Пүрэв - 04 сарын 18,
2024
НЬЮ-ЙОРК. /CNN/. Хятадын эрх баригчид мэдээлэл цуглуулж байж болзошгүй гэсэн болгоомжлолтой холбоотойгоор АНУ-ын муж улсуудын талаас илүүд нь “TikTok” нийгмийг сүлжээг албаны төхөөрөмжүүдэд ашиглахыг хэсэгчлэн болон бүрмөсөн хоригложээ.
“CNN” телевизээр мэдээлж буйгаар, "бүгд найрамдахчууд болон Ардчилсан намынхны аль аль нь удирддаг" АНУ-ын 20 гаруй муж улсын эрх баригчид тус программ нь хэрэглэгчдийнхээ талаар их хэмжээний мэдээлэл цуглуулдаг тул улсынх нь дэд бүтцийг эмзэг байдалд оруулж болзошгүй гэж болгоомжилж, энэ арга хэмжээг авчээ. Зарим муж улсад “WeChat”, “AliPay” зэрэг Хятадтай холбоотой бусад программуудыг хориглосон байна.
Өнгөрсөн 12 дугаар сарын сүүлчээр АНУ-ын Төлөөлөгчдийн танхим мөн хууль тогтоох байгууллагын ажилтнуудыг албаны төхөөрөмж ашиглан “TikTok” хэрэглэхийг хориглосон юм. “TikTok” нь үндэсний аюулгүй байдалд аюул учруулж байна гэж Америкийн тагнуулууд үзэж байгааг тус улсын Тагнуулын төв газрын (ТТГ) дарга Уильям Бернс 12 дугаар сарын 16-нд мэдэгдсэн. Түүний хэлснээр, Хятадын эрх баригчид “TikTok”-ийг хэрэглэдэг америкчуудын хувийн мэдээллийг авах, түүнчлэн ямар мэдээлэл оруулахыг хянах "боломжтой" аж. Эдгээр нь “санаа зовох шалтгаан” болж байна гэж тэрбээр нэмж хэлсэн байна.
Д.Одон
Эх сурвалж: "Монцамэ" агентлаг
Сэтгэгдэл0
Ганц ТикТок ч биш. Хятадууд хятад гар утас хятад компьютер таблетаараа дамжуулан хүмүүсийн хувийн мэдээлэл болон улс орнуудын нууц мэдээллийг хулгайлдаг.
Яагаад л бүгдийг хардаж бүхнийг харлуулж байдаг юм бэ хятдын ЗГт хэн нэг монголын эсхүл африкын харын мэдээллээр яах юм...таблет, компьютер гээд хятдад үйлдвэрлэсэн болгоныг хардаад байвал барихаа больчих оо аппел, самсунг гээд бүх төрлийн гар утсыг хятдад хийдэг ер нь бүгдийг нь худалдаж авахаа больчихооч...айсан хүнд аргал хөдлөнө гэдэг болох юмаа