Монгол Улсын Ерөнхийлөгчийн санаачилгаар “Цар тахлын үеийн эдийн засгийн сэргэлтийг эрчимжүүлэх нь” сэдэвт төр, хувийн хэвшил, хөрөнгө оруулагчдын зөвлөлдөх уулзалт Төрийн ордонд боллоо. Хурлын үеэр: “Шунхлай” группийн ерөнхийлөгч П.Батсайхан:“Цар тахлын дараа дэлхий хоёр хуваагдана. Нэг талаас цар тахлыг амжилттай даван туулсан улсууд, нөгөө талаас тахлын өмнө сөхөрсөн, эдийн засаг нь сөхөрч, иргэдийн амьдрал доройтсон гэж.
Энэ сорилтыг даван туулах үүрэг, даалгавар бидний үеийнхэнд ирлээ. Аливаа шинэчлэлийн 50 хувь нь удирдагчийн манлайллаас шууд шалтгаалдаг. Нийгэм, эдийн засаг эгзэгтэй энэ үед тэсэж үлдэх нь Засгийн газар, УИХ-ын гишүүдийн алсын хараа, манлайллаас шууд хамаарна.
Бидний цөөхөн монголчууд талцал хуваагдал, мэргэжлийн амбиц гарган, хүнд суртал үзүүлж, нутаг усны талцалд хуваагдах нь хөгжлийн хамгийн том чөдөр тушаа болж байсан.
Эдийн засгийн хамгийн хүнд ачааг хувийн хэвшлийнхэн бид үүрч ирлээ. Цаашид ч үүрэх ёстой гэдгээ ухамсарлаж байна. Яг одоо төр, хувийн хэвшлийн хамтын ажиллагаа ус, агаар мэт хэрэгтэй байна. Та бүхний манлайлал дор төртэй хамтран ажиллахад бэлэн байна. Бидэнд цаг алдах эрх байхгүй" хэмээсэн юм.
Хурлын завсарлаагаанаар манай сурвалжлагч мөн түүнээс тодруулга авсаныг дараах видеоноос үзнэ үү.
Сэтгэгдэл0
Бүтээгдэхүүнээрээ ард түмнийг хордуулдаг архины үйлдвэрийн эздийг элдэв хурал цуглаанд урихаа болих хэрэгтэй. Бохир бизнес хийдэг Батсайхан мэт нь барууны хар тамхины мафийн боссуудаас ялгаагүй. Тэнд ард түмэн хар тамхи, архи, тамхи зэргийг үйлдвэрлэдэг хүмүүсийг жигшин буруутгадаг. Манайд харин ийм хогнууд том бизнесмэн гэгдэж манддаг нь ичмээр.
Arhi pivo undaa uildverleh bol bohir business bish. Ali ch uls orond baih estoi strategiin uildverlel gej oilgo. Arhi hiideg bolohoor arhichdiig olshruulaad baina gej bodood buhimdaad baih shig baina. Tiim bish yum shuu!
Үг хэлээд байдаггүй хүн. Б.Жаргалсайхан архи, пивоны татварыг нэмэх хэрэгтэй гэж хэлмэгц сандраад татвар нэмүүлэхгүй лобби хийх санаатай гарч ирж үг хэллээ