МОСКВА. /АиФ/. ОХУ-д амжилттай зохион байгуулагдсан “ДАШТ-2018”-ын тэмцээнүүдийг нийт 3 сая гаруй хүн үзсэн байна.
Тэмцээний хүрээнд нийт 64 тоглолт болсон бөгөөд эдгээр тоглолтод нийт 3 031 768 хүн хүрэлцэн ирсэн байна. Тийнхүү ОХУ-д зохион байгуулагдсан Хөл бөмбөгийн “ДАШТ-2018” нь түүхэндээ хамгийн их үзэгчтэй 5 ДАШТ-ний нэгд багтжээ. 1994 онд АНУ-д, 2006 онд Германд, 2010 онд Өмнөд Африкийн Бүгд Найрамдах улсад, 2014 онд Бразил улсад болсон ДАШТ-ний тоглолтуудад хамгийн олон үзэгч цугларч байжээ. Үүнээс АНУ-д болсон ДАШТ-д хамгийн их буюу 3 587 538 хүн хүрэлцэн ирж байсан аж. 
 
Э.Аянзаяа 
Эх сурвалж: "Монцамэ" агентлаг