Монголын ардчилал Улс орны маань хөгжил дэвшилд түүхэн дэвшил авч ирсэн боловч, Улс төрийн намуудын бодлогогүй алхамуудын үр дагавараар Монголчууд бидний үр хойчсын ирээдүйн хувь заяа бүрхэг болж, цаашид Монгол Улсаа монголоор нь хөгжүүлэх эсэх нь түмэн олны ухаарал, эв нэгдлээс шалтгаалах хариуцлагатай сонголтын өмнө тулж ирлээ.
Засаглалыг бүх нийтээрээ сонгон байгуулдаг ардчилсан нийгмийн бүтэц болох “Улс төрийн нам”-ууд, эд хөрөнгөнд дулдуйдсан, хувийн сонирхолд хөтлөгдсөн хүмүүсийн цуглуулга болж, намын эрх мэдлийг бүлэглэн хуйвалдсан хэсэг хүмүүс өмчлөн захирч, ард түмний бүрэн эрхийн хэм хэмжээг алдагдуулж, төрийн сонгууль намуудын амлалт, мөнгөний өрсөлдөөн болж, иргэдийг үзэл бодлоор нь гадуурхан ангилж, эрх мэдэлд хүрсэн хэсэг нь Монголын нийт баялгийн 80 гаруй хувийг хуваан эзэмшиж, нийгмийн ялгарал эрс нэмэгдлээ.
Иргэдийн дунд энэ муу муухай бүхнийг ардчиллаас болсон мэт цуу үг, яриа дэлгэрч, жирийн иргэний үзэл бодол, ашиг сонирхол, дуу хоолой бүдгэрэн холдсон энэ үед Ардчилсан хувьсгалыг манлайлан ажил амьдралаа золиослон зүтгэж “Аз жаргалын хаалгыг ард түмэндээ нээж өглөө” хэмээн бахархаж байсан “АРДЧИЛЛЫГ АНХЛАГЧ” МоАХ, АСХ, ШДХ, МОХ-ны гишүүд бид дуугүй суух ёс суртахууны эрхгүй гэж үзлээ.
Бид зөвхөн санал хэлэх биш санаагаа Монгол түмэндээ хүргэхийн тулд “АРДЧИЛСАН ХУВЬСГАЛЫГ АНХЛАГЧДЫН ЗӨВЛӨЛ” төрийн бус байгууллага байгууллаа.
Бидний зорилго нь: Монгол түмнийгээ: “Харанхуй улстөржилт”, утга учиргүй талцлаас ангижруулж, гэгээрэн боловсорсон, хариуцлагаа ухаарсан, ахан дүүсэг, эв эетэй, “Хүмүүнлэг, иргэний ардчилсан нийгэм”-ийг Монгол улсдаа бодит агуулгаар нь цогцлуулан хөгжүүлэх нэгэн их зорилгод гэгээрүүлэн, итгэл үнэмшлийг нь төлөвшүүлж, хүсэл тэмүүлэл, хандлагыг нь шинэчлэн сэргээхэд оршино. Бидний зорилго Монгол түмний ухаарал дэмжлэгт тулгуурлна.
БИДНИЙ ҮЙЛ АЖИЛЛАГАА НЬ:
Ардчиллын гажуудлыг арилгах
Шударга ёсыг тогтоон бэхжүүлэх
Иргэний нийгмийг төлөвшүүлэн цогцлоох
Энэхүү гурван их зорилгод ард түмнээ гэгээрүүлэн ухааруулж. ардчилал, шударга ёс, иргэний нийгмийн үзэл баримтлалд гуйвалтгүй зогсох оюун санааны шинэ хандлагыг иргэд, тэр дундаа залуу үедээ
төлөвшүүлэхэд чиглэсэн, бодлогын бөгөөд тасралтгүй, бүх нийтийн хэв шинжтэй байна.
ҮЙЛ АЖИЛЛАГААНЫ ҮР ДҮНД МОНГОЛ ТҮМЭН УХААРАН ГЭГЭЭРСНЭЭР:
-Монголын Ардчилал гажуудал, хэлбэрдэлтээс ангижир ч бодит агуулгаараа, зохистой төлөвшинө.
-Улс төрийн намууд цэвэршин тунгалагшиж, нийтийн ашиг сонирхолд үйлчилнэ.
-Засаглал бүх шатандаа тогтоосон хэмжээ хязгаар, шударга ёсонд захирагддаг болно.
-Аливаа дарангуйлал, мөлжлөг, ялгаварлан гадуурхалт арилна.
-Засаглалын үйл ажиллагаанд иргэдийн оролцоо, хяналтын тогголцоо бий болно.
-Нийгмийн ёс суртахуун сэргэн мандаж хүмүүнлэг харилцаа төлөвшинө.
-Нийгмийн хариуцлагын ухамсар шинэчлэгдэн сэргэж, шинэ хандлагатай болно.
-Хүрээлэн байгаа орчноо хайрлан хамгаалах, зүй зохистой ашиглах нь бүх нийтийн үйлс болж иргэдийн хараа хяналтанд орно.
-Төрөөс эдийн засаг, нийгмийн хөгжлийг тогтвортой өсгөх бодлого нь зохицуулалттай хэрэгжинэ.
-Улс төр, эдийн засагт олигархи бүлэглэлийн ноёрхол эцэс болно.
-Улс орныхоо хөгжлийн бодлого, хэтийн замыг гадаадынхнаар заалгадаг биш Монгол түмнийхээ хүсэл тэмүүлэл, оюун ухаан, нийгмийн хөрс сууринд үндэслүүлдэг болсноор нийгмийн хөгжлийн шинэ үе эхэлнэ
МоАХ ШДХ, АСХ, МОХ-ны (анхдагч) гишүүд ээ! Бид 1989 оноос нэг зорилгын төлөө өөр өөр холбоо, хөдөлгөөнд нэгдэн тэмцэж амжилтанд хүрсэн.
Бид өнөөдөртөө дүгнэлт хийж, ирээдүйг тольдон тунгааж нэгэн цул болон ажиллах зайлшгүй шаардлагын өмнө тулж ирлээ. Монгол орныхоо өнцөг булан бүрт “Үндэсний ардчилсан хувьсгал”-ынхаа төлөө сэтгэлээ чилээн, сайнд нь баярлаж, саарт нь эмзэглэн суугаа анд нөхөд та бүхэндээ 1989, 1990 онд хамтран тэмцэж бий болгосон ардчилсан хувьсгалаа хамгаалах, шударга ёсыг тогтоох, хүмүүнлэг иргэний нийгмээ цогцлоох их үйлсэд нэгдэн зүтгэхийг уриалж байна.
Анхлагчдын эгнээнээс төрийн болон Нийслэлийн эрхийг барилцаж, төрийн албанд ажиллаж байгаа эрхэм журмын нөхөд өө! Ардчилсан хувьсгалд мөр зэрэгцэн тэмцэж, онож алдсан ямар ч үед та нарыгаа түшин тулж ирсэн нөхөд чинь хорин таван жил хавчигдан шахагдаж, маргаж мэтгэлцэж, ойлгож ухаарсаар хатаасан болд, гэгээрсэн дайчид болон төлөвшжээ. Та нарыгаа ардчиллынхаа төлөө санаа зовж, алдаа гажуудлыг нь засах юмсан гэж биднийхээ нэгэн адил сэтгэлээ сэмлэж байгаа гэдэгт итгэлтэй байна. Ардчиллынхаа ололтыг бататгаж, гажуудлыг арилгах их шинэчлэлд бидэнтэйгээ цуг байхыг уриалж байна.
Эрдэмтэд, Судлаачид аа! Монгол Улсынхаа ардчиллын төлөвшил, иргэний нийгмийн онол, арга зүйн талаар өөрсдийн судалж боловсруулсан бүтээлийг төрийн бодлого үйл ажиллагаа болгон хэрэгжүүлдэг шинжлэх ухаанч, бодлогын төрийг төлөвшүүлэхийн төлөө санаа бодлоо нэгтгэн зүтгэхийг уриалж байна.
Үндэсний сэхээтнүүд ээ! Монгол Улсынхаа улс төр, нийгэм, эдийн засагт гарч байгаа гажуудлыг арилган цэвэршүүлэхэд та бүхний оюун санааны хүрээ, үзэл бодлын чигч баримтлал, олон нийтийг гэгээрүүлэн дагуулах чадвар ихээхэн нөлөөтэй тул та бүхнийг шинжлэх ухаанч, цэвэр шударга нийгмийн төлөө байхыг уриалж байна.
Хэвлэл мэдээллийн байгууллагын ажиллагсад, сэтгүүлчид, нийтлэлчид ээ!
Та бүхэн Монголын ардчилсан засаглал, иргэний нийгмийн байгууламжинд тохиолдож байгаа бэрхшээл, гажуудлыг бичиж нийтэлсээр ирсэн боловч эрх баригчид анхаарч үзэх нь бүү хэл, хууль шүүхээр далайлган дарамтлахад, шантарч цөхрөөгүй зүтгэлтнүүд бөгөөд, хэвлэл мэдээллийг нийгмийн хүсэл шаардлага, дуу хоолой гэж үзэн иргэний засаглалын хэмжээнд гэж үнэлдэг “Сайн засаглал”, тунгалаг төрийн төлөө нэгдэхийг уриалж байна.
Монголын нийт иргэд, залуучууд, эмэгтэйчүүд ээ! Монголын ардчилсан хувьсгалыг анхлагчид бид ард түмэндээ дахин хандаж байна. Үндсэн хуулиараа тогтоон тунхагласан “Хүмүүнлэг, иргэний ардчилсан нийгэм байгуулах” эрхэм зорилгоо хэрэгжүүлж, түүхэндээ олдсон эрх чөлөөгөө бодит утгаар нь хамгаалан бэхжүүлж, тохиолдож байгаа гажуудлыг арилган, ардчиллаар олсон боломжийг ашиглан түмэн олондоо гэрэл гэгээтэй, дэлхий дахинаа үлгэр жишээ Монгол улсаа цогцлоон хөгжүүлэхэд, нас, хүйс, яс үндэс ялгалгүй итгэл сэтгэлээр нэгдэхийг уриалж байна.
Монголын Улс төрийн намуудад: Бид аль нэг улс төрийн намыг магтан дуулж, муучилан үгүйсгэхгүй. Өнөөдрийн улс төрийн бодит хүчин болох намуудад эрс шинэчлэл хийхгүй бол Монгол түмний итгэл, сэтгэл, тэвчээрт хязгаар бий гэдгийг сануулж байна.
АРДЧИЛСАН ХУВЬСГАЛЫГ АНХЛАГЧДЫН ЗӨВЛӨЛИЙГ ҮҮСГЭН БАЙГУУЛАГЧИД:
Баянөлгий- Х.Баядолдой, Н.Самат, Сэлэнгэ- Г.Нороврагчаа, Д.Тунгалаг, Баянхонгор-Д. Найдан, Ц. Гийпэлмаа, Ч. Доржпагам, Төв- С.Алтангэрэл, Х.Баттөгс, Булган- Б.Пүрэвдорж, Увс- Б. Эрдэнэбаатар, Говь-алтай - О.Цоодол, Ховд- Д. Хархүү, Л.Дашмаа, Э.Ариунааь Дорноговь- 3. Саарал, Хөвсгөл- Д. Чилхаажав, Дорнод- Д. Баярцэнгэл, Б.Амарсайхан, Хэнтий -С.Дамдинсүрэн, Дундговь- М.Моёор, Улаанбаатар- У. Сүхбаатар, Ц. Даваадорж, В. Дүгэрмаа, Өвөрхангай- Б.Батжаргал, А.Ганболд, Б.Өлзийсайхан, Ч.Сүрэнхорлоо, Ц. Эрдэнэбат, АСХ, ШДХ, МоОХ. С Туяа, Л.Өлзийтогтох, Д.Мөнхтөр
Эх сурвалж: "Хөх толбо" сонин
Сэтгэгдэл0
Ардчилагчид Монгол орныг сэххээргүй болтол сүйрүүлж талцуулж чимээгүй дайн дэгдээж ардчилалаар жигүүрэлсэн хэдэн хунхуузууд төрийг сөнөөж хууль цаазыг гажуудуулж хүн ардыг тамлаж ертөнцийн булай бүхнийг чимээгүй нутагшуулж байгааг зүхэн зэвүүцэхгүй эрүүл ухаантай хүн энэ Монгол улсад алга хөөе.25 жил бүүр 25жилшдээ хууртагдаж хулгайлуулж дээрэмдүүлж газар нутгаа цөлмүүлж дарамтлуулж хамаг эрхээ хасуулан татвар даатгал нэрээр шулуулж улмаар тусгаар тогтнолоо ганхуулахдаа тулаад ард түмний өмч эх орныхоо газрын баялгыгч өөрсөндөө хувиарлах эрхгүй ер нь хүний эрхийг ноцтой олон удаа зөрчиж дураараа аашилж байгаа төрд шигсэн ардчилсан хулгайчуудтайгаа хариуцлага тооцоогүй цагт ардчилалд итгэх нохойч үгүй болсон шүү!!Ардчилал гэж хөвсөрсөн газар болгон сахилга хариуцлага замхарч улс,ард түмний өмч хөрөнгө шамшигдаж байгааг 8 настай балчраас 80 настай буурлууд хүртэл гаслан харааж байгааг санахтүн!Албан тушаалтай ардчилагч жирийн ард хоёрын эдэлж хэрэглэх аашилж аяглах зэрэг баяцхан зүйлийг энгийн нүдээрээ харчих далдруу нь саналтгүй бүгд хамгаалагчаар мануулцан гээд бодоорой!Нийтээрээ удаан хууртагдаж тамлуулаад тонуулаад ирхээрээ үзэн яддаг болчихсон байгаадаа!Та нар 5 жилийн өмнө ингэж дугарсан бол эргэлзэх биз!Дахиж хуурах боломж байхгүй.Ардчилалаар дулдуйдаж төрийн нэр барьж түмний цус сорж газар нутгыг маань зарж баяжсан хулгайчууд урвагчид дотоодын дайснууд Монгол нутгын ариун хөрсөн дээр гишгэх эрхгүй.Ирэх жилийн сонгууль эхэлтэл шуналдаа захирагдаад дахиад цөлмөх,бузар булайгаа дарах санаатай улайран зүтгэнэ.Ялагдхаа мэдвэл оргон зайлах буман суваг бэлдсэн гадаад орчингооч базаасандөө!Алдчихгүйхэн шиг алдсан баялгаа буцааж аваад ял өгч дуригсан шанг нь хүртээх шаардлагатай гэж мунхаглана.Ардчилагчид хэзээч өөдтэй байгаагүй!Гомдмоор.
Tiim ee, vnen! Bi shine veiin zaluus negdsen "XVH" namyg denjine...
ардчлалыг үүсгэгчид өнөөдөр төрд гаргасан луйварчдаасаа салах яггүй том зорилттой тулгарч байна. ардчлалын нэр барьсан дарангуйлагчид хүчний бүх байгууллагыг эрхшээлдээ оруулж ардчлагчид, иргэдийн эсрэг юу ч хийхээс буцахүй болжээ. цөөн хүнийг хөрөнгөтэй болгохын тулд олон зуун мянган хүнийг өмч хувьчлал нэрээр ажилгүй болгов. ирээдүйдээ итгэл алдарсан хүмүүс жилд зуугаараа амиа егүүтгэдэг болсон бөгөөд жил ирэх тутам тоо нь өсөн нэмэгдэж байна. хүсээгүй жирэмслэлт нэрээр монголын ирээдүй болох зуун мянга гаруй иргэдийг устгав. ардчласан дарангуйлал ардын засгийн дарангуйлалаас олон дахин давлаа. эрхтэй, мөнгөтэй хүчтэй болсон ардчилсан дарангуйлалаас салахын тулд хэтэвч нэгтэй болсон МАН-ынх нь хамт АН-ын гишүүд дэмжигчид саналаа МАНАН-д өгөхгүй байцгаая ардчилалаа хамгаалая луйварчид сонгогдохгүй болмогц АН-ыг орхиж зайлцгаах болно намаа, ард түмнээ аврах тэмцэлд монголчуудаа нэгтгэе
ta nar muusain hoshnogonuud baihgui ardchilal yarij soliorch baihaar erthen shig naad batlahaa urj hayaad mahn namd hurdan elszgee tegvel chin olziitei daraagiin songuuld ene soliotoi ugee yarij bolhgui an nam duussan guizee anhaaruulllaa shuu an namiin bogs doloogch baisan gej aij yavah ue ireh viiii
АН МАН хоёр нам биш мам лүд болжээ. намын удирдлага эрх ашгийн эрэмбээ алдахаар ард түмэндээ адлагдаж мам лүд шиг болдог. одоо АН МАН-ын удирдлага ийм байдалд бүрэн оржээ. ардчлалын алтан хараацайн нэг зоригт улсын эрх ашгийг эхэнд нь тавьж байя гэсний төлөө алагдаж байсан шүү
BUR HUVIIN OS HONGOOR NIITSGUI SANAGDSAN HUNIIG AJLAAS HALDAG BUSARMAG BOLJ