Би бол ХҮН. Намайг төрөхийн “гажиг” эсвэл синдром биш зүгээр л хүн гэж хараач гэж та бүхнээс хүсч байна. Намайг нийгмээс алга болгох гээд эсвэл эмчлэх гэж оролдоод хэрэггүй. Би зүгээр л та нараар хайрлуулж, үнэ цэнээ мэдэрч, боловсрол эзэмшмээр байна. Хааяадаа л та нарын тусламжыг авахыг хүсдэг. Ямар тусламж вэ гэвэл эцэг эхчүүд, хүүхдүүдэд аль болох хурдан сургалт хийгээсэй, тэдэнд эрүүл мэндийн үйлчилгээ, тэр дундаа харааг нь шалган нүдний шил тааруулж өгөөсэй, бусад хүүхдүүдтэй адилхан сургуульд явуулаасай гэж хүсдэг. Биднийг өөрсдөө суртал нь ажлын байран дээр дадлагажуулж, ур чадвар эзэмшихэд туслан бие даан ажиллаж амьдрахыг маань дэмжээч. (baabar.mn сайт)

Эрх баригчдын үнэ цэнэ навс унажээ. Тэд эх орноо сайхан болгоё гэж тэмүүлсэн нь үнэн хөөрхий. Ардчилал чөлөөт зах зээлийг сонгоод зүтгэсэн юм зайлуул. Гэвч 20-30 жилийн бөгсөнд юу болов? Улс хөгжих сайхан ч явцын дунд өөрөө баяжих бүр гоё нь ховсдов. Эх орны ба хувийн мөрөөдөл ид шид шиг бүтсэнгүй. Өр зээлд унав. Луйвар хулгай авилга хяналтаас гарч, хууль гууль болж, монжигчид хуйвалдагчид оодорч, баян хоосны ялгаа гаарч, танил бус сорилтууд халиранхай харанхуй залхуучуудыг шогнойлгов. Өрсөлдөөнөөр баяжих ёстой чөлөөт зах зээлийн жамыг зальдахаар сул олзонд хошуурлаа. Өөртөө хайргүй хүн байдаггүй ч ард олондоо бүгд хайртай гэвэл худал. Улсаа хөгжүүлэх хүслийг хувиа хичээх луйвар дийлдэв. (baabar.mn сайт)

Нийслэлийн саяын сонгуулиар,хотоо дордуулсан мөнөөх варварууд дахин яллаа. Гэр хорооллын нутаг дэвсгэр дээр“шинэ Улаанбаатар” босгох замаар нийслэлээ доройтолоос авч гарч болно гэдэгт тэдний ухаан хүрдэгүй юм. Улаанбаатар хот, Энхтайвны өргөн чөлөөний дагуу бүх гол амьдрал нь сунаж тогтсон,цаанаасаа л метро барихад зориулан төлөвлөсөн юм шиг хот гэдэгт тэдний ухаан хавьтдаг ч үгүй.Гэх мэтээр тэдний ухаан хүрдэггүй зүйл Улаанбаатарт олон бий. Тэд тэнэгтээ тэгээд байгаа юм биш.Сэтгэлгүйдээ тэнэгтээд байгаа юм.Иргэншиж чадаагүй болоод тэнэгтээд байгаа юм.Ийм варварууд нийслэл хотыг маань ахиад 4 жил удирдах болжээ! (baabar.mn сайт)

Францын зохиолч эмэгтэй Аннэ дэ Ла Рош-Гильены намтар, уран бүтээл харьцангуй хожим утга зохиол судлаачдын сонирхлыг татаж эхэлсэн юм. Энэ нь хоёр зүйлтэй холбоотой. Нэгд, эмэгтэй зохиолчдыг утга зохиолын ертөнцийн гадна орхих хандлага бүр дундад зууны үеэс эхтэй, 20-р зууныг хүртэл амь бөхтэй явсаар байжээ. Хоёрт, Францын протэстант шашны гэр бүлийн нэг гол төлөөлөгч болохынх нь хувьд олонх болох католикууд аль болох намтар бүтээл, ач холбогдлыг нь дарах, үл дурсах бодлого баримталсаар иржээ. Эмэгтэй зохиолчдыг, ялангуяа үзэл бодол өөр уран бүтээлчдийг өөрөөр харах болсон өнөө үед харин Аннэ дэ Ла Рош-Гильены зохиол бүтээл судлаачдын анхаарлын төвд ороод байна. (baabar.mn сайт)

Ялагдлаа. Уналаа. Олон хүний итгэлийг алдсан юм шиг маш хэцүү мэдрэмж байна. Намайг дэмжсэн, миний сонгуульт ажлын төлөө өдөр шөнөгүй зүтгэсэн, үнэтэй хандив туслалцаа үзүүлсэн та бүхэндээ чин сэтгэлээсээ баярлаж талархаж байна. Үнэхээр их. Болдог бол бүгдийг нь чанга тэврээд баярласнаа хэлмээр байна. Ялалт байгуулсан нийт нэр дэвшигч нартаа баяр хүргэе. Манай энэ хотод анхан шатнаасаа тус болох ёстой маш олон хүүхдэд багачууд, хүмүүс байгааг хэзээ ч битгий мартаарай. Иргэдээ гэсэн зөв хөрөнгө оруулалтаа дандаа зөв газраа хийнэ гэдэгт итгэж байна. Бидний гэр болсон нийслэл хотын минь тулгамдсан асуудал бүрийг хоёргүй сэтгэлээр шийдэх болтугай. Би ч мөн адилгүй үүний төлөө зүтгэсээр л байх болно. Баярлалаа

-Өөрийнх нь “Монгол ялав” гэсэн тамга л байна. Би Баттулгад үнэхээр итгэж байсан. Гэтэл улаан коммунист З.Энхболдтойгоо, улаан социалист Н.Алтанхуягтайгаа нийлж тэр итгэл рүү минь ус цацсан. Тийм учраас би энэ нөхөртэй хатуу ярина. Үнэн байх, зөв байхын төлөө би энэ нөхөртэй эвлэрэхгүй ээ. (baabar.mn сайт)