Сэцэн хан аймаг эрт дээр үеэс Монголынхоо төлөө гэсэн сэтгэлтэй олон алдартны өлгий нутаг. Тэдэн дотроос Халхын “хэцүү” То ван хэмээн алдаршсан түүхэн эрхмийн талаар бичмээр санагдлаа. Учир нь миний өвөө То вангийн захирч байсан Илдэн засгийн хошууны угшилтай хүн байсан бөгөөд миний эмээ надад энэ эрхэм хүмүүний талаар үлгэр шиг түүх домог ярьж өгдөг байсан юм.
-------------------------------
То ван буюу Тогтохтөр 1797 онд Сэцэн хан аймгийн Илдэн засгийн хошуунд төрж, 25 настайдаа эцгийн хэргэм зэргийг өвлөн авч хошууны ноён, 1859 онд Сэцэн хан аймгийн чуулганы даргаар томилогдож байжээ. То ван Чингис хааны удмын 27 дахь үеийн хүн юм.
То вангийн эх орон, ард олныхоо сайн сайхны төлөө хийсэн үйлс, шинэтгэлийн үйл ажиллагаа нь тухайн үедээ хичнээн дэвшилтэт хэдий ч Монголыг эрхшээж байсан Манжийн засаг, төрийн бодлогын эсрэг чиглэсэн агуулгатай учраас ямар ч дэмжлэг авч байгаагүй, харин ч шахалт хавчлагатай байнга тулгарч ирсэн байна. Социализмын он жилүүдэд манай үзэл баримтлал ангийн зарчимд тулгуурлах болсон тул То ванг феодал гаралтай язгууртан байсан гэж үзэн түүний үйл ажиллагааг төдийлөн нарийн судалж гаргаж байгаагүй бөгөөд гагцхүү 1990 оноос хойш түүний амьдралын түүх, ажил үйлсийг судалж эхэлсэн юм билээ. Өнөөдөр түүний ажил үйлсийг бүр Монгол судлалын бүрэлдэхүүн хэсэг болгон нарийн судалж байна.
То ван Илдэн засгийн хошууны төв болох Тамсагбулагийг суурин соёл иргэншлийн томоохон төв болгон хөгжүүлж сургууль, “Соёлыг бадруулагч” болон “Хамгийг хамгаалагч” сүм, хиймэл нуур, суваг шуудуу байгуулж, алт мөнгө, төмрийн дархан, мужаан, оёдолчин нарыг ажиллуулж, тариалан, гурилын тээрэм, арьс элдэх, цэмбэ нэхэх үйлдвэрлэлийг явуулж малынхаа тоо толгойг хэд дахин өсгөсөн гэдэг.
Оюуны салбарт туурвисан То вангийн бүтээлээс дурдвал 1853 онд туурвисан “Аж төрөх үйлийг заасан сургаал” зохиолыг нь одоогоор мэдэгдээд байгаа монголчуудын зохиосон эдийн засгийн ухааны анхны ном гэж үздэг юм билээ. То ван уйгуржин монгол үсгийн дүрэм зохиож өөрийн хошуунд байгуулсан “Хошуу танхим” нэртэй сургуульд сурах бичиг болгон хэрэглүүлж байжээ. Манжийн засаглалын дарамт шахалтыг То ван бага ч болов хөнгөрүүлэх арга зам эрэлхийлж өртөө улааны алба хаших, уран барилга, бурхан шүтээний зураг төсөл зохиож бүтээх, ном хэвлэх, ядуучуудад абшиг хишиг хүртээх зэргийг ашиглаж иржээ. Өнөөдөр ч хүртэл гадна, дотны зочид, гийчдийн анхаарлыг татсан Халхын голын эрэг дээр байдаг Жанрайсаг бурханыг бүтээх ажлаа То ван 1859 онд эхлүүлж 1864 онд дуусгасан байдаг.
Ингээд өөрийн сонсож байсан То вантай холбоотой хоёр домгийг сүүлд уншсан зүйлүүдээрээ баяжуулан өгүүлье.
Домог 1. Монгол Манжийн дарлалд байх хүнд хэцүү цаг үед Манжийн нэгэн түшмэл эзэн хаандаа ажил хэрэгч, ухаалаг түшмэл болж харагдах гэж ихэд хичээдэг байжээ. Уг түшмэл Монгол нутгийн Цагаан уулыг өөрийн эзэмшил газраа хэмээн өмчлөхөөр улайрч гэнэ. Үүнд эгдүүцсэн То ван ийн хэлжээ: “Энэ уул яг нэг үхрийн ширний хэмжээтэй. Үхрийн ширний хэмжээнээс илүү гарсныг нь та ав” гэжээ. Түшмэл “хичнээн том үхрийн шир байлаа ч бүхэл бүтэн уулнаас юу хороож чадах билээ, ийм тэнэг хүн яаж яваад вангийн зэрэгт хүрсэн юм бол хөөрхий, манай ихэс дээдэс ийм тэнэг монголчуудын юунаас нь тэгтлээ айн болгоожилдог байна, өнөөх айхтар эр зориг, цэцэн цэлмэг ухаан нь тэгээд энэ үү, би энэ уулыг гартаа оруулах нь тодорхой боллоо.
Тэр цагт хаан эзэн миний хичээл зүтгэлийг үнэлэх буй за” гэж бодоод: “За тохирлоо шүү, ам алдвал барьж болдоггүй, агт алдвал барьж болдог гэж танайхан ярьдгийг та юу эс андах билээ, энэ уулнаас ердөө нэг үхрийн ширний хэмжээтэй нь танай газар нутаг, илүү гарсан нь бүгд манайх болно шүү” гэжээ. То ван түүнийг явсан хойгуур нэг том үхрийн ширийг хурц хутгаар тойруулан утас мэт нарийн зүсүүлж урт аргамж болгоод усанд дэвтээгээд нөгөө түшмэлийг болзсон өдрөө ирэхэд нь: “За сайн харж байгаарай” гээд урт сураа хөврүүлсээр Цагаан уулыг битүү цагираглан хүрээлэхэд хоёр алд хэртэй үзүүр илүү гарчээ.
Тэгэхээр нь То ван: “Манай уулнаас нэлээд хэсгийг хулгайч авсан байна. Олон жилийн өмнө аав минь Манжийн хаанд бэлэглэхээр зэхсэн алтаа энэ ууланд нуусан гэдэг.
Гэтэл алт нуусан яг тэр хэсэг нь алга болсон байна, та тэр алтыг хулгайлж аваад дахин алт олох гэж шунахайрч байгаа юм байна. Энэ уулыг манай уул гэж зарга үүсгээд байсан учрыг чинь оллоо. Би таны тухай Манжийн хаанд зарга мэдүүлэх болно” гэж их л ширүүхэн хэлж гэнэ. Гавъяа шагнал битгий хэл ял шийтгэлд ч унаж магадгүй болсон манж түшмэл сандран: “Үгүй дээ тэнгэр угсаат түшмэл минь, би юу дутсан гэж хулгай хийх билээ, тэр алтыг өөр муу хүн авсан байх, тэр хулгайчийг барих хэрэгтэй шүү” гээд То ванд мөнгөн ембүү хоёрыг бариад яарч сандран буцсан гэнэ. Тэр уулыг яваандаа Вангийн Цагаан уул гэх болжээ.
Домог 2. То ван Манжийн өвөрлөгч хошууны ноёнтой мянган тэрэг давсны оронд мянган бяруу өгөхөөр хоног хугацаа хатуу товлон хэлцэл байгуулжээ. Гэтэл өвөрлөгч хошууныхан амласан хугацаанаасаа хоцорч ирж гэнэ. То ван: “Та нар хоцорч ирсэн тул өгөх мянган бяруу байхгүй, бас манай давсны хэрэгцээ хангагдсан учраас одоо наад давсаа аваад буц” хэмээжээ. Манж ноёнтон: “Бид энэ хүнд ачааг авч яваад яах вэ энд нь асгачихъя” гэж гуйхад: “Битгий нутаг ус бузарлачих гээд бай” хэмээн огт халгаалгүй нэлээд гуйлгасны эцэст То ван: “Тэгвэл асгах газрыг нь би зааж өгье” гээд Сангийн далай нуурын тойром усанд хийлгүүлжээ. Ингэж манай дорнод нутгийнхан цэвэр давсны орд газартай болсон гэдэг.
Өнөөгийн бид То вангийн түүх, сургаал, ажил үйлсийг сайтар судлавал санаа авах зүйл их байгаа гэж бодож байна.
Хангайн Алтай
Сэтгэгдэл37
Мэддэг л хууч яриа бн. Цаагуураа дэвшчих санаатай юм байх даа л гэж бодогдож бн.
Манжуудтай нийлж ардуудаа дарлан мөлжиж байсан гээд нэмээд бичээрээ чадалтай байсан бол эзэн манжтайгаа алалцаад тусгаар болчих боломж байсан муу боолуудад тийм ухаан дутнаа. Харийн дайсан ирэх цаг адгийн хувилдаж шаарнууд дээшээ гардаг жамтай юм.
Энэ хүү манай Сэцэнханыхны түүхийг овоо судалж байгаа - гайгүй ч хүүшүү . Манай Е , ЕС нар цэрэг , цагдаа хүчнийхнийг зүй ёсоор Сэцэнханыхнаар бэхжүүлээд байх шиг байх юм , энэ хүүг нэг ОВОО АЛБАНД тохоочихдоггүй юм байх даа ...
Ха ха өөртөө сээгий шгаад байгаарай Алтай
Манжын үед төрсөн нь азтай тэгээгүй оросын дарангуйллын үед төрсөн бол толгой байтугай үе удамаараа хядуулахгүй юү
Сонирхоод байх юм алга. 70 аад оныхон бүгд мэддэг л түүхүүд байна.
80 аад оноос хойшхинь мэдэхгүйд учир байна. Одоо мэдэж авч илүү сонирхон өөрсдөө уншиж судлах сэдэл өгч байгаад учир байна.
ач хүү доржпалам нь эх орноосоо урвагч хужаагийн бууний нохой байсан
Байдаг л нэг түүх бүгд мэднэ, То вангийн чинь ач хүү Манжбазарын Доржпалам түүний хүү Цэрэнжалбуу нарын Хятадад уравсан этгээдүүдийн талаар бас бичих ёстой бишүү нэгэнт л бичиж байгаа бол. Ингэж наалдаж байгаад болхи аргаар эвтэйхэн дэвшчих санаатай гэвэл бүтэхгүй шүү хүүхэд минь.
Кино яриад байгаа юмуу бүгд л үзсэн шүү дээ.
С. Баярын суганы үс банди бас гишүүн болох уу
Хүүдээ Хэнтий гэдэг нэр өгсөн болов уу даа.
Сайн судалсан байна. Чадалтай залууд амжилт хүсье. Муусайн троллуд цаашаа. Сэцэнхан угшилтай хүн бүрийн л мэдэж байх ёстой зүйл. Судлаад түгээгээд байгаа нь л өөрөө зүтгэлтэй чадалтай хүн байна гэдгийг харуулж байна. Баяр хүргэж амжилт хүсье!
2003 онд судалгааны ажлаар Дорнодыг бүтэн тойрч явж байлаа. Зудны дараах шилжилт хөдөлгөөн, түүний иргэдийн амьдралд хэрхэн нөлөөлж байгаа талаар асуулга авч олон ч айлаар орсон. Залуус нь үүх түүхээ мэддэггүй, хөгшчүүл нь хуучлах дуртай То вангийн тухай ч дурдаж ярьдаг байсан. Залуу үе ер түүхээ мэдэхээ байсан шүү. Юм ч уншихаа байсан. Ийм байхад 40 гарсан эр дөрөө дарсан ат гэж энэ Алтай сайн байна. Түүхээ судлаад гаргаж байна. Бүр баяжуулж гаргавал олон ч хүн унших болно. Амжилтын дээдийг хүсье нутгийн дүүд.
2003 онд судалгааны ажлаар Дорнодыг бүтэн тойрч явж байлаа. Зудны дараах шилжилт хөдөлгөөн, түүний иргэдийн амьдралд хэрхэн нөлөөлж байгаа талаар асуулга авч олон ч айлаар орсон. Залуус нь үүх түүхээ мэддэггүй, хөгшчүүл нь хуучлах дуртай То вангийн тухай ч дурдаж ярьдаг байсан. Залуу үе ер түүхээ мэдэхээ байсан шүү. Юм ч уншихаа байсан. Ийм байхад 40 гарсан эр дөрөө дарсан ат гэж энэ Алтай сайн байна. Түүхээ судлаад гаргаж байна. Бүр баяжуулж гаргавал олон ч хүн унших болно. Амжилтын дээдийг хүсье нутгийн дүүд.
Сонирхолтой түүхүүд нийтэлж байгаад баярлалаа
Энэ эрхэм хүний тухай 1995 онд анх зохиолч найруулагч Ч. Гомбо гуайн кино зохиолыг уншиж мэдсэн. Гомбо гуайн хүсэлтээр зохиолыг нь кино болгох, санхүүжилт босгохоор 3 гавьяаттай Дорнод аймгийг өвлийн тэсгэм хүйтэнд зорьж байлаа. Санасан ажил сэтгэлчлэн бүтэж киноны санхүүжилтийн 70 хувийг Дорнод аймаг гаргах 30 хувийг УКТН буюу кино үйлдвэр гаргаж уг кино хийгдсэн. Хэдийгээр арилжааны кино биш ч гэлээ би энэ түүхэн хүний тухай кино байх нь хэрэгтэй гэж үзээд захирлын зөвлөлийн шийдвэрийг эсэргүүцэн2 энэ киног хийлгэсэн дээ. Яах вэ миний нэр тэнд огт дурсагдаагүй өнгөрсөн ч энэ үйл хэрэгт сэтгэл гаргаж хүчин зүтгэсэн маань үнэн тул сэтгэл өег явдаг. 3 гавьяат гэдэг нь кино зураач Мягмар, зураглаач Донров, кино зохиолч Гомбо гуай шүү дээ. Залууд баяр хүргэе.
То вангийн эсрэг ардын заргын тухай Нацагдорж акад.товч бичсэн түүнээс хойш тэр тухай болон Пунцагцэрэнжалбуу хатуу дарс,хар тамхины дон шүгэлж уруудаж байснаа татаж арай дээрдсэн боловч төдий л өөдлөөгүй байсаар хоёр охиноо эмсийн хүрээлэн лүү үе үе илгээдэг болсон тухай, гүн Жамьянгийн охин(ПЦЖалбуугийн хатан) Чимид Наянт вангийн дэмжлэг хэрхэн авч сэхсэн тухай зэргийг судлууштай
Физикийн ухааны доктор Палам гуай То вангийн талаар маш их судалж, хэд хэдэн ном гаргасан шүү...
Чихтэй ч чихгүй, нүдтэй ч хардаггүй, савгүй хүмүүст сайхан үг санаа болохгүй дээ. тийм улсад юм дуулгахгүй нь дээр гэдэг.
То ван тэгээд төрсөн хүүхэд дээ яагаад Манжбазар гэж нэр өгсөн юм бэ? Монгол хүн хүүхдэдээ манж гэдэг нэр өгнө гэж байхуу? Манжбазарын хүү Доржпалам нь манжид урвасан байгаа юм. Түүний хүү Цэрэнжалбуу нь ч бас манж Хятадад урвасан. Монгол тусгаар улс болохын эсрэг ажиллаж байсан хүмүүс байх юм.
Манж гэдэг үгний утгыг бэлэгдэж өгсөн байх. Түүнээс бус манжийг шүтсэндээ өгсөн хэрэг биш байхаа. Манж гэдэг нэртэй хүмүүс байж л байдаг.
Улстөрд орж ууж идэх гэж хошного нь загатнаад зүгээр байлгахгүй байгаа юм байна.Дэмий балай юм хуцаад байхаар шуудхан Хүрэлсүхэд хошногодуулаад боовыг нь хөхчихвөл дэвшинэ шүү..
Manjiin ylger
Za tgd ene eh oronchiin urvagch huuhdiin ur udam n odoo haaguir bn daa. Hariin daisan haluun setgeltnii dureer irne gsn. Odo songuuli dohood bugd l haluun setgelten bolj haragdaad bh yum daa
Хаха, цуу яриа шиг юм бичсэн ээ түүх судлаач болоод чаачих юм уу? Одоогийнхоор бол байдаг л нэг зальт наймаачин шиг нөхөр л байж дээ. Чи ч гэсэн юу л гээд энд ингэж мунгинаж яваа бол доо. Залуу хүн чинь техник, технологи, инноваци ярьдаг болхоос чам шиг дундад зуун яриад чаагаад байж таарахгүй ээ!
Түүхээ мэдэж байж хүн болноо гэж.
Таалагдлаа. Энэ үхрийн ширний домгийг сонсч байсан юм байна. Энэ хүн их ухаалаг ард түмнээ гэсэн сэтгэлтэй хүн байжээ.
То вангийн ач Доржпалам ван гэж жинхэнэ харь сэтгэлтэй бүтэлгүй урвагч байсан байгаа юм. Доржпалам монголын эсрэг олон муухай юм хийгээд эцэст нь хятад руу зугатаж тонилсон гэдэг шүү..
То вангийн удмынханаас мулгуу шунахай урвагчид төрж гарсан байдаг. Ач нь Доржпалам ван гэж урвагч монголын эсрэг олон муухай юм хийгээд сүүлд нь хятад руу зугатан тонилсон гэдэг.
Алтайн нутаг монголтой төстэй
Ugshil gedeg ug mald hereglegddeg ug shuudee zuw yrij suraachee mongolooroo
👍👍👍
Sudalj, unshij, bichij baigaa negnee demjye. Analiz ch hiij chadku baij tsahimaar hudlaa har energyee tsastaha bolio. Mundag shuu Altai! Demjij baina!
Баярлалаа. Монгол улсын минь ард иргэд бид бүхэн түүхээ судлаж дэлгэрүүлэн сонсож мэдэхийг маш их хүснэ. Түүх түүхээрээ үлдэж ард иргэд бид бүхэн баярлан бахархан сонсож судласаар байх болно. Баярлалаа.
мундаш ах шүү ажилдан амжилт. 👏🏻
энэ яахав дэвшчих санаатай л дэвж байгаа хэн танихын МАНАН Сү, С.Баярын суганы үс