sonin.mn
Сэтгэгдэл (0)
Үндэсний супер лигийн плэйоффын тоглолтууд амжилттай үргэлжилж гал гарсан ширүүн, өрсөлдөөнтэй тоглолтоор үзэгч биднийг баясгаж байна.
 
Сагсан бөмбөгийн талбай дээрх ялалт, амжилтын төлөө тоглогчид байгаа бүх боломж, хүчээ дайчлан СПОРТЫН ӨРСӨЛДӨӨН үзүүлж байна.
 
Харамсалтай нь сагсан бөмбөгийн дэмжигчид, ухамсаргүй зарим залуус ус, ундааны сав талбай руу шидэх зэрэг "Спортын дэмжигчийн бус" ёс зүйгүй үйлдлүүдийг удаа дарааллан гаргаж, бүр хэтрэн тоглогчийг гэмтээсэн тохиолдол гарлаа.
 
Улмаар Үндэсний супер лигийн Финалын тоглолтуудад энэхүү ёс зүйгүй үйлдэл гаргасан үзэгчийг Олон нийтийн эмх замбараагүй байдал үүсгэхээс урьдчилан сэргийлж Цагдаагийн байгууллагын тусламжтай Спортын төв ордноос гаргах, дахин нэвтрүүлэхгүй байх, үзэх эрхийг нь хасах, шүүгч, тоглогч, зохион байгуулагчийн биед халдсан тохиолдолд Цагдаагийн байгууллагад хандан холбогдох хуулийн дагуу арга хэмжээ авахыг МЭДЭГДЭЖ БАЙНА.
 
САГСАН БӨМБӨГИЙН СПОРТ, ТАМИРЧИДАА ХҮНДЭТГЭН СОЁЛТОЙ ДЭМЖИХИЙГ МӨН НИЙТ ДЭМЖИГЧДЭЭСЭЭ УРИАЛЖ БАЙНА.