sonin.mn
Сэтгэгдэл (0)
"Эрдэнэт үйлдвэр" ТӨҮГ-ын ерөнхий захирал Г.Ёндон болон төрийн өндөр албан тушаалтнууд 24500 иргэний эрх ашгийг хохироож, "Зэс эрдэнийн хувь" ХХК-ийн үйл ажиллагааг зохион байгуулалттайгаар зогсоож байгаа талаар тус үйлдвэрийн анхдагч ахмадууд мэдээлэл хийлээ.
 
Энэ үеэрээ тэд: " "Бидний "Зэс эрдэнийн хувь" ХХК нь "Эрдэнэт" үйлдвэртэй 20 жилийн хугацаатай гэрээг үндэслэн банкны зээл авч, хөрөнгө оруулагч татан оролцуулж үйлдвэрээ барьсан. "Эрдэнэт үйлдвэр" 100 хувь төрийн өмчит болонгуут иргэдийнхээ халаасанд яагаад гар хүрэх болов? Үүний цаана хэн байна вэ гэсэн асуулт зүй ёсоор гарч ирж байна. Тэгвэл ЕТГ-ын дарга Я.Содбаатарын ах Я.Сод-Эрдэнэ нь эхнэрийнхээ дүү Отгонбаяраар дамжуулан, мөн түүний найз болох Ч.Мөнхжаргал нь манай  "Зэс Эрдэнийн Хувь" компаний 28 хувийг эзэмшдэг. Энэ бол зүй бусаар орж ирсэн. Бид энэ хүмүүсийг Монгол Улсын Ерөнхийлөгч У.Хүрэлсүхийн нэрийг барьж, дээрх хувийг эзэмшиж байж болзошгүй гэсэн хардлагатай байгаа.
 
Мөн тус компаний ТУЗ-ийн даргаар ажиллаж байгаа Г.Галсанням гэгч нь 32 хувийг эзэмшдэг. Энэ хүн алдарт луйварчин "Сахал" Д.Эрдэнэбилэгийн хамаарал бүхий хамгийн ойрын хүн. Г.Галсанням гэгч нь  хувьцаа эзэмшигчдийн төлөөлөл болох менежерүүдтэйгээ хуралдахдаа компанийхаа 34 хувийг барьсан үйлдвэртэйгээ "Эрдэнэт Үйлдвэр" ТӨҮГ-т өгөөд хэдүүлээ тарцгаая гэсэн нь дээрх 24 500 хувьцаа эзэмшигч иргэдийн эрх ашигт цаанаасаа зохион байгуулалттай халдсан үйлдэл мөн. Я.Содбаатарын ах Я.Сод-Эрдэнэ нь Хөгжлийн Банкны дэд захирлаар ажиллаж байхдаа "Зэс эрдэнийн хувь" ХХК-ТУЗ-ийн даргад 4.1 тэрбум төгрөгийн зээл олгосон байдаг. Хэрэг үүсгээд шалгасан ч хэрэгсэхгүй болгон цагаатгасан байдан. Эдгээр хүмүүсийг "Зэс эрдэнийн хувь" ХХК-д нэг ч төгрөгний хөрөнгө оруулаагүй мөртлөө ямар аргаар компанид хувь эзэмшдэг шалтгааныг тогтоолгохыг хүсэж байна" гэлээ.
 
Н.Отгон