sonin.mn
Сэтгэгдэл (0)
Улаанбаатар /МОНЦАМЭ/. Польш улсад болж буй Дэлхийн залуучуудын аварга шалгаруулах тэмцээн /2021.04.10-24/-д Монголын боксын залуучуудын үндэсний шигшээ багийн 8 тамирчин хүч, ур чадвараа сорин оролцож байна.
Энэ удаагийн ДЗАШТ-ийг Олон улсын боксын холбоо /AIBA/-ны шинэчилсэн дүрмийн дагуу зохион байгуулахаар болжээ.
Тодруулбал, AIBA-гаас ил тод байдлыг аль болох өндөр түвшинд хүргэх сайжруулсан арга хэмжээг үргэлжлүүлэн хэрэгжүүлж, "Амьд оноо авах" аргыг санал болгосноор шүүгч бүрийн оноог тойргийн төгсгөлд олон нийтэд ил тод харуулах юм байна. Харин 3 дугаар тойргийн төгсгөлд албан ёсны мэдэгдлийн үр дүнгийн дараа л эцсийн оноог олон нийтэд харуулах юм. Уг нөхцөл байдлыг харгалзан AIBA-гийн Захирлуудын зөвлөл санал хурааж, AIBA-ийн Техникийн болон өрсөлдөөний дүрмийн 18-д оруулсан нэмэлт өөрчлөлтийг батласан байна.
Ташрамд дурдахад, Энэхүү шүүлтийн /Bout Review/ процедурыг залуучуудын тэмцээнд анх удаа хэрэгжүүлнэ.  Багийн менежер эсвэл ялагдсан тамирчны ахлах дасгалжуулагч шийдвэрийг зарласнаас хойш 15 минутын дотор эсэргүүцэл илэрхийлж, дараагийн 30 минутын дотор эсэргүүцлийн хуудсыг бөглөж, ирүүлэх ёстой. Тэмцээнд баг бүрт хоёроос дээш удаа бүтэлгүйтсэн Bout Review-ийг оруулах эрх олгоно.  Баг хамгийн дээд хэмжээнд хүрсэн тохиолдолд тухайн тэмцээний үеэр цаашид эсэргүүцэл үзүүлэхийг зөвшөөрөхгүй юм байна.
Хэрэв Техникийн төлөөлөгч Bout Review Jury-тэй зөвлөлдсөний дараа эсэргүүцлийг үргэлжлүүлэн явуулахыг зөвшөөрсөн бол уг тулааныг Шүүгчдийн зөвлөл - Ажиглагч, Шүүгч үнэлгээч хянана. Мөн 5:0 эсвэл 4:1 оноотой шийдвэрийг хянах боломжгүй бөгөөд цорын ганц боломжит хувилбар бол хуваах шийдвэр 3:2 гэсэн юм байна.
AIBA-гийн техникийн дүрмийг Шүүгч зөрчсөн гэж эсэргүүцсэн тохиолдолд AIBA-гийн ямар дүрмийг зөрчсөн, зөрчил аль шатанд гарсан гэж байгаа, зөрчил нь эцсийн үр дүнд хэрхэн нөлөөлсөн болохыг тодорхой зааж өгөх ёстой. Bout Review Jury нь эсэргүүцлийн жагсаалтад оролцсон Bout-ийн ялагчийг гурван онооны шалгуурыг ашиглан тодорхойлж, жагсаалаас гарсан асуудлыг харгалзан үзнэ. Тухайлбал, Зорилтот талбайн чанарын цохилтын тоо, Техникийн болон тактикийн давуу тал дээр  ноёрхол, Өрсөлдөх чадвар зэргийг харгалзана. Улмаар шүүгчдийн шийдвэр санал нэгтэй байх ёстой бөгөөд энэ нь эцсийн шийдвэр байх аж.
Польш улсын Кельце хотноо болох энэ удаагийн тэмцээнд Монголоос ур чадвараа сорин тулалдах 8 залуу тамирчдыг танилцуулж байна.
Эрэгтэйчүүдийн 52 кг-д Энхзоригтын Сүхбат, Баярсайханы Алтантулга 57 кг , Ганбаатарын Ган-Эрдэнэ 60 кг,  Асхарын Жандос 69 кг, эмэгтэйчүүдийн 48 кг-д Даваазоригийн Номин-Эрдэнэ, Алтанбекын Хулан 51 кг, Төгсжаргалын Номин-Эрдэнэ 57 кг, Ганзоригийн Бадмаараг 60 кг-д тус тус хүч үзнэ. Багийн дасгалжуулагч багшаар Т.Чулуунтөмөр, Ж.Еркин, Т.Ганзориг нар ажиллаж байна.
Ташрамд дуулгахад, Монголын залуу боксчдын тэмцээний оноолтыг танилцуулахад, Б.Алтантулга Молдавын тамирчин PRISACARU Vitalle /MDA/ 57 кг-д өнөөдөр /04.13 / орой тулалдана.
Маргааш Э.Сүхбат vs MESSINEO Francesko (GER) 52 кг. 04.14 /өдөр/, Т.Номин-Эрдэнэ vs SERIK Nazerke (KAZ) эм 57 кг. 04.14 /орой/, Г.Бадмаараг vs GAJDOVA Veronika (CZE)  эм 60 кг. 04.14 /орой/, Г.Ган-Эрдэнэ vs HERRERA Montero (CUB) 60 кг. 04.15 /өдөр/, А.Жандос vs KADAMDAUN Ratapol (THA) 69 кг. 04.15 /орой/, Д.Номин-Эрдэнэ vs FOZILOVA Farzona (UZB) эм 49 кг. 04.17 /өдөр/ тус тус оноолт таарсан байна.
 
 
 
 
 
 
 
 
 
Д.Өлзийсайхан
Эх сурвалж: Монцамэ агентлаг