sonin.mn
Сэтгэгдэл (0)
Улаанбаатар /МОНЦАМЭ/. Энэ онд тохиож буй “Багануур ХК”-ийн 40 жилийн ойн хүрээнд тус компанийн зүгээс ажилчдынхаа эрүүл мэндийг хамгаалах, хөдөлгөөний дутагдлаас урьдчилан сэргийлэх үүднээс 4.5 км урттай дугуйн замыг барьж байгуулан өнөөдөр нээлтийн үйл ажиллагааг зохион байгууллаа.
Нээлтийн үеэр дугуйн замын ажлыг “Багануур” ХК дотоодын нөөц бололцоогоор бүтээн байгуулсан гэдгийг ИТХ-ын Тэргүүлэгч “Багануур” ХК-ийн гүйцэтгэх захирал Э.Номинчулуун онцолж байв.
Дугуйн зам нь хоёр гүүрэн болон дугуйн суурь зам, амрах орчин, тоглоомын талбайтай бөгөөд замын хоёр хажуу талаар 350 гаруй улиас, 2500 гаруй хайлаас тарьж тохижуулжээ. 
 
 
Дээрх ажилд ИТХ, ЗДТГ, “Мон Цахим” ХХК, Багануурын Дулааны Станц, Цахилгаан Механикийн Үйлдвэр, Автожим ОНӨААТҮГ Багануур "АЗЗА" ТӨХК, дүүргийн Онцгой байдлын хэлтэс зэрэг байгууллага дэмжин ажилласан байна.
Нээлтэд ИТХ-ын дарга С.Даваасүрэн, ИТХ-ын тэргүүлэгч Б.Батболд, ИТХ-ын төлөөлөгч Ж.Энхбат, Б.Тайванболд, О.Мөнхсайхан болон тус компанийн ажилтан албан хаагчид, дугуй сонирхогч залуусын төлөөлөл оролцов.
 
Ж.Болор
Эх сурвалж: Монцамэ агентлаг