сонин mn
Сэтгэгдэл (3)
Дэлхийн тусгай хамгаалалттай газар нутгуудад үйл ажиллагаа явуулдаг байгаль хамгаалчдыг  нэгтгэсэн International Rangers Federation (IRF) хэмээх олон улсын байгууллага  нь 1992 онд Их Британи улсад анх байгуулагдсан ба одоогоор 100 шахам орон энэ байгууллагад нэгдэн үйл ажиллагаагаа явуулдаг.
 
Олон улсын байгаль хамгаалагчдын холбоо нь  тусгай хамгаалалттай бүс нутгуудад ажилладаг байгаль хамгаалагчдын эрх ашгийг хамгаалах, үйл ажиллагааг нийтэд таниулах, уялдаа холбоог сайжруулах, байгалийн нөөцийн эсрэг үйлдлээс урьдчилан сэргийлэх таслан зогсоох үйл ажиллагааг дэмждэг юм.  Өнөөдөр Монгол улсад 1000 гаруй байгаль хамгаалагчид ан амьтан, ой мод, гол мөрнөө хамгаалах ажилд чухам өвөл зунгүй,  өдөр шөнөгүй зүтгэж байна.
 
Байгаль хамгаалах ажил бол зөвхөн тэдний ажил биш юм. Байгаль хамгаалагчдын хүчин чармайлт  асар уудам Монгол  нутагт үнэхээр хүч тарамдаж байгааг бид харж байна.  Тиймээс хүн бүр байгаль хамгаалагч байж, хүн бүр ирээдүйнхээ төлөө өөрөөс шалтгаалах бүхнийг хийцгээе, ядаж явсан газраа хог тарихгүй байя, Аялалаар явахдаа орчноо цэвэрлэж хог түүдэг зан заншилтай болъё. Үр хүүхдүүд хойч үеийнхэндээ эх нутгаа хайрлах хамгаалахын ач холбогдлыг өөрсдөөрөө үлгэрлэн сургацгаая
 
 
 
 
Ш.Пүрэвсүрэн