sonin.mn
Сэтгэгдэл (0)
Хөгжимчин,төгөлдөр хуурч Э.Мөнхшүрийг энэ дугаарын зочноор урилаа
 
Уншигчдад өөрийгөө танилцуулна уу?
 
-Намайг Э.Мөнхшүр гэдэг, Ээж, эгчтэйгээ амьдардаг. Хөгжим бүжгийн коллеж, СУИС- ийг төгөлдөр хуурч, төгөлдөр хуурын багш, АНУ-ын Дипол их сургуулийн хөгжмийн сургуульд төгөлдөр хуурын мастер, Флорида мужийн Бока ротан хотын Линнийн консерваторийн докторантурт тус тус суралцаж төгссөн. Төгөпдөр хуур гэх гайхалтай хөгжмөөр 20 жил хичээллэж байна даа.
 
Төгөлдөр хуураар анх хэдэн настайгаас хичээллэв ?
 
-Дөрвөн настайгаасаа хичээллэсэн. Аав,ээж хоёр маань анх төгөлдөр хуур зааж өгч байлаа. Төгөлдөр хуурч бусад мэргэжлийг бодвол дөрвөн жил суралцахад хангалттай хугацаа биш. Байнга суралцаж, дадлагажиж байдаг. Миний хувьд янз бүрийн уралдаан тэмцээнд орж өөрийгөө сорихыг хүсдэг. Чикаго, Флорида гэх мэт олон газарт "Монголын төгөлдөр хуурч" гэж цоллуулж явсандаа баяртай байдаг. 2014 онд Флоридад болсон хөгжмийн наадамд түрүүпж, оркестортой тоглосон. Мөн Чикагод сурч байхдаа хоёр удаа тоглолт хийсэн.
 
Хэрвээ төгөлдөр хуурч болоогүй байсан бол ямар мэргэжилтэй болох байсан бэ?
 
-Энэ тухай ерөөсөө бодож байгаагүй юм байна.
 
Олон хөгжмийн зэмсэг дотроос яаааад төгөлдөр хуураа сонгох болсон бэ?
 
-Үнэндээ би сонгоогүй аав, ээжийн маань сонголт. Миний хувьд сайн багшийн ачаар энэ мэргэжилдээ хайртай болсон. Аав маань жааз хөгжим сонсдог, гитар хөгжим тоглох сонирхолтой, ээж маань уран зураг сонирхдог, зурах дуртай учраас урлагт хайртай байсан учир намайг 4 настай байхад СУИС-ийн Ардын жүжигчин Цолмон багшид шалгуулсан. Багш маань намайг маш сайн сонсголтой байна гээд ихэд олзуурхсан гэдэг
 
Шантрах үе гарч байсан уу?
 
-Мэдээж аливаа эүйлийг сурахын тулд багагүй хичээх, өөрийгөө дайчлах хэрэгтэй байдаг. Миний хувьд шантарч уйлж ч байсан удаа бий. Гэхдээ дахиж төгөлдөр хуур тоглохгүй гэсэн бодол төрж байгаагүй Энэ миний л сонголт учраас сайн нь байхын тулд хичээх. байнгын дадлага Сургуулалт хийх хэрэгтэй. Мөн гар хурууны дасгал сургуулилт байнга хийхгүй бол гар хөдлөхөө байж хөшдөг. Зураач хүн байнга зураг зурж кистээ ажиллуулдагтай адил төгөлдөр хуурч хүн мөн гар, хуруугаа байнга идэвхитэй ажиллуулж байх хэрэгтэй байдаг.
 
Хөгжимчин хүнд "бага нас" байдаггүй гэдэгтэй хэр санал нийлдэг вэ?
 
-Магадгүй шүү. Ээж маань нэг удаа би охиныхоо “бага насыг хулгайлсан" гэж ярьж байсан. Төгөлдөр хуураар хичээллэж эхэлснээс хойш хүссэн зүйлээ хийж болохгүй, гадаа тоглох хориотой болсон. Багштайгаа хичээлээ хийж ирээд жоохон амарч байгаад дахиад хөгжмөө давтаж эхлэнэ. Бас зураг зурна, тооны дугуйландаа явна, англи хэлнийхээ хичээлд явна гээд их л завгүй бага нас минь өнгөрсөн.
 
Төгөлдөр хуур тоглоход маш их хэмжээний нот цээжлэх шаардлага гардаг байх?
 
-Хөгжимчид дотроос төгөлдөр хуурч хүн хамгийн ой тоггоолт сайтай гэж ярьдаг. 100 гаруй хуудас нот цээжлэх үе ч гардаг. Миний нэг давуу тал гэвэл нот сайн цээжилдэг, сонсгол маш сайн.
 
Та төгөлдөр хуурынхаа ард суухаараа өөрийгөө хэрхэн мэдэрдэг вэ?
 
-Төгөлдөр хуур бол төгс хөгжим. Тэр ч утгаараа хөгжимчнөөс төгс байдлыг шаарддаг. Тийм учраас би төгөлдөр хуурын өмнө ямагт хүчин мөхөс гэдгээ ойлгодог. 88 даралтын цаана маш нарийн систем бий. Тэр бүхнийг яаж дуугаргаж, зохиолоо хэрхэн амилуулах вэ гэдэг мэдрэмж, ухаан, тэвчээр шаардах зүйл. Төгөлдөр хуурыг би “миний хэзээ ч буулгаж авч чадахгүй тийм л эр хүн” гэж төсөөлдөг.
 
 
Ахлагч Г.БАТ-ЭРДЭНЭ
 Эх сурвалж: "Соёмбо" сонин