sonin.mn
Сэтгэгдэл (0)
Улаанбаатар /МОНЦАМЭ/. Энэтхэгийн Шинэ Дели хотноо “Токио 2020” олимпийн эрх олгох буудлагын “Дэлхийн цом”-ын аварга шалгаруулах тэмцээн үргэлжилж байна.
Өчигдөр болсон эмэгтэйчүүдийн урт бууны 50 метрийн гурван байрлалаас буудах дасгалд Г.Нандинзаяа 414.1 оноогоор зургадугаар байр эзэллээ. Энэ дасгалд Швейцарь, БНХАУ-ын тамирчид алт, мөнгөн медаль хүртэж, олимпийн эрхээ авчээ.
Азийн наадмын аварга Г.Нандинзаяа урьдчилсан буудлагад 1172 оноогоор долдугаар байрт орж, шигшээ харваанд өрсөлдөх эрхийг авсан юм. Мөн "Инчеон 2014" Азийн наадмын аварга Ч.Нарантуяа 1169 оноогоор 15 дугаар байрт орсон бол залуу тамирчин О.Есүгэн 1153 оноогоор 56 дугаар байрт жагслаа.
Энэ дасгалд нийт 61 тамирчин оролцжээ. “Токио 2020” олимпийн наадмын эрх олгож байгаа “Дэлхийн цом”-ын аварга шалгаруулах тэмцээн энэ сарын 28-ны өдөр дуусах юм.
 
Д.Өлзийсайхан
Эх сурвалж: Монцамэ агентлаг