sonin.mn
Сэтгэгдэл (8)

Израилийн Ерөнхий сайд Беньямин Нетаньяху АНУ-ын Ерөнхийлөгч Дональд Трампт Ираны цөмийн байгууламжуудыг онилсон агаарын цохилтын төлөө баяр хүргэж, уг шийдвэрийг “түүхэн эргэлтийн мөч” гэж нэрлэв.

Тодруулбал АНУ гурван цөмийн байгууламжид цохилт өгснөө зарласны дараа Нетаньяху видео мэдэгдэл хийж, “Ерөнхийлөгч Трамп танд баяр хүргэе. Ираны цөмийн байгууламжуудыг онилох зоригтой шийдвэр тань түүхийг өөрчилнө гэдэгт итгэлтэй байна. Америкийн энэхүү хүчирхэг, зөв шийдэл нь дэлхий дахинд АНУ-г хосгүй хүчтэй гэдгийг харууллаа. Энэ бол зөвхөн дайн, цохилт биш, харин бүс нутгийг энх тайван, хөгжил цэцэглэлтийн ирээдүй рүү хөтлөх түүхийн эргэлт юм” хэмээсэн юм.


АНУ-ын зүгээс Ираны гурван цөмийн байгууламжид агаарын цохилт өгсөн тухайг Трамп өөрөө зарласан бөгөөд энэ нь олон улсын анхаарлыг татсан томоохон үйл явдал болоод байна.


Нетаньяхугийн энэхүү мэдэгдэл нь Израилийн Ирантай холбоотой аюулгүй байдлын байр суурийг дахин бататгаж буй хэрэг бөгөөд тус бүс нутгийн геополитикийн нөхцөл байдалд хүчтэй нөлөө үзүүлж болзошгүй юм.


Эх сурвалж: economictimes.com


М.Гал