ТОКИО. /Би-Би-Си/. Японы уулчин Эверестийн оргилд гарах найм дахь оролдлогынхоо үеэр амиа алджээ.
"Би-Би-Си" телевизийн мэдээлснээр, Нобүказү Күрики өмнө нь тус оргилд гарахаар оролдох үеэрээ есөн хуруугаа хөлдөөж, тайруулж байсан байна. 35 настай уулчин майхандаа амьсгал хураасан байхыг энэ долоо хоногийн даваа гарагийн өглөө Балбын уулчдад газарчлагчид олсон ажээ.
Зургаан тивийн ноён оргилд авираад байсан тэрбээр сүүлийн хэдэн хоногийн дотор Эверестэд амиа алдсан хоёр дахь уулчин болж байна. Өнгөрсөн долоо хоногийн ням гарагт Эверестед Македоны нэг уулчин амиа алдсан юм.
Н.Күрики сүүлийн авиралтынхаа явцад "Фэйсбүүк" хуудастаа "Бие маш их өвдөж байна. Энэ уулын оргилд авирна гэдэг үнэхээр амаргүй ажил байна" гэж бичсэн байжээ. Тэрбээр 8848 метр өндөр Эверестийн оргилд гарахад ердөө 1400 метр үлдээд байсан гэнэ.
Энэ онд Эверестэд авирах зөвшөөрлийг 350 орчим уулчин авсан аж. Тэдний нэг нь 1975 онд тус оргилд авирах үеэрээ хоёр хөлөө хөлдөөсний улмаас тайруулсан Хятадын уулчин юм. Хятадын уулчин нь энэ сарын эхээр тус оргилд амжилттай авирч чадсан билээ. Ингэснээр тэрбээр тус оргилд авирч чадсан дэлхийн хиймэл хөлтэй хоёр дахь хүн болсон юм.
Э.Хулан
Эх сурвалж: Монцамэ агентлаг
Сэтгэгдэл0
Миний энэ насны мөрөөдөл. Би ч энэ агуу сүрлэг оргилооос бусдад нь бүгдэд нь авчирчихсан хүн. К2 үхлийн гэх ууланд солонгосын багтай хамтарч авирсан. Удахгүй ТҮ ээр бүх зураг бичлэгээ цацах болно. Байгалийн гэнэтийн дулаарал асар их сүйрэл авчирна. Мянга мянган жилийн цэвдэг мөстлөгийн үеийн далд байх газрын хөрсийг барьж байдаг хөлдүүс гэсэж барьцалдах чадвараа алдснаар хөрсний гулгалт Европт жинхэнэ гамшиг авчирч байна. Тосгон бүхэлдээ хөрсөнд дарагдаж алга болов. Овоон дээрээ манайхан дэндүү их хог, шил, цаас, элдэв хөсрий даавуу авчирч хаяхаа болих хэрэгтэй. Тэр байтугай гол руу архины хагалсан шилээ шидчихэж байгаатай таарч явлаа. Байгаль эх хүнийг сонсдог. Байгальтай харьцдаг түүнийг дотоод сэтгэлээс аргадаж, энхрийлж хайрладаг хүнийг тэрээр мөнхөд хамгаалах болно. Үлдсэн муу сүг сүүдэр шиг муухай юм хийж явдагууд нь ихэвчлэн үхлийн муухайгаар үхэж дуусдаг. Хэмжээ хязгаар ч гэж байхгүй. Лам тэрнээс аварна гэж байхгүй.
Эвэрэст биш Жомолунма гэдэг юм шдээ. Сүүлийн үед бүгд гадны нэрээр нэрлээд байх юмаа.
Эверест, Жомолунгма, Сагарматха бүгд гадаад нэр
Эверест гэж уулын нэр. Жомолунгма гэж оргилынх нь нэр.
Тун үнэн зүйлийг бичсэн байна. Бидний ихэнх нь барлаг гаралтай, удам судар муутай, муу үйлийг хэдэн үеэрээ дамжуулан хийж байгаа, бас муугаа мэдэхгүй тэнгэр гаралтай, удам угсаатай гэж ярих дуртай, олон үеэрээ бузартсан хүмүүс билээ. Тийм учраас ч байгалиа бузарлахаас өөр юм хийхээ больсон улс. Байгаль орчноо бузарлаж байгаа хүмүүсийн зургийг авч You Tube-д тавьж байхыг уриалж байна. Байгаль орчны яам Дрон ашиглан хяналт тавьж, зад торгож байх хэрэгтэй. Төргүй, эх захгүй, хууль баримталдаггүй улс гэж хэцүү юм.
"ердөө 1400 метр үлдээд байсан гэнэ" гэж битгий басаж багасгаж бич сэтгүүлчээ, 1 км 400 метр гэдэг чинь асар их зам. Хэдхэн арван метрээс буцаж байсан тохиолдлууд бий, тэрийг л "ердөө" гэж бичих байх