Германы канцлер асан Ангела Меркель энэ сарын 7-нд Берлин хотын “Шаубюне”театрын тайзнаа гарч, тэтгэвэрт гарснаасаа хойш анх удаагаа томоохон ярилцлага өгсөн юм.Түүний ярилцлагыг нэр хүндтэй хэвлэлүүд юу гэж дүгнэв?
Германы “Sьddeutsche Zeitung” сонин: Хатагтай Меркель та Путины сул талыг эртнээс ингэж сайн мэдэж байсан юм бол эх орноо яагаад ингэж Оросын нефть болон хийнээс хэт хамааралтай болгосон юм бэ? Путинтэй эцсийн мөч хүртэл яриа хэлэлцээ хийх нь зөв байсан юм байж. Харамсалтай нь канцлерын удирдаж байсан “том эвсэл” Кремлийн харилцан ярилцагч нь Крымыг хүчээр булаан авснаар харилцан ярилцагч бус ардчилсан улсуудад дайн зарлагч болсныг огт анзаарсангүй. Меркель Путины муу хүн болохыг тийм эрт мэдсэн юм бол яагаад түүнээс эрчим хүчний ийм хэт хамааралтай болж батлан хамгаалах зардлаа хайр найргүй танан Германы армийг эх орноо болон НАТО-гийн гишүүн улсуудыг хамгаалах чадваргүй болгосон байх вэ? Украины энэ аймшигт дайн Меркелийн удирдагч байхад нь бий болсон өөгүй цагаан нэр хүндийг өдөр өдрөөр харлуулж байгаа нь үнэн.
Германы “Mitteldeutsche Zeitung” сонин: Меркель буруугаа шударгаар хүлээх нь зүйд нийцэх байсан.Тэр Оросын “Хойд урсгал-2” шугамыг эцсээ хүртэл дэмжиж байсан. Энэ бол яах аргагүй том алдаа. Гай нь олон жилээр үргэлжлэх энэ алдаатай шийдвэрээс зайлсхийх боломж түүнд бүрэн байсан.
Германы “Allgemeine Zeitung” сонин: Ангела Меркель Оростой харилцаж байсан харилцаандаа шүүмжлэлтэй хандахаас улайм цайм бултаж байгаа нь “гөжүүд”, “хэт өөрийнхөөрөө зүтгэж буй” увайгүй явдал. Түүний явуулж байсан улс төрийн үр дүн өдөр ирэх бүр хүний амь нас, гай гамшгаар төлөгдөж байхад тэр хариуцлагаа хүлээх ёстой болох нь дамжиггүй.
Мөн Германы “Badische Neueste Nachrichten” сонин: Меркель Путинд “гэнэн хонгор” зан гаргасан.
Nьrnberger Nachrichten сонин: Меркель Путиныг муу хүн болохыг эрт мэдсэн гэдэгт итгэж байна. Харин үүндээ дүгнэлт хийн зөв шийдвэр гаргах ёстой байсан гэдгийг тэр огт ойлгоогүй байна.
Швейцарийн “Neue Zьrcher Zeitung” сонин: “Шаубюне”-д Меркелийн “бишрэн шүтэгч” бус сэтгүүлч түүнээс асуулт, хариулт авсан бол энэ ярилцлага огт өөр ярилцлага болох байсан нь ойлгомжтой.
Польшийн “Rzeczpospolita”: Меркелийг Оросын асуудалд алдаа гаргаснаа шууд хүлээн зөвшөөрнө гэж бодохгүй байсан ч арай ч ийм улайм цайм өөрийгөө зөвтгөсөн ярилцлага өгнө гэж санасангүй. Түүний ярьж буйгаар “Минскийн хэлэлцээр”-ийн ачаар дайнд бэлдэх бүтэн долоон жилийн боломж олдсон тул украинчууд Меркельд баярлахаас өөр аргагүй хэрэг үү?!
Америкийн “Wall Street Journal”: Хэн нэгэн улс төрчийн гадаад бодлогын нэр хүнд канцлер Ангела Меркелийнх шиг ийм богино хугацаанд ингэж орвонгоороо эргэж байсан удаагүй. Түүний гол алдаа нь 16 жил төр тэргүүлэхдээ Владимир Путины их гүрэн байгуулах хүслийг хазаарлаж болно гэж андуурсан явдал. Үр дүнд нь Герман төдийгүй Европыг Путины эрчим хүчний шантаажид оруулж, Киевыг эзлэхэд бүх европчууд үүнийг эсэргүүцэхгүй гэж Путиныг итгэхэд хүргэсэн явдал... Меркель Европын эрх чөлөөнд “баавгай”-н саврын хүчийг мэдрүүлэх нөхцөлийг бий болгосон.
Эцэст нь нэмэхэд, Ангела Меркелийн ярилцлагын дараа Холбооны Герман улсад суугаа Украины Элчин сайд Андрей Мельник Украины дайн эхэлснээс хойш ХБНГУ-ын ОХУ-аас авсан импорт 40 хувь өсч, Путин нэмж зургаан тэрбум еврогийн орлого олон дайндаа ашиглаж, харин Украин-Германы худалдаа 11 хувь буурсан болохыг дэлхий нийтэд албан ёсоор мэдэгдсэн.
Энэ нь Путин бол Меркель тэргүүтэй тухайн үеийн барууны улстөрчдийн гардан бий болгосон “биелсэн чөтгөр” бөгөөд тэд АНУ-аас хамааралгүй улс төр явуулж байгаагаа “гайхуулан”, сонгогчдынхоо өмнө үнэгүй тоглосон “улс төр, эдийн засаг тусдаа байх ёстой” гэсэн эмгэнэлт жүжгийн гай өнөөдөр ч үргэлжилсээр байна гэсэн үг юм. Энэ нь тухайн үедээ сонгогчдод таалагддаг ч хожим нь гай болох харалган шийдвэр гаргагчдыг улс төрд популистууд гээд байгаа билээ.
Г.АМАРСАНАА
Сэтгэгдэл0
Барууны ертөнц өөрсдийн алдааг одоо нэгэнт улс төрийн нөлөөгүй болсон Ангелад тохох гэж зүтгэж байна уу. Захирагч дарангуйлагчдаа өмгөөлж хамгаалаад яах вэ энэ дарангуйлагчид. Барууныханд НАТО-гоо зүүн тийш тэлэх нь дэлхийн энд тэндгүй дайн өдөөж өвчин тахал тараах нь хамаагүй болж байна л даа.
End germanii tootsooloogui dawagdashgui huchin zuil garj irsen. Ene soliotoi zelenski bolon americiig yaj iim soliotio uuldel hiine gej bodoh we de
Меркель германыг хямд нефть,байгалийн хийгээр хангаж,эдийн засгаа хүчирхэг болгох гэснээс бус ануусын бөгсний алчуур болгох гээгүй,харин группенфюрерийн ач шольц өвөөгийхөө өшөөг авна гэж солиороод германыг сүйдлэх замдаа орлоо.
alich uls oronuud mushigaj burutgan gaihamshig boljee
Овоо босгоогүй бол шаазгай юунд суухав. АНУ, ЕХ, НАТОГИЙН ЦААД ЧӨТГӨРИЙН САНАА НЬ ДЭЛХИЙН ҮЛДСЭН БАЯЛАГИЙН ЭЗЭН БОЛОХ. ҮҮНИЙ ТУЛД ДЭЛХИЙН 3 ХҮН ТУТМЫН 2-Г НЬ УСТГАХ далд хорон санаа юм. Муу санаа нь дотроосоо өтөж, $-ын хаанчлал өөрийгөө дэгээдэн унагаж байгааг хүн төрөлхтөн харж байна. Өт хорхой мэт хүнийг ЕРТӨНЦ БҮТЭЭСЭН. ХАР САНАА НЬ ӨӨРӨӨ ӨӨРИЙГ НЬ УСТГАХ АЖ!
Дэлхийг ноёрхох, жанжлах бодлоготой “Их гүрнүүд” гэж нэрлүүлдэг тэр улсууд дэлхийн баялгийг түрүүлэн цөлмөснөө огтхон ч тоодоггүй бөгөөд техник, технологийн хөгжлөөр түрүүлэн одсоноо ашиглан,энэ гаргийн мөнхийн эзэн байх хүсэл сонирхолтой болох нь илэрчихсэн шүү! Харин тэд”Мөнхийн эзэн”-ий суудлаа булаацалдан, хоорондоо ороо нь орсон азарган чоно шиг хэмлэлцэж байдаг юм гэдэг л үнэн бололтой! Дэлхийн хүн төрөлхтний гурваны хоёрыг нь устгах бодлоготой” гэдэг оргүй хоосон үг биш байх! Тэр тухай Мальтиус гэдэг хүний онол байдгийг илчилсэн судлаачдын өгүүлэл бий юм билээ.
Үнэгүй юм хулганы хавханд л бдаг бхаа. Хямд эрчим хүч гээд Оросын хавханд орсноо одоо ойлгож бх шиг. Гхдээ дэлхий нийтэд Оросын сүрдүүлэг дагуулсан эрчим хүчний эх үүсвэрийн эрэлт буурч бгаа нь том ололт. Удахгүй Орос нурж унахыг харах цаг ирнэ гэж найдна
Ардчилал гэж байдагүй
Ээ хөөрхий. Германчууд АНУ-гаас улс төр, эдийн засгийн хувьд хамааралтай байх ёстой гэдгээ хүлээн зөвшөөрчихсөн, нэг үгээр хэлбэл хараат улс юм байна штээ.
Зөндөө олон хүн бэлдэж дэлхийгээр дүүрэн тараасан. Одоо ч бэлдэж бгаа. Манай хувилбарууд нь Ардын өмнө гурилан нүүрлээд л хашигчаад байсан хүүхдүүд нь Ануд бидний зардлаар бидний эсрэг бэлтгэгдэж бгаа
Г.Амарсанаа юмыг нэмж хасалгүй байгаагаар нь мэдээлдэг боловсролтой сайхан хүн юм