ЛОНДОН. /CNBC/. Зэсийн үнэ тун удахгүй түүхэн дээд үзүүлэлтэд хүрч магадгүй гэж Америкийн “Goldman Sachs” группийн шинжээчид үзэж байна.
Энэхүү түүхий эдийн үнэ энэ долоо хоногийн мягмар гарагт 7719 ам.доллар хүрсэн нь 2013 оны гуравдугаар сараас хойших хамгийн өндөр үзүүлэлт болсон юм.
Эрчим хүчнээс эхлүүлээд бүтээн байгуулалтын салбарт ашиглагддаг зэсийн үнэ энэ онд 22 хувиар өссөн нь 2017 оноос хойших хамгийн өндөр өсөлт болжээ.
Нийлүүлэлт тасалдаж, “ногоон” эдийн засгийн хөшүүрэг болох төлөвтэй байгаагийн зэрэгцээ БНХАУ коронавирусний халдвараас үүдэлтэй хямралаас хурдан сэргэж байгаатай холбоотойгоор зэсийн үнэ ийнхүү өсөж байгаа ажээ. 
 
 
Э.Хулан
Эх сурвалж: Монцамэ агентлаг