Зохиолын дуучдаас залуу бүсгүйн хувьд адармаатай бас ч дуулиантай зам мөрийг элээж яваа нь Г.Эрдэнэтунгалаг. Үзсэн туулсан амьдралаа шингээдэг гэлтэй хамгийн дотортой дуулдаг гэгддэг тэрбээр өдгөө өөрийгөө таньж “олсон”, цоо шинэ төрхөөр манай уншигчидтай мэндчилж байна. Анхны амьдрал нь бүтэлгүйтэн, гоо сайхны хагалгаанд орсноор сохрох аюулд тулж, хүн амины хэрэгт сэжиглэгдэж, “Ганц худаг”-т хүртэл хоригдож үзэхдээ дуучин Г.Эрдэнэтунгалаг үнэнээс няцаж үгнээсээ буцаж яваагүй. Ар араасаа цохилт болж, түүнтэй нүүр тулсан өнгөрсөн амьдралынхаа шалгуур бүрт тэр одоо бол баярладаг. “Магадгүй надаас өөр хүн байсан бол амиа хорлочихсон ч байж магадгүй" гэж дурсах дуучин Г.Эрдэнэтунгалагтай ярилцлаа.
-Эмэгтэй хүний жинхэнэ амьдрал гучин наснаас эхэлдэг гэж үнэн үү? Таньд өөрчлөлт мэдрэгдэж байна уу?
-Би өөрийн тань тавьсан асуулттай зуун хувь санал нийлж байна. Хүний амьдралын 30 нас гэдэг ид хийж бүтээх нас. Үүнээс өмнө аав, ээжийн гараас гарч амьдрал дээр бие хүн болж төлөвшдөг. Яг би хэн бэ? гэдгээрээ цаашаа үргэлжлүүлэн алхдаг. Бид нар юу ч мэдэхгүй гэнэн хүүхдүүд 10 жилээ төгсөөд л оюутан болдог. Үүнтэй адил бас нэг амьдралын мөчлөг эхэлж байна. Амьдралд нухлагдаж, амьдралыг мэдэрч, ямар үед яаж өөрчлөгдөх вэ? гэдгийг биеэрээ мэдэрсэн учраас тэр мэдрэмжээрээ бүх зүйлд хандах хандлага нь өөр болдог. Энэ утгаараа хувь хүнийхээ хувьд нийгэмтэй харьцах хандлага, уран бүтээлчийн хувьд ч, аливаад хандах хандлага эрс өөрчлөгдсөн. Яагаад гэвэл би амьдралаас өөрийгөө олж авсан, бүх зүйлээ өөрийнхөө ирж буй шинэ амьдралд бэхжүүлэх гэж тэмүүлж байгаа бие хүн.
-Зохиолын дуучид дундаас нэлээн тод, дуулиантай амьдарсан эмэгтэй нь таныг гэвэл хүлээн зөвшөөрөх үү?
-Би өөрөө сенсаци үүсгэж, олны танил болох юмсан, ингэвэл олон хүний анхаарлыг татах болов уу гэж хэзээ ч бодож байгаагүй. Хийсэн бүтээснээ олонд таниулахсан , миний уран бүтээлийг илүү мэдэрч тэр хэрээрээ надтай хамт байгаасай л гэж хүсдэг. Хүссэн хүсээгүй л миний хувь тавилан юм бол уу? гээд үүнтэй одоо эвлэрчихсэн. Гэхдээ санаа сайхан бол заяа сайн гэдэг. Ний нуугүй хэлэхэд өмнө нь би үзэн ядалт, өшөө авалтаар тархи зүрхээ дүүргэсэн хүн байсан. Одоо бол би уучлал, ухаарлаар аливаа юманд ханддаг болсон учраас санаагаа дагаад миний бодол өөрчлөгдөж, бодлоо дагаад хийж байгаа үйлдлүүд маань хүртэл өөрчлөгдөж үр дүн нь надад мэдрэгдэж байгаа.
-Анхны амьдрал нь бүтэлгүйтлээ, гоо сайхны мэс заслаас хараагүй болох аюулд орсон, мөн Ганц худагт саатуулагдаад гарлаа гэх шуугианууд гарч байсан. Тэр бүхнийг давж туулах амаргүй байсан нь мэдээж?
-Мэдээж хэцүү байсан. Нотлогдоогүй хэрэгт сэжигтэн, гэрчээр татагдаж байцаагдаж, ар гэрийнхэнд нь адлуулаад, найз нөхдийн хувьд үл ойлголцлоос болж заллигч болж хэрэгт холбогдсон. Энэ бүгд бол аливаад өшөө, хорслоор ханддаг өмнөх Эрдэнэтунгалагийн амьдрал байсан. Эцэг, эхийн гараас гараагүй нялх шахуудаа хүүхэд төрүүлээд, нялх биетэй энэ бүгдийг давж гарна гэдэг хэцүү байсан. Гэхдээ энэ хугацаанд хүмүүсийн зан чанар, хэн нь хэн бэ? гэдэг нь үнэхээр танигдсан. Сайн явахад садан мундахгүй гэгчээр муу явахад намайг гэх хүн үнэхээр байгаагүй. Энэ бол амьдралын хууль юм байна гэдгийг үнэхээр хүлээн зөвшөөрсөн. Гэхдээ намайг харж хандсангүй гэж хүмүүст гомдоллох эрх ч надад байхгүй. Хүн амьдралдаа хэнд ч гомдох ёсгүй юм байна гэдгийг ойлгосон. Хамгийн үнэнч хүмүүс миний гэр бүлийнхэн байсан. Тэр дундаа миний ээж. Хүмүүс намайг элдэв үгээр загнаж, хичнээн цохиж зодож байсан ч миний ээж л миний хажууд чин үнэнчээр байсан. Одоо ч хэвээрээ. Түрүүн нүүрээ будаад толинд хараад сууж байхад одоо уулзах сэтгүүлч ээжийн минь тухай асуугаасай гэж би бодож байсан. Дараа нь би ээжийгээ яаж баярлуулж байлаа гэж бодсон.
Би ердөө хоёрхон удаа л баярлуулсан юм байна гэж бодлоо. Би ээждээ охин нь болж төрсөндөө нэг баярлуулсан, хоёрдахь нь би хүүхэд төрүүлж ээж болж баярлуулсан. Би өөрөөр баярлуулаагүй дандаа зовоож байсан юм байна гээд өөрийн эрхгүй уйлсан. Намайг ингэж хичнээн зовоож байсан ч зовоолоо гэж ээж минь боддоггүй. Үхэвч үрийн төлөө гэдэг. Охин маань том болж байгаа учраас хааяа надтай үг сөрөх асуудал гардаг. Тэр үед миний ээжийн сэтгэл зүй ямар хүнд байсан бол гэдэг надад төсөөлөгдөхгүй байна. Би үүнийг давж гарсан нь чухал биш миний ээж л давж гарсан нь хамгийн чухал зүйл. Хамгийн ихээр бахархмаар, баярламаар олон удаа баярлалаа гэж хэлээд ч багадахаар. 30 насны босгонд бас юуг ойлгосон бэ гэхээр хүн хэлэхдээ биш үйлдлээрээ л бүгдийг илэрхийлж байх хэрэгтэй. Яриад, хэлээд бийх нь гол биш Ээжийгээ олон баярлуулдаггүй юмаа гэхэд үүнээс хойш олон зовоохгүй юмсан гэж бодож байна.
-Таны ээж хаанаас нь ч харсан сайхан эмэгтэй. Таныг ээжтэйгээ хамт явж байхад эгчтэйгээ хамт явж байна гэж харах байх?
-Би үнэхээр ээжээрээ бахархдаг. Миний ээж онцгой хүн гэж боддог. Яагаад гэхээр миний ээж их сайхан сэтгэлтэй, хэнийг ч ялгаж харьцдаггүй. Цагаан сараар хүмүүс ороод ирэхээр хүн болгонд зориулж бэлэг бэлддэг. Өнгөрсөн жил хэнд нь юу өглөө одоо юу хэрэгтэй байгаа вэ? гэдгийг мэддэг, мэдэрдэг, мэдрэмжтэй эмэгтэй, Манай ээж нэр шигээ сайхан амгалан хүн. Монголын урлагт маш их том хувь нэмэр оруулсан хүн гэж би боддог. Монголын урлагт ялангуяа дууны урлагт байр сууриа эзэлсэн олон сайхан дууны хөгжмийн найруулгыг хийсэн. Урлагт тодорхой хэмжээний олон жил зүтгэсэн нэр хүндтэй Аранзаа ах , Халиун, Байзда, Болормаа Ширмэнтуяа бүгд шавь нар нь гэж бодохоор ээжээрээ бахархаж өөрийгөө азтай гэж боддог. Ийм сайхан ээжээс төрсөндөө, хажууд нь өсч торнисондоо би их азтай. Энэ бол хүн болгонд олдоод байдаггүй хувь заяа. Хамгийн гол нь би дуулахаа болилоо гэхэд багш нараасаа сурсан, мэдэж авснаа заах арга надад ээжээс минь өвлөгдсөн авъяас.
-Ээждээ зээгийнх нь зулайг үнэрлүүлж баярлуулсан гэлээ. Охин тань таны амьдралд цоо шинэ хуудас, шинэ ертөнц бэлэглэсэн гэж уран бүтээлээс тань харагддаг?
-Би үүнтэй санал нийлж байна. Өөр хүмүүс ч санал нийлэх байх. Донжийн Б.Төгөлдөр ах “ Чи охиноо миний амьдралд ирснээрээ , тайзнаас, хайртай бүхнээс минь холдуулж байна гэж дотроо бодож байгаа учраас бурхан, амьдрал чамд ингэж хатуу хандаж байгаа юм гэж билээ. Чи энэ хүүхдийг ирсэн шиг нь хайрла, энэ хүүхэд чамд шинэ амьдрал, шинэ бүхнийг, жинхэнэ хайр гэж ямар байдгийг мэдрүүлэх гэж ирсэн юм гэж хэлж байсан. Тухайн үедээ би энэ үгийг нь ойлгоогүй. Яг одоо л асар их үнэн үг хэлснийг нь ойлгож байна. Миний амьдарлыг дахин шинээр нээж өгсөн охиндоо маш их хайртай. Би хайрлахгүй байхын аргагүй хөөрхөн охинтой.
-Гоо сайхны хагалгаанд ороод нилээд эрсдэлтэй байдалд орж байсан ч та зорилгодоо хүрч чаджээ. Та их сайхан харагдаж байна?
-Баярлалаа. Би эцэг эхээс заяасан энэ биеэ гамгүй зовоосоон. Гэхдээ эцэст нь энэ бүхнийхээ учир утгыг маш сайн ойлгосон. Зорилгогүй амьдрал гэдэг ямар ч утгагүй. Хүн болгон зорилготой. Тэр зорилгодоо хүрэх арга зам нь л өөр өөр байдаг. Гэхдээ зорилгодоо хүн бүр хүрдэг гэж би боддог.
Амьдрал бол тэр зорилгодоо хүрэхийн төлөөх тасралтгүй тэмцэл. Намайг улсын шалгалтанд орох гэж байхад ээж маань хүний нүдэнд аятайхан, сайхан харагдаасай гэсэндээ аль гайгүй хувцас өмсүүлэх гэдэг байсан. Харин би ээжийнхээ өөдөөс танай сургууль хүний хоолойг шалгадаг юм уу? хувцсыг нь хардаг юм уу? гээд л уурлаж байсандаа их харамсдаг. Ээж минь урлагийн хүн аятайхан хувцаслах хэрэгтэй гэдгийг зааж сургасан. Ер нь би их зөрүүд хүүхэд байсан. Одоо амьдралд нухлагдаад, үзэгчдэд шүүгдээд, өөрөө гоё болохыг их тэмүүлээд ер нь л жин хасах хэрэгтэй, гоё, сайхан болохгүй бол болохгүй нь гэж бодсон. Дуулна гэдэг гоё сайхан сонсогдохоос гадна хүний нүдийг баясгах зүйл юм. Би хүний нүдийг баясгахаар байх ёстой гээд жин хасахаар шийдсэн. Нөгөө талаар эрүүл болох гэж зорьсон. Нүдэндээ давхраа оёулаад гэмтэл авсан. Хөдөлмөрийн чадвараа алдаж 6 cap гэртээ байсан. Нүд өвдөхөд ямар хэцүү байдгийг нүд нь өвддөг хүмүүс л ойлгох байх. Гэхдээ энэ бүхнийг даван туулж ард нь гарч чадсан. Тэр үед гэмтэл маань удаашраад 2 нүд маань хоёулаа хараагүй болох магадлал өндөр байсан. Охиныхоо ТОМ болохыг харж чадахгүй нь гэж эх хүний хувьд их харамсаж, гол минь харлаж байсан.
Яах гэж нүдэндээ давхраа оёулав даа ч гэж бодож байсан. Аав маань мөнгө төгрөг гол биш хамгийн гол нь чи хардаг болох хэрэгтэй гэж хэлж байсан. Харах эрхтэнтэйгээ хэрүүл тэмцэл хийсэн хүн хэзээ ч сайхан явдаггүй юм зүгээр л орхичих, аяндаа өөрөө жамаараа үйлийн үр гэж байдаг бол тэр эмч амсана гэж хэлсэн. Иймээс тэр Солонгос эмчийг шүүхэд өгөөгүй. "Солонго" эмнэлгийн Нарангарав эмчдээ маш их баярлаж байна. Энэтхэгээс эмч нар авчирч 2, 3 удаа хагалгаа хийлгэсэн. Сарын өмнө чиний нүд цоо эрүүл болсон байна гэсэн баяртай мэдээг дуулгасан. Энэ бол миний тэмцлийн үр дүн. Би зорьсондоо хүрч гоё, сайхан болсон. Эрүүл болсон учраас олон хүнии зөвлөгөөг хүлээн авч зорьсондоо тэмүүлсэн учраас үр дүнд нь хүрсэн.
-Та ‘Ганц худагт” саатуулагдаж байгаад гарахдаа “гаргахгүй байх чинь яасан?” гээд хаалгыг нь өшиглөж байсан гэсэн. Бас ч шартай юм?
-Яг ч тийм юм болоогүй. Би хаалга өшиглөөгүй. Намайг байцааж байсан байцаагч хүүхэн яг над шиг омголон, шазруун, надтай чацуу, дөнгөж сургуулиа төгсөөд ирсэн хүүхэн байсан. Би Улаан-Үүд рүү томилолтоор яваад ирье гэхэд чамд хил нэвтрэх хориг тавина гэсэн. Тэгэхээр нь би арай ч хориг тавихгүй байлгүй дээ гэж бодоод явах гэж байхад хориг тавьчихсан байсан. Намайг 22-ын товчоон дээрээс баривчлаад гэрийнхэнд болон, өмгөөлөгчид маань ч хэлээгүй байсан. Энэ бол хууль зөрчсөн асуудал. 24 цаг гэрийнхэнд маань хэлэлгүй намайг хорьсон. Байцаагч намайг чадсан, хорлосон гэж бодож байгаа байх. Гэхдээ би баярлалаа гэж хэлмээр байна. Тэрний ачаар би ганцхан өдрийн дотор маш их юм бодсон.
-Охиноо төрүүлсний дараа та ’’Дуулж л явахаас даа” дууг гайхалтай амилуулсан?
-Намайг бага байхад ээж маань дуулж өгдөг байсан. Тухайн үед анхны амьдрал маань ч бүтэлгүйтэж таарсан . Тийм ч учраас сэтгэлээсээ дуулж чадсан. Аливаа уран бүтээл дуу, шүлэг, жүжиг бүгд хүний сэтгэлээс гардаг учраас юу мэдэрч дуулсан байна гэдгийг нь хүмүүс яг мэдэрдэг. Хэрэв би амьдралаараа мэдрээгүй бол энэ дуугаа төсөөллөөрөө бий болгож арай ондоогоор дуулж хүмүүст бөхөөр хүргэх байсан байх. Гэхдээ бүх хүнийг үүнийг мэдэр гэж байгаа юм биш. Жүжигчин, дуучин хүний уран чадвар үүн дээр гарч ирдэг.
-Та гоо сайхны хагалгаанд орохдоо найзаасаа мөнгө зээлж, өгч чадахааргүй болсноос шүүх цагдаад тулсан.Тэр найзтайгаа одоо холбоотой юу?
-Гоо сайхны хагалгаанд орохдоо найзаасаа мөнгө зээлээгүй. Тэр мөнгө бол өөр мөнгө. Миний найз надад олон удаа тусалсан. Ганцхан тэр удаа ч биш. Энэ найзынхаа тусыг хэзээ ч мартахгүй. Хүн л юм чинь маргалдах үе байна. Найздаа их хэмжээний мөнгө өгч явуулчихаад нөгөө найз нь нүдний хагалгаанд ороод, өртэй ширтэй болоод, өвчин зовлонд баригдаад, бүр алуурчин болж хувирсан.
Тэр хүн ирээдүйгээ бодож байгаа учраас надаас мөнгөө буцааж авах нь чухал. Энэ бол амьдралын хууль. Надаас авах ч ёстой. Гэхдээ арай яарсан юм болов уу даа гэж боддог. Юманд уужуу хандах хэрэгтэй, амьдрал бол баян. Тэглээ гээд би гомдоогүй. Ямагт баярлаж явах болно. Одоо бол холбоогүй байдаг. Найз маань хүнтэй суугаад, хүүхэдтэй болоод сайхан амьдарч байгаа гэж сонссон. Аливаа болж бүтэхгүй байгаа зүйлийг хүмүүс ярилцаж, ойлголцох хэрэгтэй байдаг.
-Таныг шинэ хайртай учирсан гэж сонссон. Хайрын дуу амилуулдаг дуучнаас асуухгүй өнгөрч болохгүй нь?
-Хайр, дурлал хүнд яг ямар мэдрэмж төрүүлдгийг илэрхийлэхэд хэцүү байна. Би хүнд хаягдаж шархалж үлдэж үзсэн. Ямар байдгийг нь уран бүтээлээрээ хүмүүст хүргэж, олон хүн тэр мэдрэмжийг мэдэрсэн байх. Сайхан хайртай бол учирсан. Хайр намайг өөрчлөгдөхөд, бие хүн болж төлөвшихөд том нөлөө үзүүлсэн. Эмэгтэй эрэгтэй хэн ч эсрэг хүйстнийхээ сэтгэлийг татаж, таалагдахын тулд өөрийгөө өөрчлөх, буруу зуршлуудаасаа салах, тэр хүний өмнө сайхан харагдахын тулд олон зүйлийг өөрчлөх шаардлага гардаг.
-Гэр бүлийг бат бөх байлгахын тулд эмэгтэй хүн их тэсвэр тэвчээртэй байх ёстой гэдэг.Таны бодлоор?
-Би санал нэг байна. Өмнөх амьдралынхаа хувьд ч, найзуудынхаа амьдралыг харж байхад ч эмэгтэй хүнээс маш их тэвчээр шаарддаг. Магадгүй харсан ч хараагүй юм шиг, сонссон ч сонсоогүй юм шиг тэвчээртэй байх хэрэгтэй. Дуучнаар бол нэг авиа гаргахын тулд амьсгаагаа түгжээд зөв зарцуулж гаргадагтай адил эмэгтэй хүний нарийн ухааныг яг ямар үед гаргах ёстойг мэддэг байх хэрэгтэй.
-Та нэг удаа дуучин болоогүй бол бөх болох байсан гэж ярьж байсан. Багадаа хичээллэж байсан гэл үү?
-Бөхөөр хичээллэж байсан. Ээжийн аав дэлхийн аварга Жамсран багш дээр хичээллэж байсан. 5-р ангид байхдаа 2 cap хичээллэсэн. Ер нь тамирчин хүн тэвчээртэй, өмнөө тавьсан том зорилготой, хөдөлмөрч, юмны тунг тааруулна гэдэг шиг хэдэн цагт хоол идэх вэ, юу уух вэ бараг хэдэн цагт унтахаа хүртэл нарийн тооцоолсон байдаг. Энэ бүхний үр дүнд амжилт гардаг. Би үнэхээр бөхөөр хичээллэж чадахгүй болоод гарсан. Спорт гэдэг хүнээс ямар их хөдөлмөр шаарддагийг бага ч гэсэн мэдэрсэн болохоор би тамирчдыг хүндэлдэг. Яагаад гэвэл хөлс болгон нь цаг хугацаа, үнэ цэнэ шингэсэн байдаг.
-Та 60, 70-аад оны дуунуудыг дуулсан. Түүгээрээ цомог гаргах сурагтай байсан?
-Уран бүтээлч хүний хувьд нэг хэлбэрт баригдаад байхыг хүсдэггүй. 2007 онд ээжтэйгээ зөвлөлдөж байгаад 60, 70 аад оны 190 дуунаас дандаа эстрадын 20 дууг нь сонгож дуулсан. Би сапрон хоолойтой болохоор миний хоолойд ч зохисон. “Орь залуу нас”, “Навчин дээрх шүүдэр”, “Нарт тэнгэрийн доор”, “Сайхан харц”, “Үдэлтийн дуу” гэсэн эстрад дуунуудыг сонгож дуулсан.
-Олны танил байх таньд одоо зүдэргээтэй санагаддаггүй биз дээ?
-Өмнөх. Эрдэнэтунгалагийн хувьд хэцүү байсан. Би өмнө нь байгаа юмандаа сэтгэл ханадаггүй, дандаа хүнийг илүү харна, өөрийгөө, голно, өөртөө итгэлгүй хүн байсан учраас олны танил байх хэцүү байсан. Ядаргаатай санагддаг байсан. Одоо бол огтхон ч тийм биш. Харин ч гудамжинд тайван сайхан алхдаг болсон. Би өөрөө өөрийгөө олчихсон, байгаа юмандаа сэтгэл ханадаг, хүний өө сэв харахаа больсон. Өмнө нь их хэлбэр хөөдөг байж. Одоо юу надад, таардаг, таалагддаг, яаж гоё харагдахаа мэддэг болсон учраас амьдралд хандах хандлага маань өөрчлөгдсөн.
Эх сурвалж:"Монголын нэг өдөр"
Сэтгэгдэл0
Amjilt ulam saihan duulaarai chinii hooloi uneheer chadaltai shu eejiige hairlaj chadaj bval buhniig hairlah bolno
ovoodoo ih uhaarch dee vnengeesee yarij bgaa bol gehdee hojuu uhaarch bna daa zailuul.Gavaasvren aaviigaa yagaad eroosoo yarihgvi yumaa saltsan yumuu .ter ved l chamaig husdag baij gedegnej godognoj yavsan nyalh serel hodolgoson bondgor amitan bsan shvv chi .
Erguu mal
Chi yamar buduuleg baagii we.Zail
гавъяа байгуулчихсан юм шиг үрэн таран хийсэн тэр саарал жилүүдээ эргэж дурсаад юу хийнэв дээДуугаа дуулаад л бай. Чи шүү
Tiimee amidral huniig humuujildeg, ylanguya emegtei hun eh bolohooroo amiidraliin hatuug dabah setgeliin tenheetei ch boldog ym. Amjilt husie! Amidrald chini az jargal, ineed hooroor duuren baihiig husen erooe!
saihan duuldag shuu, demjdeg shuu.
Ih buruu dugnelttei huuhen baina!!! Ingej gendej baigaa l sogoo chonond bariddag yumdaa...
Estoi ih bayrlasan shuu Tand Mini huugin hurim deer 9sarin6 nd Chingesin orgood IRj duulsan.mini Joohon ohin Mgl. Held Muu mortloo Oorin chine eson Eruu shuult gedeg nebtruulegt oroltsonig urgelj uzdeg ium.ih Saihan dulaan energi tsatsruulsan hun bna Lee.sanasan buhen ni setgegchilen buteg
er ni bol ene duuchin maani eeree jinxene saixan mongoljin goo shuudee duulsan duu buxen ni amilsan argaggui negen xatsar goo mongol xatagtai shuu uran buteeliin ulam ix amjilt xusii
Эвий минь,ийм их зовлон үзсэн юм уу,тэр үед мэдсэн бол нэг ч гэсэн урмын үг хэлэхгүй юү.Сайхан дуулдаг,сайхан ч хүүхэн шүү чи.
ERDENETUNGALAGIN XOOLOI IX TANSAG GUNZGII SONSOGDOG NADAD BOL TAALAGDDAG,BI OIROOS XARJ UZEEGUI,TSARAI NI CH GESEN YALANGUYA AMNI XAIRSTAG IX XUURXUNTEI,TIIM BOLXOOR UURIINXUU EXEES ZAYASAN DUR TURXUURUU BAIGAASAI,DAXIJ ERSDELTEI YANZ BURIIN XAGALGAAND BITGII OROOROI DUUCHIN BUSGUI MINE OK!!!!!!
сайхан ярилцлага болжэ.эрдэнэтунгалаг МТV дууны нэвтрүлгийн шүүгчээр ажиллаж байхыг нь хараад үнэлсээн.
Zygeeree, zovlon yzekh tusmaa ukhaan suuj ulam hychtei boldog gesen. Ikh saikhan yariltslaga jinhene uhaarsan hynii yaria baina. Mash ikh taalagdlaa. Amidrald ni hamgiin sain saikhan bas amjilyt hysch baina. Neg duug ni sonsch baisan, odoo duunuudiig ni sonsoj yznee. Duuchin hyn amidral yzheeree ulam saikhan bolj duuldag gesen.
Ээжийнх нь нэр нь хэн бэ ? гэдгээр МНӨ сонин уншигчдийнхаа дунд оньсого таалгаж байгаа юм байна
Ээжийнхэн нэр нь хөгжмийн ая зохиодог Цэцэрлэг билүү бас сайн мэдэхгүй юм аа
Сайн байцгаана уу? Бидэнд нэг ийм үг байдагдаа, "Босгон дээр зогсдоггүй юм, эсвэл ор, эсвэл гар", "Хаалга алдалдаггүй юм. Хаалга битгий алдлаад бай" гэж. ...одоо ч гэсэн ийн хэлж, хориглохыг дуулж сонсдог. Амьдралд, дотор нь оролгүйгээр гаднаас нь хараад, үзээд, харагдсангаа хэлээд, яриад, өгүүлээд явах нэгэ өөр. Харин амьдралд дотор нь ороод явахад ухаарал, энэрэл, хайр, нүнжиг гээд сайн сайхан юм бүхнийг нь мэддэг, мэдэрдэг, мэдрэмждэг. Амьдралыг өөрийнхөө үзэж туулж яваа туулийнхаа алдаар алдалж болдоггүй, болохгүй юмдаа. ... хүмүүн бодьгал болгон л өөрсдийн алд туулиар явж буй болохоор, ...өнгө зүсийг нь өнгөц хараад гоочлоод байх хаашаа ч юм бэдээ. Тиймдээ ч, юм гэдэг учиртай, юм үз гэж, өөрөөр хэлбэл аливаа эдийн цаад наадахыг ухаарч яв гэдгийг хэлээд буй санагддаг юм. За ингээд, энэ бүсгүй бодьгалын туульсыг нэг сонсоод авлаа.
Ih l amidral oilgoj, huleej avsan shinjtei yarij bn daa.30 dunguj hursen ene baitugai, manai 60 garsan hugshin urlgaiinhan ch unendee teneg tneg yum ih yaridagshdee.Hund aldaj endeh zunduu gardag yum bn lee, golnoos aldaanaasaa surch, sanaa sain yavah chuhal yum bn lee.Uurt chini uran buteeliin undur amjilt, huviin amidraliin urgun jargaliig eruun devshuulye. dashramd helhed, bi ene zohioliin duu ch yum shig gingenej gonshignoson bugd negen heviin ug ayatai duunuudada uneheer durgui.Tehdee uuriin chini duulsan, Duulj l yavahaas daa gedeg duu uneheer setgel honogshim bolson bn lee
minii dyy sain hanitai uchirnaa hyniig hayasan hyn ter avgaidaa zaaval hayagdana yriin zaya gomdoj tyyniig tenger gesgeene.harin chi hamgaas ilyy sain yavna.hymyysiin chanariig tanisan chini boloo.chi chadaltai saihan ershyyd hooloitoi shyy amjilt hysie.saihan aav eejeeree baharhaj yavahad chi yumand hyrnee.
Xen buruutaigiin ni medeegui bj bitgii dongos.Salaad saixan amidraxiig ali ter gedgiin
Amjilt husie ene ercheeree uragshaa yavad baigaarai duu mini
Minii ch gesen durtai duuchin. Ikh bayarlaj bn aa. Amidraldaa uudrug saikhan yavaad chin
chadaltai hooloitoi ineemseglej yavdag estoi saihan ohin,saihan busgui.Ter umhii mahnii hoinoos gomdoj gutraad yahav dee.Saihan hairtai uchirsan bol yamaidaa.Hamgiin gol ni eh hun l ur huuhdiin hoinoos iluu zovdog ni unen.Za tegeed amjilt,sain saihan buhniig husie.
ih daldganaj bj heree medee biz
Эрдэнэтунгалагт уран бүтээлийн амжилт хүсье. Бүсгүй та үнэхээр сайхан эмэгтэй юм. Харахад хүд баясаж, хүсэхэд сэтгэл баясаж байна.
Neeree yneheer hetsyy yumtai uchirch baijee. Burhan hynd daaj chadah hemjeegeer ni zovlon yyryyldeg tyyniig ni daagaad garval sain saihand hyrdeg gdg. Chamaig ooriig chini sorij daaj chadna gej zaluu nasand chini iim zuiltei uchruulsan baihaa. Hyn l yum chini aldaj onoj bolno. Chinii aldaa onoo sain muu hyniig chini medehgui ch uran byteelch duuchiniihaa huvid mash gaihaltaltai gdgiig ni hyleej zovsoordog shyy. Ulam olon saihan uran byteel hiigeerei.
Сайхан хоолойтой дуучин шүү. Амжилт хүсье
Заримдаа ёроолгүй ангалд унчихаад ирмэгээс нь зүүгдээд татаж гаргах хэн ч байхгүй, хэн ч туслахгүй байх шиг үе байдаг аа. Даваад туулаад гарсны дараа уулын орой дээрээс харж байгаа юм шиг юм бүхэн хүн бүр ойлгомжтой болдог.Хэн нь найз вэ, ямар найз араас хутгалдаг вэ гэдгийг мэддэг болдог шүү
Сайн уу? Чи үнэхээр сайхан дуулдаг шүү чамайг Монголын ард түмэн бүгд дэмждэг. Аз жаргал хамгийн сайн сайхан бүхнийг хүсэн ерөөе. Чи бүгдийг чадна АМЖИЛТ
Дүүдээ амжилт хүсье. Хоолойн цар, чадлаар маш сайн дуучин шүү. Монгол Улсын Гавъяат жүжигчин цол шагнагдсан байхад хэн ч "Энэ Эрдэнэтунгалаг гавъяат аваад байхдаа яадаг юм" гэж хэлэхгүй байх. Биеэ л тоож болохгүй шүү. Ярьж хэлэх нь ч уг нь сайхан болж, одоо уран бүтээлээ сайн хийгээд өмнөө дахин нэг том зорилго тавиад сайхан амьдар. Гавъяатыг битгий аваарай. Гавъяат цолоор шагнуулаарай.
amjilt hvse.saixan uxaaral bna.saixan xooloitoo sain duuchin shvv.
saihan emegtei, sain duuchin, eejiigee ulam ih bayarluulaarai-saihan emegtei shuu tsaashdiin uran buteeld chini ondor amjilt husen erooe
та хамгийн мундаг. амьдрал үнэхээр баялаг
сайн дуучин шүү дүүдээ амжилт хүсье
Bi Mongoliin emegtei duuchdaas gantshan Erdenetungalagiig sonsdog. Sain duuchin shuu. Hooloinii chadal, tsar sain, ugee tod helj humuust duugaa hurgej chaddag shuu. olon hun sanal niileh baihaa. Amjilt husie
sain hereg dee!yhaantai bysgyi bna,chamd ylam ikhe amjilt hysye!hynd chini boloh bytehgyi yum garalgyi yahab>?ene bygdiig amidralaas byylgaj abdagiig yhaarsan bna!zaasid daa sain yabaarai!!!
jinhene duuchin.gaihamshigtai.
Saihan hooloigooroo ard tumnee bauasgsj uabaarai.
SAIHAN YHAARALHAIRLASAN YARILTSLAGA BOLJEE.BYSDIIN ALDAAG YYCHILJ CHADDAG TIIM YYJYY YNAANTAI BH NI BYSDAD BOLON OORTOO MASH IH ERCH HYCH AMJILT ABCHIRDAG GEDGIIG BODITOIGOOR HARYYLSANIIG ZALIICHYYD YHAARAACH ABNA BIZEE .SAIHAN DYYLDAG YNAALAG DYY CHAD YRAN BYTEELIIN IH AMJILT GER BYLIIN AZ JARGAL HYGIE.
minii duu chi uneheer saihan duuldag saihan ch huuhen.deer ni iim ih tsohiltiig sorj bosch chadsan gaihamshigtai jinhene mongol busgui yum.chinii duug sonsood chamd uneheer hairtai bolson.daraa ni hairlamaaraag chini uzeed bur bishirsen.hed ch dahin uzev dee.chamaig avaagui baihad oor humuus gavyat avch baihad unendee oilgodoggui.hooloigoo hairlaj yavaarai.chamd amidrald chini hamgiin sain saihniig husie!dandaa jargaltai amidraarai minii duu.usa-aas.
Элдэв хангай гоё чамин үг хэрэглэлгүй шулуун шудрага ярилцдаг бүсгүй юм байна. Амжилт хүсэе.
saihan duuldag sain emegtei shuu.huniig uuchulj uhaaral hairlasan yariltsaga ugsund bayarlalaa.
Монголчуудаа нэгийгээ битгий шүүмжилж бай л даа. Эрдэнэтунгалаг бол хүчтэй сайхан хоолойтой, гүндүүгүй ухаалаг эмэгтэй гэж би боддон. Харин ч түүнээс элдэв тэнэг юм яриад байгаа хүмүүс сургамж авах хэрэгтэй шүү. Зоригтой бай, хэн юу гэх нь хамаагүй тантай эн зэрэгцэх сайхан хоолойтой эмэгтэй зохиолын дуучин үгүй шүү өнөөдөртөө. Huurhun ohin ta2-t horwoogn hamgiin saih saihniig husie. Zovoh tsag bhad jargah tsag mud irneeee
Сайхан охин минь чамд чиний сайхан ээжид аз жаргал хүсье. Хүн бүхэн ийнхүү гэгээрэх хэрэгтэй . Чи уаргаж явна. Чиний сайхан ээж бүр их жаргана.
You are my best singer. Good lyck you career and life
Good luck your career and life
hvn amidraldaa aldaj bno bosood irsen ni chuhal shvv mash goy duuldag shan emegtei uran bvteeld ni amjilt hvsie bainga chih setgeliig mini bayrluulj yawaarai
ялангуяа улс төрийнхөн энэ шавилхан эмэгтэй шиг хэлж чадахгүй муу бүгдээ хаяж чадахгүй өрсөлдөгчдөө хараал хийлгэж байсан улс төрчийг тэхдээ нилээн том улс төрчийг мэдэх юм
сайхан дуулдаг шүү амжилт хүсье үнэхээр чадварлаг
Хүн бүхэн ялангуяа давилуун зантай залуучууд бүхэн өөрийгөө хэн бэ гэдгийг жинхэнээр нь таньж, зөв олсон цагт амьдрал аз жаргалтай, чиний амьдрал зорилготой, утга учиртай байх болно. Сайхан дуулдаг залуу бүсгүйд амжилт хүсье. Ер нь давилуун хөөсрүүн зан хэзээ ч сайнд хүргэж байгаагүй гэдгийг эрт ухаарах тусмаа амьдрал үнэ цэнэтэй байдаг.
bi ooroo bohiin hobbitoo bolhoor taniig harhaar badruun goe hargdg shvv ta bol gawiytiin intee duuchin tand amjilt hvsii hurdna gawiytaa awaaraa howsgol aimgaas
burhan chamd gaihaltai hooloi beleglesen. amidrald ert unaj ert uhaarssan n chinii huvi zaya.amidral chin dendvv shuluun yavsan bol magadgvi jargah nasandaa ondroos aimshigtai unasan bol ai hestvv
хэхэхэ ярьсан хэлсэн нь амьдрал дээрээ зөрдөг нь тун таагүй.
сайн хоолойтой сайхан дуучин шүү шүтэж амьдардаг амжилт хүсье
Та Сайхан бусгуй шуу! ❤️