Есдүгээр сарын Аки башё буюу Токиогийн сумо барилдаан сонирхолтой болж өндөрлөлөө. Сумо бөхийн 69 дэх Их аварга Хакүхо- М.Даваажаргал 31 дэх түрүүгээ авч японы Их аварга Чоёнофүжигийн амжилтад хүрсэн юм.
Энэ бол сумогийн түүхэн дээд амжилтын дэд "рекорд". Одоо Хакүхо нэмж нэг удаагийн түрүү авчихвал түүхэн дээд амжилтыг давтана. Ахиулаад нэг түрүү авбаас сумогийн Дээд рекорд тогтоох боломжтой болно.
Мөн энэ сарын онцгой шуугианы эзэн бол үзүүр бөхөөр анх удаа тодорсон залуу сумоч Алтанхуягийн Ичинноров буюу Ичиножёо байв. 13 даваа хоёр унаатай хоёрт орсон энэ амжилт нь бас л 100 жилийн өмнөх түүхэн амжилтыг давтжээ. Дөнгөж 21 настай, анх удаа дээд зиндаанд барилдуутаа ийнхүү үзүүрлэсэн бөх ховор. Бүтэн 100 жилийн дараах амжилтыг давтлаа гэж сумогийн их аваргууд, сумо бөхийн холбооны удирдлагууд Монголын залуу сумочид ихэд баярлаж буйгаа илэрхийлэв. Япончууд аль хэдийн түүнд "Малчин сумоч" алдар хайрлажээ. ЭН-ЭйЧ-КЭЙ телевизийнхэн ч сурвалжлага хийх гээд А.Ичинноровын төрсөн нутаг Архангай аймгийн Батцэнгэл сумын Цац багийн нутаг дахь хөдөө гэрт нь оччихоод байна.
Малын бэлчээр дээрээс дэлхийн сумод анх хөл тавихдаа түрүүлээд улмаар мэргэжлийн сумогийн дэвжээнд цахиур хагалж буй нь ийнхүү олны анхаарлыг ч, мэргэжлийн сумогийн ертөнцийн анхаарлыг ч зүй ёсоор татаж эхэллээ. Ичиножёод дайчин барилдааны шагналаас гадна дараа сард шинэ цол олгох тухай ч ярьж буй нь залуу сумочид их итгэл найдвар хүлээлгэж байгаагийнх. Мөн ахмад сумочийн тоонд орсон Н.Цэвэгням 70 жилийн дараа дээд зиндаанд 40 настай 50 хувийн амжилт үзүүлсэн түүхэн амжилтыг бас давтлаа. Одоо тэрбээр дахиад нэг башёд 50 хувийн амжилт үзүүлчихвэл 40 насандаа дээд амжилт гаргасан бөх болох юм. Монголын сумочид энэ удаа ийнхүү хэд хэдэн түүхэн амжилтыг давтсан гарамгай амжилтын эзэд боллоо.
Ж.Батсайхан
Эх сурвалж: "Монцамэ" агентлаг
Сэтгэгдэл0
72 doxi avraga ni um baina.
Сайн байна манай монголын үрс минь маш олон болтугай
saihan baina, amjilt
sanhuugiin tuslamj awah ohiduud zalgana uu 99099226
Сайхаан сайхан улам чармайж дээд амжилтыг давуулаараа.Амжилт.
sain bn, bayar hurgei
Сайхан залуусаараа бахархаж байна. Баярлалаа. Улам хичээж, улам төвшин сайхан барилдаж монгол түмнээ баясгаж байхыг эрхэм дүү нартаа захъя. Та нарынхаа барилдааныг шимтэн үздэг шүү. Гэмтэл бэртэл авалгүй улам хичээж барилдаарай. Баярлалаа.
Saihan basho bolj ungurluu. Ichinnorov buyu ichinojo uneheer saihan barildlaa. Ireeduin ih avarga boloh boltugai gej erooe.
Сайн байна. Баяр хүргэж амжилт хүсье.