РИО-ДЕ-ЖАНЕЙРО. /ВВС/. “Рио-2016” Паралимпын наадмын хаалтын ажиллагаа өчигдөр "Маракана" цэнгэлдэх хүрээлэнд болж өнгөрлөө.
Хаалтын ёслолын үеэр дуучид, бүжигчид тоглолтоо үзүүлж, ёслолын буудлага болсон нь алдартай цэнгэлдэх хүрээлэнг бүхэлд нь гэрэлтүүлж байв. Үүний дараагаар бямба гарагт нас барсан Ираны дугуйчин Бахман Голбарнежадад хүндэтгэл үзүүлжээ.
Олон улсын паралимпын хорооны ерөнхийлөгч Филипп Крейвен үг хэлэхдээ “хаалтын ёслол уй гашуутай болж байна” гэлээ. Тэрбээр Паралимпын наадмын амжилтын тухайд “энэ наадам жинхэнэ бразил маягаар хосгүй бөгөөд үнэхээр гайхалтай боллоо” гэж онцолсон байна.
Ноён Ф.Крейвен үг хэлэхээсээ өмнө Паралимпын тугийг Рио-Де-Жанейро хотын даргаас хүлээн авч, 2020 оны Олимпын наадмыг зохион байгуулах Токио хотын даргад шилжүүлэн өглөө.
Мөн тэрбээр наадмыг зохион байгуулагчид, тамирчид, үзэгчдэд талархал илэрхийлээд, Олон улсын паралимпын хорооны одонг Рио-Де-Жанейро хотынхонд гардуулжээ.
“Рио-2016” наадмыг зохион байгуулах хорооны дарга Карлос Нузмен үг хэлэхдээ “үүрэг даалгаврыг амжилттай гүйцэтгэлээ. Бразил улс юу хийж чаддагаа дэлхий нийтэд харууллаа. Энэ тэмдэглэлт үйл явдал бидний хувьд өмнө нь мөрөөдөл байсан. Энэ мөрөөдлийг биелүүлэх гэж 20 жилийн турш хүлээлээ. Олон хүний хувьд энэ нь боломжгүй мэт санагдаж байсан боловч Бразил улс, Рио-Де-Жанейро хотынхны хувьд тийм биш байлаа. Боломжгүй зүйл үгүй. Бразилчууд хэзээ ч бууж өгөхгүй” гэж онцлон дурдлаа.
Д.Нямтулга
Эх сурвалж: "Монцамэ" агентлаг
Сэтгэгдэл0
Олимпийн Их Наадам зөвхөн их гүрнүүдийн хийдэг наадам биш гэдгийг нотолж чадсан Бразилийн аугаа ард түмэн баярлалаа.Та нар чадсан.Бусдад чадна гэсэн итгэлийг өгсөн.Дахин баярлалаа.
Олимп бол үеэ өнгөрөөсөн дампуу утга учраа алдсан шоу гэдгийг харуулж өгсөн Бразилийн хулгайч дээрэмчин луйварчин нарт баярлалаа!!!!
Ene setguulch uls orny neriig hutgaj holiod hereg alga, tsamtsan deer ni iran geseer baital garchig deer itali geed
Ираны дугуйчин ш тээ...
Тахир дутуу хүмүүсийн олимп гэж балай юмыг больмоор юм. Харахад нүд хальтрамаар юм билээ. Хүний зовлонг үзэх хэцүү юм. Хоёр хөлгүй мөртөө блэйд гээч юм зүүчихээд жирийн хүнээс дутуугүй гүйж байгаа хүнийг харахад л зүүдэнд ормоор.
sanal neg bi uzdeggui, setgel hyamraad baih um bilee,