“Шинэ хоршоо” хөдөлгөөний нээлтийн арга хэмжээ UG Arena-ийн их танхимд үргэлжилж байна. Нээлтэд Монгол Улсын сайд, ЗГХЭГ-ын дарга, “Шинэ хоршоо” хөдөлгөөний санаачлагч, зохион байгуулагч Д.Амарбаясгалан оролцож үндсэн илтгэлийг танилцууллаа. Энэ арга хэмжээнд хот, хөдөөгийн малчин, хоршоологчдын 3100 гаруй төлөөлөгч оролцож байна.
“Шинэ хоршоо” хөдөлгөөний хүрээнд хэрэгжүүлэх таван их наядын “Шинэ хоршоо-Чинээлэг малчин” арга хэмжээний төлөвлөгөөг Засгийн газар энэ долоо хоногт баталсан.
Энэ өвлийн зузаан цас, зудын нөхцөл цаашид ч давтагдаж магадгүйг мэргэжлийн хүмүүс анхааруулсаар байна. Иймд уламжлалт мал аж ахуй цаг агаарын нөхцөлийг давахад хүндрэлтэй болсон. Мөн малчид арилжааны банкны жилийн 20-24 хувийн өндөр хүүтэй зээл авч, орлогоосоо давсан зарлагатай амьдарч буй. Малчид хамгийн өндөр хүүтэй зээл авдаг ч хамгийн бага орлоготой амьдардаг. Энэ хэвээр малчин ардын амьдрал цаашид үргэлжилбэл мал аж ахуйн салбар сэргэхгүй, малчдын амьдрал улам дордоно гэж Монгол Улсын сайд, ЗГХЭГ-ын дарга Д.Амарбаясгалан үзээд “Шинэ хоршоо” хөдөлгөөнийг санаачилж, зохион байгуулж байгаа.
Тэрээр “Малчид татвар төлөгчдийн мөнгөөр зээлээ тэглүүлдэг цаг өнгөрсөн. Тэд өөрсдөө хөдөлмөрлөж, өөрсдийн хүчээр амжилтад хүрч, ашиг орлогоо нэмж, амьдрал ахуйгаа дээшлүүлэх хүсэлтэй байна. Малын тоо толгойгоо өсгөх тусам улам ядуурсаар буй өнөөдрийн тогтолцоог өөрчилж, шинэчлэлт хийх зайлшгүй шаардлагатай тул “Шинэ хоршоо”-г орон даяар амжилттай хэрэгжүүлнэ” гэв.
“Шинэ хоршоо” хөдөлгөөн амжилттай хэрэгжсэнээр:
-Малчид, мал бүхий иргэд сайн дураар хоршоо байгуулж болно.
-Хоршооны гишүүн малчин айл 20-50 сая төгрөгийн, жилийн 6 хувийн хүүтэй, 3-5 жилийн урт хугацаатай хөрөнгө оруулалтын зээл авч болно.
-Хоршоондоо хөрөнгө оруулалт хийж хөгжүүлж, илүү ашиг орлого олсноор нэг малчин айлын сарын орлого 5 саяд хүрнэ.
-Нэг хоршоонд нэг удаад 5 га газрыг үнэ төлбөргүйгээр эзэмшүүлнэ. Тухайн газартаа мах боловсруулах, арьс шир, ноос ноолуурын гэх мэт өөрсдийн хоршооны үйлдвэрлэлийг явуулах боломжтой болно.
-Хоршооны талаар монголчууд, малчид ихээхэн сонирхож байгаа тул “Шинэ хоршоо”-ны талаарх мэдээллийг 1800-2024 дугаарын утсаар авч болох нь.
-Зээлийн батлан даалтын сан 80-100 хувийн баталгаа гаргана. Хангалттай хэмжээний барьцаагүй бол тус сан баталгаа гаргаж өгнө.
-Зээлийн батлан даалтын сан орж ирснээр 100 толгой малтай бол 30 сая төгрөгийн хөрөнгө оруулалтын зээл авах боломжтой гэдгийг Монгол Улсын сайд, ЗГХЭГ-ын дарга Д.Амарбаясгалан онцолж байв.
Хоршоогоор дамжуулан малчин өрхийн амьжиргааг дэмжих, мал, малын гаралтай түүхий эд, бүтээгдэхүүнийг үнэтэй болгох, малчдын орлогыг нэмэгдүүлэх зорилготой Засгийн газраас хэрэгжүүлж буй урт хугацааны цогц бодлого ийнхүү эхэллээ.
Сэтгэгдэл12
uu dald, ene humus ene namd sanala oghu zasag dmjij bn gd
Сэтгэлийн хөөрлөөр өндөр дүнтэй зээл авч хэдэн малнаасаа салав даа. Банк бол залгидаг газар шүү
Нэг приус аваад бага хүүгээ хот руу явуулаад халтуур хийлгэнэ дээ, тэр мөнгөөр нь.
яана аа нээрээ кккккк Арай ингэж болохгүй ээ. Хоршоо хөгжүүлэх гэж 1990 оноос хойш яваад бүтээгүй ш дээ, туршлага, алдаанаасаа суралцдаггүй юм байх даа. Сонгуулийн дараа энэ хийрхэл нь намдана байгаа.
Сонгууль хүртэлх шоу байна.
Өмнөх өрөө өгөөгүй байгаа малчдад ямар тэнэг банк нь нэмж зээл өгөх вэ дэ ! Сонгууль өнгөрсөн хойно засаг мөнгө гаргахгүй !
Буруудна даа. Өвс ногоо ургадаг газар мал өсгөж болох л юм. Өвс ургадаггүй газар хэдэн мал өлсгөж зовоогоод байж байдаг. Малын тэжээл тахиалж болдоггүй юм байхдаа.
өвс ургахгүй бол тэжээл бүр ургахгүй хө
сонгууль көрчиж бэа 30 сая амлалт өгөөд бн уу,
МАН эрх барьж байгаагаа эрхээ ашиглаж Шинэ хоршоо гэдэг төслийг судалгааны ажлын үндсэн дээр суурилан хэрэгжүүлээгүй зүгээр л сонгуулийн өмнөх хугацаанд сүрийг үзүүлж байна.
" Нэгдэл гэдэг айл нэг л биш ээ " гэсэн нүүгэлтэн эрчилсэн ХАР ҮҮЛ хот - хөдөөгүй чимээгүйхэн дүнсийн бүрхчихсэн байсан нь 90 - ээд онд аянга болон нүргэлснийг энэ жилийн зуданд ширвэгдсэн ШИНЭЧҮҮЛ яаж мэдэхэв дээ ... Засагтханы ХАРЧУУЛ бол завхрал нугалааг ч хөгжөөж чаддаг - залхаан цээрлүүлэлтийг ч дааж чаддаг ... Цогточирын Лоохууз 1- р хүний ГАРЫН " соён гэгээрүүлэгч " байж Шаргын говийг цэцэрлэгжүүлж - Хомын талыг усжуулж НЭГДЛИЙГ СААЖУУЛЖ ч явсан - 1 - р хүний ЁРЫН дайсан болж Сантын НЭГДЛИЙН хоньчин - Ганц худагийн ялтан ч болж ХАТУУГ туулж - АРДЧИЛАЛЫГ мандуулсан ...
МАН-ын мөнгө хүүлэгч данжаадууд малчдыг мөнгөөр барьцаалж атгандаа оруулж санал өгүүлэх аргандаа шилжлээ..Хүрээнд байсан хятад пүүсүүд ийм аргаар монголчуудыг барьцаалдаг байсан .