нээх харж үзэхгүй л байх шиг байна. Монголд оюуны үнэлэмж тун муу байна даа
Tiim ee, edgeer amjiltiig tur zasgaas unelj uramshuulakh tsag ni bolson! Uneheer gaikhaltai saikhan amjiltuudiig uzuuljee, bayar hurgeye duu nartaa!!! Ta nar bol ireeduin mongoliig khul deer ni bosgokh khuch shuu, ekh orniikhoo tuluu zutgeye!Bidnii itgel bolson ireedui hoich ue maani iim khuchirheg baigaa ni saikhan bnaa, dakhin amjilt huseye duu nartaa!!!!
Zasgaas gurvan uruu bair, lexus 570 geed uguuchee, ichig, ichig Oyunyg unelyeeee
Одоо оюун ухаанд анхаарч энэ хүүхдүүдийг бэлтгэх бүхий л зардлыг улсаас гарган дэлхийн нэртэй сургуулиудад бэлтгэн явуулах цаг иржээ!!!! Тэгж байж Монгол хөгжинө. Бид ийм цөөхөн улс өөр яаж ч тийчлээд явахгүй, эргүүлсэн хөрсөн дээрээ нүцгэн хоцрох болно!!!