sonin.mn
Улаанбаатар /МОНЦАМЭ/. “Үзэсгэлэнт Юннань 2018” олон улсын “Гранфондо” унадаг дугуйн наадмын гуравдугаар шатны уралдаан даваа гарагт /2018.11.05/ Хятадын Юннань хотноо болж монгол дугуйчин тэргүүлжээ. Тодруулбал, тус наадмын эрэгтэйчүүдийн ангилалд Монгол Улсын тамирчин Б.Мягмарсүрэн 148 км замыг гурван цаг 56 мин 54 секундэд туулж тэргүүн байр эзэлсэн байна. Гуравдугаар шатны тэмцээн далайн түвшнээс 1400 метрийн өндөрт ууланд болсон гэдгээрээ онцлогтой юм.
Монголын дугуйчин Б.Мягмарсүрэн барианд орж ирээд “Би үнэхээр азтай байлаа. Учир нь манай багийн гишүүд маш сайн ажиллаж тэмцээний дунд үеэс эхлэн намайг тэргүүн эгнээнд оруулахаар их дэмжсэн” гэжээ.
 
Д.Өлзийсайхан
Эх сурвалж: Монцамэ агентлаг