Баасан - 04 сарын 26,
2024
Улаанбаатар /МОНЦАМЭ/. Өмнөд Америкийн Перу улсад үргэлжилж байгаа “Дакар ралли-2019” уралдааны хоёр дахь өдрийн гараанд ОУХМ Н.Лхамаа 342 км үргэлжилсэн элсэн цөлийг 5 цаг 8 минутад туулж 75 дугаар байрт орлоо.
Ийнхүү тэрээр нийт дүнгээр 93 дугаар байранд эрэмблэгдэж байна. Өчигдөр буюу эхний гараанд ОУХМ Н.Лхамаа замаасаа төөрч хяналтын цэгт торгуулж 128 дугаар байрт жагссан ч ийнхүү амжилтаа урагшлуулж чадлаа.
Тэмцээний хоёр дахь өдрийн гарааны мотоциклийн ангиллыг Австри улсын тамирчин "Рэд Булл КТМ" багийн гишүүн Маттиас Валкнер тэргүүллээ. Харин түүний араас "Монстер Энержи Хонда" багийн хоёр ч тамирчин зуузай холбон оржээ.
Дакар Раллигийн мотоциклийн төрөлд уралдаж байгаа ОУХМ Н.Лхамаа хоёрдугаар гараанд гарахын өмнө: “Өчигдөр 84 км замыг туулж байсан бол өнөөдөр 342 км элсэн цөлийг туулах учраас хэцүү уралдаан болно. Пискогоос Сан Хуан дэ Маркона хүртэл өнөөдрийн уралдаан болно” гэжээ.
Н.Лхамаа “Дакар ралли”-д мотоциклийн төрлөөр 2013, 2014 онд уралдсан бөгөөд гурав дахь удаагаа 2015 онд автомашины төрлөөр “Дакар ралли”-д уралдан замаа амжилттай дуусган финиш медальтан болж байсан билээ. Харин энэ удаа дөрөв дэх удаагаа мотоциклийн төрлөөр хурд, ур чадвараа сорьж финиш хийх зорилготой уралдаж байна.
Д.Өлзийсайхан
Эх сурвалж: Монцамэ агентлаг
Сэтгэгдэл0
манай наадмаар жишвэл "модгүй" давхилаа гэж орчуулах уу...
Яван чангарна аа. Амжилт хүсэе!
Өөрийнхөө зардлаар эрхэлж яваа бол хэнд хамаатай. Тэрнээс алт, мөнгө, хүрлийн талаар л бусад оронд ярьдаг байх. Манөйх шиг 75-д орсныгоо хөөрөгдөж ярьдаг өөр улс байдгийг мэдэхгүй юм. 75-аар бууж өглөө гэдэг
Одоо болио. Онигоо. Манайхан гэж юм болгонд саваагүйтэж оролцоод гүйж хүмүүсийн инээд хүргээд байх юм дааа..
Чи бол өөрийнхөө зардлаар эрхлээд ч байсан олон улсад улсынхаа нэрийг гаргах нь байтугай ресторанд ороод олигтой хоол аваад идэх мөнгөгүй гуйлгачин байна. Финиш медаль авсныг маш өндөр амжилт гэж үздэг юм.
Манай нутагт бол чам шиг юмыг саваагүй нохой саранд хуцлаа гэдэг юм аа. Өөрийнхөө мөнгөөр саваагүйдэж яваа бол яахав. Ичихгүй бадар гуйж хандив цуглуулж яваа даа.
Амжилт хүсье. Өөртөө итгэлтэй, зоригтой байгаарай. Ард чинь эх орон чинь, Монгол түмэн байгаа.