“Эрдэнэс Тавантолгой” ХК –аас зарласан Нүүрс баяжуулах үйлдвэрийн барилгын зураг төсөв боловсруулах, барилга угсралтын ажил гүйцэтгэх тендерт ялсан Синостийл Экьюпмент энд Инженеринг Групп нь тус тендерийн бичиг баримт дахь зураг төсөл, техникийн тодорхойлолт болон бусад баримт бичгийг бэлтгэсэн Чайна Металлуржикал Инженеринг ХХК-г үүсгэн байгуулж, хөрөнгө оруулалт хийж, хяналтын хувьцааг нь эзэмшдэг тухай мэдээллийг тус группын албан ёсны цахим хаяг, БНХАУ-ын бүртгэлийн нэгдсэн системийн дата бүхий Tianyacha дахь баримтыг саяхан Монголын хэвлэлүүд дэлгэсэн билээ.
Ийм дуулиан дэгдэнгүүт “Эрдэнэс Тавантолгой” ХК –ийн захирал Б.Ганхуяг тендерт ялагч талаас тодруулга авахаа өөрийн албан цахим хуудсаар мэдэгдэж, орой нь компанийнхаа цахим хуудсаар дамжуулан Синостийл Экьюпмент энд Инженеринг Групп нь 100 хувь төрийн өмчит компани бөгөөд Чайна Металлуржикал Инженеринг ХХК-тай нэгдмэл сонирхолгүй” хэмээлээ гэх мэдэгдлийг нийтэлсэн.
Монголд мэдээлэл цацагдангуут Синостийл Экьюпмент энд Инженеринг Групп нь өөрийн албан ёсны цахим хуудастаа засвар хийж Чайна Металлуржикал Инженеринг ХХК-ийн хяналтын хувьцааг эзэмшдэг гэх мэдээллээ устгаж орхисон байна.
Монголын хэвлэлээр мэдээлэхээс өмнө Синостийл Экьюпмент энд Инженеринг Группын албан ёсны сайт болох http://mecc.sinosteel.com/EN/aBorg.aspx дээр байсан устгагдсан мэдээлэл
Монголын хэвлэлээр мэдээлсний дараа Синостийл Экьюпмент энд Инженеринг Группын албан ёсны сайт болох http://mecc.sinosteel.com/EN/aBorg.aspx дээрх шинэчлэл / Чайна Металлуржикал Инженеринг ХХК-ыг өөрийн эзэмшлээс хассан байдал/
Дараах хуудсуудад SinoSteel нь тендерт ялсан компанийг эзэмшиж, уг төслийн зураг төслийг гүйцэтгэсэн тул Монгол Улсын хуулийн дагуу тендерт оролцох эрхээ хасуулах ёстой байсан тухай нотлох баримтуудыг толилуулж байна.
Түүнчлэн тэд өөрсдийн хэргийг зориудаар далдлахыг оролдож, Монголын төр, Монголын ард түмнийг хуурах гэж оролдсон, ямар ч хамааралгүй, англиар зураг төслийн тендерт шалгарсан компанитай ижил нэртэй компаний нэрийг олон нийтэд ил болгожээ.
Тендерт ялагч компани ингээд л монголчуудыг, Монголын төрийг хуурчихна гэж бодсон бололтой. Тэд яаж ч мэлзсэн, яаж ч баримт бичгийг засварласан ч “Эрдэнэс Тавантолгой” ХК хууль зөрчсөн учир нүүрс баяжуулах үйлдвэрийн зураг төсөл боловсруулах, барилга барих ажлын 1 их наяд орчим төгрөгийн тендер цуцлах биз ээ.
Х.Тэлмүүн
Сэтгэгдэл0
Ene arai aimar luivar bna, tur bnu?
Жы шень фэн дэ яао .
Хүрэлсүх ,Оюун-Эрдэнэ нар авлига авсан бололтой.
бас нэг таван толгой нэртэй оюу толгой үүсч эхлэхнээ англи үсэгэнд шилжиеэ гэж зүтгээд байгаагийн ард нэр томъёо англи үсэг хэрэглэн баяр цогт шиг хятадын иргэн гэсэн хахуулын эзэд гарч ирэхнээ луйвар нарийслаа шүү
Манжго улсын амбан Хү Шү Жан биш байгаа даа.
Оросын гар хөл Буриадууд дахиад шаагилдаад эхэллээ.
Монголчууд сонор сэрэмжээ дээшлүүлэхгүй бол хууртсаар багаад дуусах вий дээ.
гадныханд тусалж хөлс авч хөтөлдөг улсууд байна ш дээ хамгийн анхных Дорнодын нефтийг үр хүүхэд нь идэж суугаа Очирбат ЕӨК,Бороо гоулд,Риогийн тавиулууд Эби групп гээд л Монгол хүн биднээс их шалтгаална энэ 30 жил уул уурхай л хөгжив бүх газрыг ухаж тамлав даанч ард олонд наалдсан нь үгүй,Аз болж ганц Эрдэнэтээ л авч үлдэх шив Бал даргын байгуулсан үйлдвэр Ерөөс монголд Ардчилал шиг хэрэггүй юм алга Дураараа эх орноо тонох л арга нь Ардчилал нэртэй нам дагасан Намын ард нуугдсан хэт баяжигсад л юм байна
Монголууд бид аливаа ТЭЗҮ, зураг төслөө өөрсдөө хийж чадна шүү дээ. Мөнгө төгрөг авилга авах гэсэн хэсэг нөхдүүд (ялангуяа дундаас дээших шатны эрх мэдэлтэнүүд) тендер будлуулах хориг саад тавих ажлыг хийж байдаг.
Нэг нь зураг төсвийг нь зохиогоод л нөгөө нь бариад л амар юм болж байна.Энэ тендерт ЭТТ удирдлагууд яамар холбоотойг шалгах үлдэж дээ