Киноны тухай товчхон: Өнөөгийн Америкийг ардчиллын гол цайз гэж бүх хэлбэрээр ухуулж сурталчилдаг боловч энэхүү "ардчилсан" гэдэг төр засгийнх нь бүх эрх мэдэл Том Капиталынхаа бүрэн эрх мэдэл, эрхшээлд байгаа гэдэгт "нүдтэй, чихтэй, толгойтой" хэн ч эргэлзэхгүй байх аа. Үнэн хэрэг дээрээ тэнд төр засгийн бүх эрх мэдэл нь америкийн ард түмнээс бус харин Том Капиталаас эх сурвалжаа авдаг, түүний бүрэн эрхшээл доор, түүний шууд тусгал нь байдаг гэдгийг Аарон Руссо америкийн олон нэрт сэхээтнүүд - эх орончдын адил энэхүү баримтат киногоороо илчилж байна.

АНУ-ын дөрвөн ерөнхийлөгчийг - Абрахам Линкольныг 1865 онд, Джеймс Гарфильдыг 1881 онд, Уильям Маккинлийг 1901 онд, Джон Кеннедийг 1963 онд алсан тэр нууцлаг түүхүүд нь америкийн улстөрчдийг Том Мөнгөний дуулгавартай албатууд нь болгосон түүхтэй ажээ. Эдгээр бүх алллагууд нь америк долларыг хэн "хэвлэхийг" - чухамдаа АНУлсын Үндсэн Хуульд заасны дагуу Конгресс ба Ерөнхийлөгчийн эрх мэдэлд - өөрөөр хэлбэл Америкийн хууль ёсны бүрэн эрхт төр засгийн хяналт зохицуулалтанд оруулах гэсэн тэдний оролдлогуудтай шууд холбоотой юм. Учир нь тэнд Том Улстөр-өөс нь Том Бизнесийг салгах гэсэн аливаа оролдлогууд ерөнхийлөгчийнх нь хүртэл амь насанд хүрдэг "уламжлалтай" ажээ!

Анх үүсэн байгуулагдахдаа улс гүрэн ард түмнийхээ эрх чөлөөний зарчмуудыг тунхаглаж байсан Америк орон одоо нэг улс цул улс үндэстэн биш болон хувирсан бөгөөд харин тэнд хүний эрх гэдэг ойлголт улам хоосон уриа тунхаглал болж тэнд үнэн хэрэг дээрээ ямар ч бодит эрх чөлөөгүй хүмүүсийг ердөө л дуулгавартай зээлээр хэрэглэгчид - өртнүүдийн хүн сүрэг - "бантан нийгэм" болгон чанаж байгаа нэгэн тийм асар том туршилтын талбар болон хувирчхаад байгаа юм.

Өнөөгийн АНУлс бүх хүн төрөлхтнийг далдаас "хөшигний араас" тагнаж чагнаж байдаг мөн "ардчилал эрх чөлөө, чөлөөт зах зээл, хүний эрх" мэтийн хоосон уриа лозунгаас цааш хэтэрдэггүй неолиберал ардчиллын үзэл суртлаараа болон мөн америк доллараараа дамжуулан дэлхийн улс үндэстнүүдийг хатуу хянан бүрэн эрхшээлдээ барьж байгаа билээ. Тэгвэл өнөөгийн америкийн нийгэм тэрхүү арга технологиудыг нь туршиж сургуулилж улам төгөлдөршүүлж байдаг асар том туршилтын талбар мэт болж хувирсаан гэж энэ баримтат киног бүтээгчид баталж байна.

Энэ кинондоо Руссо түүний эх орон нь өнөөдрийн энэ байдалд хүртлээ чухам ямар замыг туулж ирснийг, америкийн жирийн ард иргэд үнэн хэрэг дээрээ өөрсдийн хүний эрх ба эрх чөлөөгөө бүрэн алдсан байгаа бодит чин үнэнийг мөн тэд нар хэрхэн Дэлхийн Шинэ Дэглэм гээчийг сурталчлах, бусад ард түмнүүдийг зах зээлийн нийгэм гэгчид "хошгируулах шилэн хорго" урхи занга, ийм дүрд тоглож байгаа барьцааны "ивээн тэтгэгчид" нь болон хувирсан байгааг харуулж байна.

Ааронд долларын эзэд - банкны элитүүд нь тухайн үедээ тэдний гар доорх нэг "шатрын хүү" нь болохыг санал болгосон байсан ба ингэж тэрээр энэхүү үйл явдлынх нь нэг шууд оролцогч гэрч болон энэ бүхнийг дотроос нь ажиглан харж байсны хувьд яг одоогоор дэлхий дахиныг эрхшээлдээ барьж байгаа банкны эздийн төлөвлөн хэрэгжүүлж байгаа асар том чивэлт зорилгуудыг нь дэлгэн илчилж байна.

Руссо хэсэг хугацааны дараа тэдгээр элиттэй тогтоосон байсан харьцаануудаа бүрэн тасалж тэмцэгчийн замд ороод энэхүү баримтат киногоо бүтээсэн ажээ. Уг баримтат кино гарснаас хойш нэг жилийн дараа тэрээр өвчнөөр нас барсан юм!... Гэвч олон хүмүүс одоо болтол энэхүү хоёр үйл явдлыг хооронд нь холбож авч үзсээр байгаа ажээ... гэхдээ огт үндэслэлгүйгээр биш шүү.

Одоо Америкийн төр засгийн үнэмлэхүй жинхэнэ эрх мэдлийг Хувийн банкны эзэд, Цэргийн аж үйлдвэрлэлийн хувь эзэд, Суртал ухуулга -хэвлэл мэдээллийн хувь эзэд нь далдаас барьж байдаг ба тэд өөрсдийгөө манай гаригийн эзэд - дэлхийн бөмбөрцөг дээр дангаараа ноёрхож хүн төрөлхтний амь амьдралыг эрхшээж байх ёстой гэж үздэг байна.

Чухамдаа ийм учраас: хувийн банкирууд нь манай гаригийн бүх улс үндэстнүүдийн эдийн засгийг алж хэзээ ч төлж барахгүй өрөнд унагах хэрэгтэй байдаг бол, цэргийн аж үйлдвэрлэлийн хөлгүй баячуудад нь тэдний ЗГ-таа хуйвалдан "шахаж" байгаа зэвсэг техник, сум тэсрэх бөмбгийг нь хэрэглэж байнгын эрэлтийг үүсгэж байх дайн дажингууд байнга зогсолтгүй шаардлагатай байдаг, үүний тулд тэдэнд байнгын дайсан ус агаар шиг хэрэгтэй байдаг,

- суртал ухуулга - хэвлэл мэдээллийн хувийн эздийнхээ хүсэл тачаалыг хүн ардын тархи ухамсарт тулгадаг мөртлөө "хамгийн эрх чөлөөт" гэдэг хэрэгслүүд нь дэлхийн хүн ардын тархийг угааж кино-комьютерийн тоглоом-ном-сонин сэтгүүл-рекламаараа тэдний ойлголт ухамсар, бодол санааны эсрэг оюуны террор явуулж байна!

Би америкчуудаас хүн амын орлогын албан татвар төлж байхыг шаарддаг хууль манайд үнэхээр байдаг уу ... та бүхэн тэр хуулийг хаа нэгтээ яг нүдээрээ олж харж уншиж байсан уу гэсэн асуулт тавьж эсвэл энэ татвар нь засгийн газраас зохион байгуулсан ээлжит нэг залилан уу гэдэг асуултын хариуг олохоор энэ тухай баримтат кино бүтээх замдаа гарсан юм.

Тэгээд энэхүү киногоо бүтээх явцдаа би үүнээс ч илүү их аюултай бас тэгээд аймшигтай тийм зүйлийг анзаарч түүнд анхаарлаа хандуулж эхэлсэн билээ. Одоо би та бүхэнд энэ тухай ярьж өгөх болно оо.

1913 он хүртэл Америк эрх чөлөөтэй улс орон байжээ. Харин дараа нь төрийн бүх эрх мэдэл, засаглалыг мөнгөөр далдуур худалдан авсан хэсэг банкны эзэд өөрийн жүүд үндэстэн эцэг өвгөдийнхөө эртний номлол, нууц төлөвлөгөөнүүдийг манай улс оронд хэрэгжүүлж эхэлсэн байна. Ингээд л удалгүй Америк орон шал өөр улс орон болон өөрчлөгдсөн билээ... (Аарон Руссо)

Уг баримтат кинонд гарч байгаа, өгүүлж байгаа олон түүхэн бодит баримтууд, хийж байгаа дүгнэлтүүд нь алс холын Америкт болж байгаа үйл явдлууд мэт боловч манай улсад монголчууд бидний одоогийн энэ амьдралд ч маш олон зүйлүүд нь бодит байдал болж ихэнх нь бидний нүдэн дээр бүр ил тод байгаа хэдий ч энэ бүхнийг элдвийн хулхи үгэн халхавчийн доор далдалж байгааг олж харж болно.